انجازات السيد الرئيس محمد حسنى مبارك ( إهداء إلى Ahmed Salah )

[بندق__2007]

المشاركة الأصلية كتبت بواسطة abomamado

انا مش ضد المظاهرات السلمية

بس ضد ان الشعب يكون السبب الاول في التدخل الخارجي

...

عارفين سينايرو ما بعد مبارك هيكون ايه

خدو عندكو

1 - سقوط الحكومة المصرية ... و عدم القدرة علي السيطرة علي الموقف من جانب الحكومة

والشعب المصري يحتفل في كل مكان - وامريكا تهنئ الشعب المصري بعد معاناة دامت 30 عاما -

2 - تشكيل حكومة مؤقته و اجراء انتخابات بعد 30 يوما - وامريكا ترحب بالديموقراطية المصرية -

3 - مظاهرات رفض للحكومة المؤقته ومطالبات بأجراء انتخابات فورية - و امريكا تتابع الموقف -

4 - اقصاء جميع المرشحين ذوي العلاقة بجماعة الاخوان المحظورة - و امريكا تدعم الموقف -

5 - مظاهرات اعتراض علي استيعاد جماعة الاخوان و الجيش يتدخل - و امريكا تحذر من انفلات امني -

6 - تفجير بكنيسة العباسية و اصابع الاتهام تشير الي الاخوان المسلمين و تنظيم القاعدة - و امريكا تحذر من فتنة طائفية -

7 - الاف الاقباط يتظاهرون ويستنجدون بأمريكا لحمايتهم من تنظيم القاعدة

8 - امريكا تأسف علي الاوضاع في مصر وتدعو الجميع الي ضبط النفس

9 - اشتعال الفتنة الطائفية و اندلاع المعارك بين المسلمين و الاقباط

10 - مقتل 200 قبطي منذ اندلاع المعارك و الفاتيكان يطالب امريكا بالتدخل

11 - الكونجريس يمرر مشروع قانون يتيح ارسال قوات لحماية الاقباط في مصر

12 - امريكا ترسل قوات لحماية الاقباط في مصر

13 - انتو عارفين هيبقي ايه

---------------------------

ركزو في الكلام اللي بالاحمر و بفن كبير

فكركم... فيه سيناريو تاني غير ده ؟؟؟

بجد خايف علي مصر من الناس اللي مش فاهمين

واللي ملهمش فيها

أولا أشكرك على المرور و التعبير عن رأيك و احب بس ألفت النظر ليك ان الموضوع من 2008 و مش بعد الثورة

ثانيا : رأيك بجد يحترم و احنا على فكرة كلنا عندنا المخاوف دى

وضع طبيعي جدا ان مصر اكبر دولة فى الشرق الاوسط ان بعض العناصر تندس .... تانى بقول بعض .. و تالت بعض

لكن قولي لو بقي انتخابات ديمقراطية و اتلغي قانون الطوارئ و اتعمل دستور زى دساتير العالم المتقدم

مش هنبقي أسياد قرارنا ؟؟؟ و هنسيطر على بلدنا و هنمنع اى تربص بيها من الداخل او الخارج

على فكرة انا أفخر انى من ضمن الشباب اللى حلم ب 25 يناير

و من زمان نفسه اللى حصل ده يحصل

و الحمد لله حصل

لكن كل اللى عاوز اقوله ان لو فيه نظم و دستور و قوانين زى العالم المتحضر استحالة حد يقدر يتدخل فى شئوننا


------------------------------------------------------------------------------------------

الاخت elham39

شكرا لمرورك و شعورك الجميل بشعب مصر

اكيد الروابط العربية اقوى من اى حاجة و هتفضل اقوي

------------------------------------------------------------------------------------------
الشكر ليك يا استاذ نادر2008

على مرورك و الحمد لله الحمد لله ان ربنا كتب لينا نشوف الحلم حقيقة