أحمد جمال الدين موسي وزيرا للتعليم مرة أخرى

[khaloud]

الدراسه الاسبوع القادم بالمدارس وتاجيل اسبوع للجامعات

[georgenagi]

مصدر الخبر للتاكد لو سمحت

[hamdyyy2001]

المصدر جريدة اليوم السابع

[khaloud]

المصدر التليفزيون المصرى يااستاذ

[المشوخي]

احنا بشمال سيناء وضعنا صعب وغير مهيأ

[yes388]

والاسكندرية ؟

[محمود عمر حرب]

طيب وكفر الشيخ

[الريس 12]

استئناف الدراسة بالمدارس الأسبوع المقبل وتأجيلها بالجامعات



أعلن الدكتور أحمد جمال الدين موسى وزير التربية والتعليم والتعليم العالي استئناف الدراسة بالمدارس بجميع المراحل بداية من الأسبوع المقبل مع منح المحافظين صلاحية تأجيلها وفقا للأوضاع داخل كل مديرية تعليمية.
وقال الوزير إنه من المقرر تأجيل الدراسة بالجامعات لمدة اسبوع ، مشيرا إلى منح الجامعات الخاصة صلاحية تحديد موعد بدء الدراسة.

[e_a]

ازاى بس المدارس ترجع ومافيش شرطه كفايه لسه فى المحافظات ده مخاطره باطفالنامش هيجرى حاجه لو اتاجلت واتحذف اجزاء من المناهج او يتلغى التيرم كله ويراعى هذا فى العام القادم لان اكيد من فوائد الثوره العظيمه واحد ثمارها هيكون تعديل المناهج وتخفيف الاعباء عن الاطفال الابرياء ولا الوزير الجديد هيكون على نفس السياسه المهم كله تمام ومش مهم اولادنا

[e_a]

حراااام عليكو ازاي اطفالنا هينزلوا المدارس و الامن لسه مستتبش في البلد و لا اولياء الامور هيسيبوا شغلهم وينزلوا يعملوا لجان شعبية حولين كل مدرسه عشان يحرسوا اولادهم
يعني يا ريت وزير التربيه والتعليم يفكر شويه في الاتي:
1- غياب الامن
2- هروب المساجين و انتشار بلطجيه و مع كونهم ايضا مسلحين
3- رجال الامن زات نفسهم فيهم مجرمين
4- اطفالنا لا حول لها و لا قوه ايه اللي ممكن يحصل لو استخدموا كرهائن كوسيلة ضغط وياريت وزيرنا مينساش بلطجيه (موقعة الجمل) و مين اللي كان وراها
5- يا ريت منمشيش زي زمان بالقرارات الفرديه لا بد من تنسيق مع وزارة الداخليه ان كان من الممكن استئناف الدراسه ام لا
6- يعني معلش ازاي الجامعة تؤجل اسبوع و المدارس لا هل يعني الصغار قبل الكبار عجبت لك يا زمن
عايزين نتطور بقى و منرجعش للتخلف اللي كنا فيه
و يا ريت المدارس تتأجل الى ان يستتب الامن 100% ان شاالله تتاجل شهر, نستغنى عن الدراسه ولا نستغنى عن اطفالنا ؟!

[المشوخي]

نفسي أعرف الدراسة هتبدأ بشمال سيناء على مسئولية من وكيف؟
الشيخ زويد ورفح لا يوجد بها فرد أمن واحد