استقالة شفيق

[محمد على المنياوى]

عاوزين نتعود نحكم على مناصب وافعال وسياسات مش على اشخاص ..!!! ولو قولنا اوك هوا راجل محترم ومفيش زيه بس يبقى الرجل المناسب في المكان الغير مناسب والزمن الغير مناسب .. ياريت نغير طريقة تفكيرنا بقى ونشوف فين الاصلح والانسب للمنصب ومانحكمش على واحد لمجرد انه قال كلمتين حلوين

وكيف استطعت أن تحكم وتقيم عمل الفريق أحمد شفيق فى هذا المنصب هل الفترةالتى تولى فيهه كانت كافية ليظهر عمله ويمكن تقييمه هل الوقت الذى تولى فيه كان مناسبا بل تولى فى أصعب الفترات التى تمر بها البلاد
وإذا كنت تحكم على الدكتور شرف بأنه الرجل المناسب فى المكان المناسب طب قلنا تاريخه السياسى الذى يؤكد ذلك هل نستطيع الحكم عليه فى وظيفة ما قبل أن نرى نتاجه
خلاصة القول نرضى عن هذا لأنه معنا ونغضب من هذا لأنه ضدنا كل من يتحدثون فى السياسة الآن لا يفقهون شيئا عنها لأننا وجدنا أنفسنا بمحض القدر فى فترة وعهد لم نكن نحلم بمثله أبدا وكلنا لم نكن نتعلم أو حتى نستطيع التحدث فى السياسة
الان الكل بيتكلم فى السياسة وأنا معاهم

[~: Zac :~]

المشاركة الأصلية كتبت بواسطة محمد على المنياوى

وكيف استطعت أن تحكم وتقيم عمل الفريق أحمد شفيق فى هذا المنصب هل الفترةالتى تولى فيهه كانت كافية ليظهر عمله ويمكن تقييمه هل الوقت الذى تولى فيه كان مناسبا بل تولى فى أصعب الفترات التى تمر بها البلاد
وإذا كنت تحكم على الدكتور شرف بأنه الرجل المناسب فى المكان المناسب طب قلنا تاريخه السياسى الذى يؤكد ذلك هل نستطيع الحكم عليه فى وظيفة ما قبل أن نرى نتاجه
خلاصة القول نرضى عن هذا لأنه معنا ونغضب من هذا لأنه ضدنا كل من يتحدثون فى السياسة الآن لا يفقهون شيئا عنها لأننا وجدنا أنفسنا بمحض القدر فى فترة وعهد لم نكن نحلم بمثله أبدا وكلنا لم نكن نتعلم أو حتى نستطيع التحدث فى السياسة
الان الكل بيتكلم فى السياسة وأنا معاهم

حضرتك انا مش معاكم .. وانا طول عمري بتكلم في السياسة وبنتقد نظام مبارك بالفعل وبالقول ونزلت مظاهرات واتبهدلت كتير وشوفت مصايب بتحصل وكنت طول عمري ف كل مكان بتكلم وبفضح اللي بيحصل وبقول كلمة حق على الكويس والوحش وماليش اي صالح ف اني اتهم احمد شفيق بحاجة مش فيه او امدح عصام شرف بحاجة مش فيه .. تمام ؟؟

بالنسبة لاحمد شفيق فهو اوك عمل طفرة في الطيران المدني بس هوا عمله برائسته لشركة مصر للطيران مش بانه وزير للطيران المدني .. وان كانت دي حاجة تؤخذ عليه لانه كده يعتبر مراقب على نفسه وكان المفروض ميكونش الوزير هوا صاحب الشركة ... حاجة تانية فهو كان بمثابة الاخ الاصغر لمبارك وصديق لكل اصدقاء مبارك ومعاهم على طول الخط وعمره ماعترض وقال لا ... لما عينه مبارك فضل شفيق يدافع عنه طول الوقت ومقالش اي حاجة في صف الثورة ... يمكن كلامه مهذب واسلوبه كويس بس دا مش كفاية نهائي !! احنا عاوزين واحد مؤيد للثورة ومطالبها !! ازاي نثق في احمد شفيق انه يهتم بمحاسبة كل رجال الاعمال الفاسدين واللي اكيد فيه منهم على علاقة صداقة بيه .. وهو مفيش اي حاجة في تاريخه تقول انه اعترض على دا ف يوم ؟؟ حاجة كمان هو وان كان كويس في منصب وزير الطيران فهو مش مناسب نهائي ف منصب رئيس وزرا ومش سياسي ناجح بالمرة ودا كان بيبان من كلامه .. هو اوك اسلوبه مهذب وكويس بس كلامه زي كلام واحد عادي مش كلام واحد مسؤول وف منصب كبير زي دا !!! يعني افعاله وكلامه هما اللي خلونا نقول شفيق يمشي بس دا مش معناه اننا بنهاجمه هوا !! هوا مهذب ومش بنشتمه بس ميبقاش في المنصب دا .. تمام ؟؟

بالنسبة لعصام شرف فحضرتك دا كان معارض للفساد على طول الخط ودا من اكبر خبراء النقل والطرق في العالم العربي وكان وزير للنقل واستقال بعد حادثة عبارة السلام و قطار قليوب .. احتجاجا على سياسة النظام الفاسد ... وهو كان مع الثورة من بداياتها .. وكل القوى السياسية والشبابية في البلد معترفين بشرفه ونزاهته وفيه شبه موافقة بالاجماع عليه للي يعرفو كويس ... مش معنى كده انه ملاك !! عصام شرف لو ظهر منه اي تقصير وانه مش هايصلح للمنصب اكيد هتبدأ الناس تغير رايها فيه ...

مانتوقعش اننا هنلاقي امير المؤمنين يعني واحنا اصلا مش الصحابة ... فاكيد اي حد ييجي مهما كنا عاوزينه ممكن بعد فترة يتغير ومبارك كان كده ع فكرة ...

بس اهم حاجة في فترة حساسة جدا زي دي ان يكون فيه حد نثق فيه ونضمنه جدا مش حد لسه هانجربه ونديه فرصة واحنا اصلا مخترناهوش لمجرد ان بيتكلم باسلوب مهذب !!!

[أ / طارق عتمان]

المشاركة الأصلية كتبت بواسطة ~: Zac :~

بالنسبة لاحمد شفيق فهو اوك عمل طفرة في الطيران المدني بس هوا عمله برئاسةلشركة مصر للطيران مش بانه وزير للطيران المدني .. وان كانت دي حاجة تؤخذ عليه لانه كده يعتبر مراقب على نفسه وكان المفروض ميكونش الوزير هوا صاحب الشركة ... حاجة تانية فهو كان
1 - بمثابة الاخ الاصغر لمبارك
2 - وصديق لكل اصدقاء مبارك
ومعاهم على طول الخط
3 - وعمره ماعترض وقال لا ...
لما عينه مبارك فضل شفيق يدافع عنه طول الوقت
4 - ومقالش اي حاجة في صف الثورة ...
يمكن كلامه مهذب واسلوبه كويس بس دا مش كفاية نهائي !!
احنا عاوزين واحد مؤيد للثورة ومطالبها !!
ازاي نثق في احمد شفيق انه يهتم بمحاسبة كل رجال الاعمال الفاسدين
واللي اكيد فيه منهم على علاقة صداقة بيه .. وهو مفيش اي حاجة في تاريخه تقول انه اعترض على دا ف يوم ؟؟
حاجة كمان هو وان كان كويس في منصب وزير الطيران فهو مش مناسب نهائي ف منصب رئيس وزرا ومش سياسي ناجح بالمرة ودا كان بيبان من كلامه ..
هو اوك اسلوبه مهذب وكويس بس كلامه زي كلام واحد عادي مش كلام واحد مسؤول وف منصب كبير زي دا !!! يعني افعاله وكلامه هما اللي خلونا نقول شفيق يمشي بس دا مش معناه اننا بنهاجمه هوا !! هوا مهذب ومش بنشتمه بس ميبقاش في المنصب دا .. تمام ؟؟

والله كلام سليم بس احنا مصريين وعيبنا لسة الشعب المصري عاطفي زي ما هو بيتأثر بالبلوفر و البساطة في الكلام و ينسي حاجات كتيرة أهمها:
د.أحمد شفيق راجل محترم جدا بس كان فين لما الظهر يوم الأربعاء الدامي و هو بيقول المتظاهرين سلامتهم علي رقبتي و في الليل يتضرب المتظاهرين بالرصاص؟؟؟؟؟؟؟؟؟؟؟؟!!!!!!!
المرحلة دي ياجماعة مش مرحلة كلام المرحلة دي عايزة عمل بجد
وانا مع الفريق شفيق لما قال هذا الكلام
ولست معه عندما سكت ووقف مكتوف الايدي أمام أشياء كثيرة كان يجب عليه سرعة التحرك بما يناسب حالة الغليان التي تمر بها البلاد