أخطاء ظهرت في امتحانات المحافظات

[MR : ABO BATTA]

المشاركة الأصلية كتبت بواسطة hisham_physics

معلش لو هتدخل في قسم مش بتاعي
بس إنتوا زعلانيين ليه على تفاهة الإمتحانات
هو في حد بيذاكر حاسب أصلاً ؟؟؟؟؟؟
يعني لو جابوا الإمتحان صعب شوية يبقى الطلبة هتسقط فيه
فهيقولي واحد منكم إن المفروض يجيبوا الإمتحان صعب عشان الطلبة تذاكر
فهرد عليه و أقوله إن تدريس الحاسب في المدارس فكرة فاشلة تماماً ، طول ما الطالب مش قاعد على الجهاز قدامه و بيتشرحله عليه عمره ما هيفهم حاجة في الحاسب
و بيدولهم برمجة و لغة html ولا عمري شوفت طالب عندي قالي أنا صممت برنامج و لا حتى عملت صفحة على الإنترنت

آسف مرة أخرى على تدخلي في قسم غير قسمي بس حبيت أوضح وجه نظري بس

معلش هتدخل وارد عليك في القسم اللي هو بتاعي
حضرتك بتقول الحاسب مادة ملهاش لازمة تدرس في المدارس لأنها فكرة فاشلة ولم تجد طالب عندك صمم برنامج او عمل صفحة على الانترنت
يا مستر هشام .. تقدر تقولي حضرتك الطالب اللي بيتشرح له في المدرسة رياضيات او انجليزي او علوم او دراسات او حتى لغة عربية طبعا دي المواد المهمة ليه بيرجع ياخد فيها دروس تاني بعد كدا وياحبذا لو كانت خصوصي .. يا ترى العيب في مين ؟؟؟؟؟
في الطالب اللي مش مهتم بالمواد ومن ضمنها الحاسب
ولا في المعلم اللي مش عايز يشرح في المدرسة اللي اصلا مش بيروحها ..... !!!!!!
حضرتك زعلان علشان مش عندك طالب صمم برنامج او عمل موقع ويب ويا ترى حضرتك بتكون مبسوط لما بتلاقي طالب متفوق في مادة معينة طبعا بالدروس الخصوصية وهذا التفوق علشان يفرغ فقط في ورقة الاجابة وتيجي تسأله بعد كدا يعرف ايه عن المادة او المحصلة اللي عنده .. تجدها صفرا
اسمح لي ان اختم كلامي يا مستر معك بحاجة بسيطة جدا .. المادة الوحيدة التي تبقى مع الطلاب هي الكمبيوتر لأنه لا حياة الآن بدون كمبيوتر ولا عمل بدون كمبيوتر فلو نظرت لأفشل طلاب اي مدرسة ستجدهم مهرة في استخدام الكمبيوتر وإن كان ليس منهجهم الذي يدرسون ولا يفقهون شيئا عن المواد الأخرى ....