شيخ الأزهر يقرر حذف فقرتين من الفيزياء‏ وفقرتين سهلين

[:: [ K A B B O W ] ::]

المشاركة الأصلية كتبت بواسطة fatakat400

ليه مين قال مدرس يحل فى ساعه ويملى طالب فساعتين بالموبايل ويبقى ميه ميه
الامتحان ده لو كان اقصر وبنفس المسائل كان عادى بس المشكله ان مفيش وقت تفكر
انا والله من اول دقيقه لاخر دقيقه وانا بكتب وحسه ان القلم بيكتب لوحده من غير ما افكر
تبع ماتيجى عشان عامله حسابى مفيش وقت وشدوا الورقه منى وانا لسه بكتب

بالله عليكى مدرس مين اللى يلحق يحل الأمتحان ده كله فى ساعة ؟

و لنفترض انه حله فى ساعة و لنفترض برده ان الطالب معاه موبايل و كمان المراقب ماسك له الشاحن علشان الموبايل ميفصلش و يقطع له حبل افكاره

و نفترض برده ان الطالب ( اللى ملوش فى اى حاجه ده ) عنده سرعة صاروخية انه يكتب حل الامتحان ده كله فى ساعتين بس

لو كل الفروض دى حصلت برده الطالب اللى مذاكر هيتميز عن الطالب البطيخه ده

لأن الطالب ده مش هيرسم و لا رسمه من الرسمات اللى فى الامتحان ده و اللى عليها اكتر من 10 درجات

و لا هيعرف يحل المسائل صح ... لأن أنتى عارفه و انا عارف ان المسائل بتحتاج لوقت علشان نتعود على طريقه كتابتها بشكل صحيح

يعنى مع الظروف المستحيله اللى انا قلتها فوق دى الطالب البطيخه ده هيجيب 45 من 60 بالكتير اوى

- - -

أنا زيك و هنقص فى الامتحان ده حوالى 5 درجات مع انى و الله عارف كل حاجه فى الامتحان ده

بس فعلا مكنش فى و قت انى اراجع اى حاجه و بسبب كده غلطت فى مسألة الجلفانومتر لأنى من العجله بدل ما اكتب 1.5 - 0.3 عملتها 1.5 - 0.03 و المسأله كلها عكت معايا و متأكد ان المصحح هينقصنى فيها مش اقل من 3 درجات لأنى ملحقتش اكتب و لا قانون احسسه بيه انى فاهم فكرة المسألة

و السؤال الغبى بتاع التصحيح ده حليت كل صح و بتاعت عزم الازدواج حلتها بطريقه غريبه جدا لان الحل الغريب ده هو اللى جه فى دماغى و قتها و كنت يا اما اكتبه وززى ما تيجى تيجى يا اما هتعدى الدقيقه اللى انا خصصتها للسؤال ده واخد من وقت سؤال تانى

برده فى مسألة الحث الذاتى غلطت و انا بعوض برقم فى اخر المسألة و هنقص فيه بتاع درجتين

ده غير الاخطاء الأملائية فى الاسئلة المقالية

كل دى اخطاءلو كان فى بس وقت مكنتش غلطت و لا واحده منهم لأنى مش غبى اوى فى الفيزياء علشان اغلط غلطات زى دى

و نفس الموقف حصل معايا و الورقة اتشدت منى و انا بكتب اخر حاجه فى حل المسأله السادسة و كمان قبل الوقت ب 3 دقايق و لولا انى زعقت و رئيس اللجان عارف انى شاطر مكنتش قدرت اخد الورقه و اكتب اخر حاجه دى

- - -

الشاهد فى الرغى بتاعى ده كله .. ان الطلاب اللى انا كنت عارف انهم فى لجان تانيه بيقفلوا كل الامتحانات بالغش

أجدع واحد فيهم ناقص فى الأمتحان ده 30 درجه ده غير اللى شالوها مع العلم أن الأجابة النموذجية كانت طالعه لهم فى اللجنة

وهو ده اللى هيميز بين واحد زى و زيك طلع عينهم فى المذاكره طول السنة و واحد تانى ... أنتتى عارفه

علشان كده بقول الحمد لله انه جالنا امتحان زى ده يظبط الدنيا شوية و يدى للكل واحد حقه