أرجوا المساعدة ( 99.4 % ) : بترول وتعدين و لا " هندسة القاهرة "

[student1]

شكراً لكل الناس اللى ردوا على الموضوع و الحمد لله ربنا هدانى إنى أكتب هندسة القاهرة أول رغبة وكان الله على كل شئ مقتدراً

**********

المشاركة الأصلية كتبت بواسطة icedragon

السلام عليكم
اول حاجة مبروك
تاني حاجة انا جايب مجموع عالي زيك الحمد لله وان شاء الله نفسي ادخل بترول
ودي المميزات اللي هتلاقيها في بترول
انك ان شاء الله هتكون معايا في الكلية
عدد الدفعة قليل
فرص شغلها ممكن تكون احسن (لاحظ ممكن والله هو الرزاق)
وعموما بترول بهدلة شوية ومحتاجة انك تستحمل وكمان محتاجة مذاكرة كتييييييييير علشان ربنا يكرمك وتلحق قسم كويس

والله كان نفسى بس خلاص انا استخرت ربنا و كتبت هندسة القاهرة أول رغبة و لو ربنا عايز بترول تجينى مع انها تانى رغبة هتيجى لأنى مؤمن إن ربنا بيحب لعباده الخير و اللى يحط أمله على ربنا عمر ما ربنا يخيبه .. ومن ناحية البهدلة الشغل كله بهدلة بس بهدلة فى حاجة بتحبها أحسن من بهدلة فى حاجة ما بتحبهاش أو عشان فقط محدش يقول لك ليه يا يبنى مكان من الأول دخلت بترول وريحت نفسك و الأرزاق على الله وحياة مهندس البترول معتقدش إنها تناسبنى لأنى فكرت فيها من ناحية الأسرة وتربية الأبناء وتأثير الأب عليهم وهو بعيد عنهم بالسنين وفجأة يرجع عايز يمارس سلطاته الأبوية الشرعية ...

المشاركة الأصلية كتبت بواسطة yasmine ibrahim

بص من رايى النتواضع
انت لو حابب البترول وحاسس انك عاوز تدخلها وهاتتميز فيها ابقى اتوكل على الله وادخل بترول بس لو فى قسم فى كلية هندسة انت عاوز تدخاوا زى قسم ميكانيكا او مدنى .... وحاسس انك حابوا وهاتمميز فيه ادخلوا وهنا فى المنتدى فى موضوع عن اقسام كلية الهندسة يريت تدخل وتقراه
اخر حاجة عاوزة اقولها وركز فيها معلش
اوعى تسمع الكلام اللى بيقول خسارة مجموعك وحراااااااااااااام انك ماتدخلش بترول انت جايب المجموع علشان تدخل الحاجة اللى انت عاوزها وحاببها مش علشان تستخسر وتدخل بيه حاجة تانية شوف انت ميال لايه اكتر وايه اللى حابوا اكتر وايه القسم اللى لو دخلته هاتبقى متميز فيه وحاجة كبيرة ان شاء الله
وربنا يوفك فى الاختيار اللى هاتختاروا

رأيك يحترم و شكراً جزيلاً
أهم حاجة الواحد يتعب فى حاجة بيحبها

المشاركة الأصلية كتبت بواسطة ميدو عماد

توكل على الله و خش هندسة انا شايف ان درجاتك الرياضية جيدة و حاسس ان ميولك هندسة

انت برنس وفهمتنى

المشاركة الأصلية كتبت بواسطة cazanova_love

ههههههههههههههه انت كده ميولك للبترول على فكره .. اكتبها اول رغبة ربنا يخليك وتعالى معايا فيها ونبقى اصحاب وانا لسا مش عارف هعد فين هناك يا ريت تكلمنى وربنا معاك ان شاء الله

متسبش بترووووووووووووووووووووووول حراااااااااااااااام بجد لالالالالالالالالا ان شاء الله هتيجى هتيجى يا بشمهندس

انا آسف والله كتبت القاهرة وربنا معاك وإن شاء الله أكيد هتلاقى أصحاب ولاد ناس

المشاركة الأصلية كتبت بواسطة a7mad3ali

بص يا سيدي

انا كان نفسي ادخل بترول بس مجموعي مجبهاش ودخلت هندسة

وحاليا الحمد لله فرحان جدا اني مدخلتش بترول

وليا واحد صاحبي دخل بترول وندمان جدا انه دخلها ومدخلش هندسة

اولا بترول الغربة فيها صعبة والدراسة بتاعتها فيها بيولوجيا وحاجات كده غريبة تبع دراسة طبقات الارض وحاجات نظري

ومش هتبقي بقي زي هندسة من ناحية الرياضة والفيزيا والحاجات الحلوة اللي معظم العلمي رياضة بيحبها

تاني حاجة نقطة الشغل فيها بقت عايزة واسطة والموضوع صعب جدا

بس طبعا لو ضربت معاك واشتغلت فانت كده عديت ان شاء الله

بس اهم حاجة متخليش مجموعها يغرك وتستخسر مجموعك وتقول بقي ادخل حاجة ب 93 % ولا 99 %

يعني فكر من ناحية الميول والحب مش من ناحية المجموع وان شاء الله مدام صليت استخارة ربنا هيوفقك للخير

شكراً لك يا باشمهندس

المشاركة الأصلية كتبت بواسطة hopy1994

مش مهم تخش ايه







المهم انك جايب 99.4 بسم الله ماشاء الله

شكراً جزيلاً وهذا من فضل ربى