طالب مستجد

[conan10]

المشاركة الأصلية كتبت بواسطة العربي الصغير

أنا طالب مستجد في حاسبات ومعلومات عين شمس ، أولاً أنا ما عنديش أدنى فكرة عن المجال ده ، فممكن حد يديني تصور عن المجال ده وإيه مجالات الدراسة ، وكمان باقي حوالي شهر على بداية الدراسة وعندي فيها وقت فراغ كويس ، فإيه ممكن أعمله في الوقت ده بحيث إني أستفيد من وقتي وفي نفس الوقت أجهز نفسي للدراسة ، يعني ممكن حد يدلني على موقع معين أتعلم منه مقدمة عن البرمجة مثلاً ، أو أي شيء يفيدني في الاستعداد للدراسة . وكل سنة وانتم طيبين .

طب معلش سؤال
انت دخلتها لية ادام انت متعرفش عنها أى حاجة ؟؟


بالتوفيق ان شاء الله

[heshammmmm]

انا ان شاء الله هدخل حاسبات القاهره لاني جبت 384ونص بس من خلال جمعي للمعلومات عن الكليه دي عايز اقولك انك هتعيش احلي 4 سنين في حياتك وهتخرج تشتغل علي طول بفلوس كويسه وانصحك تقلب في صفحات المنتدي وكده وتنزل مره عين شمس تكلم الطلبه اللي في الكليه وكده خليك نشيط وربنا معانا بقي بالتوفيق

[the pop]

يا شباب الله يكرمكم أنا جايب 383 يعن 93.4 ... ممكن أبقى زميل لويكم واقبل ولا ؟؟؟

[العربي الصغير]

المشاركة الأصلية كتبت بواسطة conan10

طب معلش سؤال
انت دخلتها لية ادام انت متعرفش عنها أى حاجة ؟؟


بالتوفيق ان شاء الله

أنا أقولك ليه دخلتها ، أنا أصلاً ما أعرفش حاجة عن التخصصات غير أساميها ، وكان كل هدفي في الثانوية العامة إني أبذل أقصى جهدي وأجيب أقصى مجموع أقدر عليه ، ولما جيت أكتب الرغبات كنت محتاس حوسة ما يعلم بيها إلا ربنا ، كتبت كل كليات الهندسة في مصر الأول لا لشيء إلا لأن أخويا في هندسة ، وبعدها ما لقيتش حاجة تانية يدخلها طالب علمي رياضة غير الحاسبات والمعلومات وكتبتها وجت من نصيبي ، ولكن إن شاء الله عندي استعداد للدراسة فيها وهابذل جهدي قدر الإمكان ، متشكر على ذوقك