اضراب المعلمين

[khalidzayed]

ايوة لازم زينا زى غيرنا محنا بيطلع عينينا فى المدارس

[أستاذ/شفيق الأخضر]

اين مرشحي النقابة مما نحن فيه؟
الأخوة الأفاضل مع احترامنا الشددي لهم اين هم من هذا الظلم؟
ام هو كلام في الأوراق للترشح؟
ان لم يكن لهم دور في هذه الفترة الحرجة فمتى سيكون دورهم؟
مرشحي النقابة عددهم يفوق ال10 آلاف معلم لو تجمعوا وحدههم لغيروا النظام التعليمي في مصر برمته ؟
ان لم يكن لهم دور في هذه الأيام فحرام علينا ان ذهبنا حتى الى الصناديق لندلي بأصواتنا ؟
لأنها ستكون نقابة هاوية من أصحاب العزائم؟
أكرر مع احترامنا الشديد لكل منهم كزملاء

[محمدفتحي فارسكور]

معلمو دمياط بالكامل سيقومون باضراب أمام مديريه التربيه والتعليم يوم الاربعاء 10 /8 للمطالبه بوضع حد أدني للمعلمين وتحسين أوضاعنا فلايجوز أن يكون مرتب العامل بالمدرسه وموظفه الادريه الحاصله علي دبلوم زراعه ودبلوم تجاري مرتبهم أعلي من معلم حاصل علي مؤهل عالي ليسانس اداب وتربيه ومن هنا سندعو إلي اسقاط وزير التربيه والتعليم واسقاط مستشارينه الفاسدين الذين يتقاضون ألاف الجنيهات شعب دمياط يريد اسقاط وزير التربيه والتعليم الضعيف الذي ليس له كلمه مسموعه والمفترض ان يتحدث بلسان المعلم وليس بلسان الاداريين والعامل عليه العوض بالعلم

[mr.emad.]

ربنا يوفقكم يا رداله

[Mr. Tamer Metwaly]

المشاركة الأصلية كتبت بواسطة malakdarsh

عندى احساس ان معلمى الثانوى العام
هيبيعوا القضية

احساسك فى محلة لان هذا الاحساس عند ناس كتير الناس دى رستئو نفسهم ومبدوروش على حد الامل فينا نحن المعلمين الجدد فى الدم الجديد لأننا بنحس بمعانات بعد مش زيهم

[سعيد*مروان]

الاضراب هو الحل ومن اول يوم فى الدراسه ونحن معلمى الازهر جميعا هانضرب من اول يوم للدراسه

[nouregypt]

هو الوزير يقصد مين بالضبط شكله اصلا ماسك وزارة غير وزارة التربية والتعليم مع كامل احترامى لل...... قصدى الوزير يعنى بكلامة دة عاوز يقول ان احنا بناخد اكتر من الموظفين العاديين بسبب مكافاة الامتحانات طب اوكى مش عاوزنها بس ابقى خلى بتوع البترول اللى بيخدوا اكتر مننا حوافز دة غير المرتب اللى زاد هما وبتوع البنوك يبقوا يصححوا ورق الامتحانات ويرقبوا احنا شغلتنا مدرسين فقط وليس مصححين ولا مراقبين هو واحد بياخد حوافز 235 % وفى الاخر يبقى مرتبة ميكملش 500 او 600 جنيه يا ظلمة

[رضاالسعيد2]

الاضراب من اول يوم دراسي حتى ننال حقوقنا

[ايمن فاضل احمد]

اهم حاجة في الموضوع ده الكرامه والعدالة
احنا اهم حاجه عندها المساواة فقط وليس التميز نحن لا نريد كادر كاذب
نريد حياه سليمة وعدالة مطلقة بين جميع الموظفين بالدولة فليس من المعقول ان بتاع الكهربا ياخد فوق الالف جنيه والمعلم يبقي اقل منه
البقاء علي الوزير فيه تعنت شديد لانه واقف امام المعلمين ذى ما يكون بيدفع الفلوس من جيبه
زياده ايه اللى بيقول عليها
هما مش مكسوفين من نفسهم لما مش عارف يرقي المعلمين علشان زيادة الرواتب والله شيء يكسففففففففففففففففففففففففففففففففففففففففففففففف ففففففففففففففف

[jamyka555]

لا حل سوى الاضراب

[ابو عبودى]

فعلا الاضراب و خاصة مع بداية الدراسة هى دى اللى هتحل المشكلة لان الوزير ده ضعيف ومش عارف يجيب لينا حقوقنا وكمان بيقول ان لو مش عجبنا نلجا للقضاء طيب انت تبقى بتعمل ايه للمعلمين ( مش عايزينه ولا عايزين الكادر انا اعرف ناس متعينين بالاعدادية مرتبهم 900 جنيه *) حرام عليكوا بقى انا بضرب نفسى بالجزمة انى دخلت كلية التربية ووجعت قلبى وعملت دراسات عليا على ايه يا رتنى اشتغلت بالاعدادية

[محمد زيتون]

هيا بنا نسترجع كرامة المعلم المصرى و نطالب بحقوقنا المادية و المعنوية و الإجتماعية
و ندعو إلى إضراب عام على مستوى الجمهورية و نقف يد واحدة للمطالبة بأقل حقوقنا و هى أن نعيش حياة كريمة
و أن تبدأ الدراتسة بلا مدرسين ولا بد من إقالة وزير التربية و التعليم طالما لا يستطيع الدفاع عنا و المطالبة بحقوقنا
ولا حول و لا قوة له
محمد أحمد زيتون ــ إدكو ــ بحيرة

الأخوة المعلمون لا تنتظروا خيرا ً ما دام عضو مجلس السياسات هو وزير التربية و التعليم و هو أم الفلول
ولذلك نحن مع الإضراب العام على مستوى الجمهورية حتى نحصل على حقوقنا كاملة
و نجعل عنوان العام الدراسى القادم هو ( مدارس بدون معلمين )
حيث أن فلول الحزب الوطنى ( سمير رضوان ــ أحمد جمال الدين موسى ) يعملون بكل جد و إخلاص
لإذلال المعلم و إهدار كرامته و هدم العملية التعليمية بنفس طريقة نظام الرئيس المخلوع
عقل سعد شميس ــ معلم أول أ ــ البحيرة ــ مركز إدكو ــ ش محمد الشلبى

[malakdarsh]

بلا تعليم بلا زفت الطين
ضيعتنا ياجمال الدين

[جورج تادرس]

الاضراب هو الحل فعلا فى بلد متعرفش تمشى بالاصول

[mrmoh]

لا حل سوا الاضراب تماما عن الذهاب ودخول المدارس الا بعد الحصول علي كافة حقوقنا المادية والدرجات التي لم نحصل عليها حتي الان وحسبي الله ونعم الوكيل فيك يا سيادة الوزير . حيث ثبت لنا ان سيادتك طالما حاولت كثيراً من اول ما اخترعت الكادر ذل واهانة المعلمين لنا الله وانت لك العذاب