فضفض وانسى همك

[highlight]

عارفين يا جماعة انا فى 2 جبت 96 الحمد والشكر الله
كنت ناقصة درجة فى كل مادة و الرياضة 4 درجات لوحديها دا طبعا عشان كله عارف امتحان التفاضل كان عامل ازاى
كل لكل لما افتكر الموضوع ده كنت بقول الحمد لله و بجد من قلبى انها جت على قد كده
السنة دى بقى...........3
انا نقصت 5 درجات فى العربى لوحده كنت هموت لما شفت الدرجة دى
الامتحان سهل اوى و انا جايبة 29 فى 2
ازاى ده يحصل؟؟؟
بابا عملى اعادة تصحيح
رحنا شفنا الورقه بقى .......... كاتبين برة ممنوع الدخول بنموذج الاجابة و ملوتتها بالالوان الجملة دى.......يعنى واضح الفطش
بسم الله بنفتح الورقة.........التعبير الوظيفى 2/3 و التعبير الانشائى 6.5/7
الله عليك يا مصحح ياللى بتنقص فى التعبير الوظيفى درجة بحالها مع انه عايز رسالة متزدش عن 8 سطور
عملتله 7...........شكله مش بيعرف يعد
نكمل
دخلنا للقصة 6/6...........الله يخليك
القراءة 4.5/6........الله يخدك وما يوريك يوم عدل فى حياتك..........حد يسال ليه!
انا و بابا بندور على علامة غلط مفيش جينا نجمع لقيناها صح 4.5
طلعت نموذج الاجابة بشوف فى ايه
اقسم بالله العظيم 3 الدرجة ونص ضاعت فى السؤال جـ اللى عليه 2.5 و كل ده عشان مش كاتبه وى نموذج الاجابة كان فى كام (كلمة) ناقصة........حسبى الله و نعم الوكيل فيه
ندخل على النصوص الاجبارى الصدمة الكبرى.........4.5/8
دا انا بقول فيها حسبى الله و نعم الوكيل على المدرسة بتاعتى و اللى صحح لى
محدش يقلى حرام عليكى دى مدرستك و عيب ............كان نفسى اى حد قبل ما الجملة دى تيجى فى دماغوا كان ييجى يشوف هى كانت بتدعى علينا ان امتحاناتنا تيجى صعبة ازاى
والسبب الرئيسى فى دعايا انها كانت كاتبلنا حاجات غلط فى الورق اللى كنا بنذاكر منه وكله طبعا بيذاكر مذكرات و انا اول الناس
ما علينا ........جبت 25 من 30
ومجموعى كله كان 396
لو تعرفوا يا جماعة ان المجموع دا مجموع اقل كلية صيدلة فى مصر.........
والله لو فى حاجة ممكن اقولها غير الحمد لله و انى اشكره على كل ده كنت عملتها
يا جماعة والله اشكروا ربنا على كل اللى حصلكوا والله لو كانت جتلى حقوق كنت هقول الحمد لله
اكيد ربنا حطك هنا عشان عايزك تعمل حاجة معينة
ومبروك لكل اللى نجحوا