تعالو بينا نناقش احوال بلدنا ( الجزء الاول )

ضى الفجر · #1 08-09-2011, 02:48 AM

بص انت جيت على الوجعة

عامة البلد كلها طواااااااااااااااااااابير فى كل حاجة

يعنى مش فى العيش بس * الحمد لله * دى ميزة بردوو

عامة هما يطلعوااا عينك عقبال ما تعمل اى حاجة وممكن هما

يكون عندهم كل الامكانيات اللى تجعلهم اقدر على جعل

الحياة بسيطه وما فى اى مشقة على اى مواطن على الاطلاق بس

هما مش عايزين يورونا السعادة دى خالص * خسارة يعنى

فيكم *

وتجد فى اى بلد اى ورقة تخلص وانت قاعد فى البيت من خلال

النت وكل حاجة بتكون على الوجه الاكمل

ودى مش تحتاج بأة ناس كفاءة ولا بتاع دى بتكون فى اى

مكان وبأقل التكاليف

هما هنا * ابتسم انت فى مصر

* الورقة تاخد يجى كدة

بتاع اسبوعبن ولو خلصت اصلا فى اسبوعين الى جانب الاهانة

اللى ممكن تتعرض ليها وانت بتقضى المصلحة بتاعتك وياريت

بتخلصها على حساب كرامتك نو نو نو مش بتخلص حتى لو على

حساب كرامتك

عارف انا حاسة ان احنا عملين ليهم حاجة وحشة وعما

بينتقمواا مع انهم مننا وعلينا يعنى انت هتعذبنى فى مصلحة

وهيجى حد يعذبك فى مصلحة بتاعتك بردوو * كما تدين تدان *

بس هما لو حطواا بس حكاية * الضمـــــــــير * فى مخهم

والله كل حاجة هتبقى جيدة جدا فى البلد دى

عارف بلاد برة ليه هما كدة علشان هما بيجعلوا انفسهم

رقيب على نفسهم ذاتها * حلوة دى

*

عارف لو هما بس يكون خايفين انهم ياخدواا دعوات للسما من

اللى عايز يخلص المصلحة بتاعتهم بس نقول ايه

عارف اناا طول عمرى بقول هما ليه بيعملوا فينا كدة

دة مش نظام دى ضمائر ناس بتشتغل

اصل مش تقنعنى لو انا اتقنت عملى وقضيت لاى حد المصلحة

بتاعته هتعاقب من قبل النظام الحكومى او غيره

يعنى من الاخر هما الناس اللى بتشغل هى دى غلطتهمم هما

يالاااا خير خير

بس اقول حاجة اخيرة البلد دى مش هتتغير اللى لو احنا

اتغيرنا من جواناا

* اللهم ولى علينا خيارنا ولا تولى علينا شرارنا *

انا عارفة انى رغيت كتير

تقبل مرورى

سيف العدل البتار · #2 08-09-2011, 03:06 AM

اقتباس:

المشاركة الأصلية كتبت بواسطة ضى الفجر