أمّة لم ولن تعرف حرية الآراء

[Dr..Soha]

المشاركة الأصلية كتبت بواسطة 222ahmed222

يوم الأحد الماضي كنت متجه نحو الكليه ف الجيزه وانا ف طريقي كنت راكب مواصله المهم واحد كبير راكب جنبي كدا فالناس بيتكلموا عن الاخوان والجمعيه التأسيسيه وتلك المهزله التي حدثت في تشكيل اللجنه التأسيسيه
والرجل اللي جنبي راح اتعصب وقعد يقول "اخوان ايه ماكلنا مسلمين وخلاص مفيش حاجه اسمها اخوان ومش اخوان ولا هم بيضحكوا ع الناس بالدقون؟ " فحصل نقاش كبير حول الموضوع دا ف العربيه وانا كنت اربأ عن اني اتدخل في النقاش دا لحد ما واحد قال انا هرشح حازم صلاح ابو اسماعيل فالرجل اللي جنبي قعد يشتم ف الشيخ حازم قولتله حضرتك ممكن تعترض معاه بس من غير اهانه والعربيه فيها بنات لأنّه كان بيشتم بطريقه سيئه جدا
المهم فانا قولتله انا بردو مش هرشح حازم صلاح بس بحترمه راح قالي طب هترشح مين قولتله هرشح الدكتور عبد المنعم ابو الفتوح
راح اتعصب تاني وقالي ماهم كلهم اوحش من بعض قولتله دي حريه حضرتك ايه اللي زعلك قالي لا دي مصلحة البلد
وراح قالي مفيش غير شخص واحد ينفع يكون رئيس قولتله مين راح قالي " مين اللي كان نائب مبارك؟ عمر سليمان وهو كمان كان رئيس المخابرات فهو الوحيد فيهم اللي يفهم ف السياسه وينفع يبقى رئيس" انا روحت اتخنقت وقولتله حضرتك يعني احن عملنا ثوره عشان نحوشه هو ومبارك ايه اللي نبقى عملناه بقى لما يرجع هو رئيس تاني؟
راح قاللي ايوه ماهو الوحيد المحنك سياسياً انما دول كلهم .....
فقولتله طب خلاص حصل خير عشان انا مش عاوز اتنرفذ
وفعلاً سكتنا خالص لحد ما واحد ورا راح سأل واحد تاني بيقوله انت ايه رأيك ف جمال عبد الناصر؟ روحت قولتله انا كلمه واحده " كان ديكتاتور" راح الرجل اللي جنبي بقى اتعصب بشكل مش عادي بيقول ديكتاتور ايه دانا امبارح واحد قال قدامي الكلمه دي كنت عايز اشق بطنه بسكينه !!!!!!!!
وقعد بقى متعصب خالص وبيتكلم بصوت عالي جدا وانا بفقد سيطرتي ع اعصابي لما حد يعلي صوته عليا فقولتله يا حج هدي نفسك مش مستاهل الموضوع دا كله راح قاللي ازاي بقى تقول على الريس جمال دكتاتور وعايزني اسكت؟؟؟؟؟؟ دانا والله كان نفسي امبارح اقتل واحد عشان قال كدا
.............
وللموضوع بقيه بس مش هعرف اشرحها
كل اللي عاوز اقوله اننا مبقيناش نتقبل الرأي الآخر وبلدنا مش هتنهض لو فيها رأي واحد فقط لأن الاختلاف هو اللي بيجيب الافضل بس الاختلاف دون منازعات
لكِ الله يا مصر

انا متفقة معاك جدا فى الراى ياباش مهندس وفعلا الاختلاف هو اللى بيجيب الافضل لكن بدون منازعات وانا بردو شايفة ان الدكتور عبد المنعم ابو الفتوح انسب واحد مع انى بحترم الشيخ حازم ابو اسماعيل جدا لكن الدكتور عبد المنعم هو الافضل . فى رعاية الله.

[aymaan noor]

موضوع أكثر من رائع
و بالفعل نحن نفتقد كثيرا لثقافة الحوار و الاختلاف ، كل يتمسك برأيه و يعتقد أن الآخرون جميعا على خطأ ، وهذا ليس بغريب على مجمتع عانى على مدار سنوات طويلة من حكم ديكتاتورى ، فحرم الناس من حقهم الطبيعى فى ابداء آرائهم ،
ان شاء الله مع مزيد من مناخ الحرية التى قامت الثورة من أجلها سيعتاد الناس الاختلاف فى الآراء ووجهات النظر ، و فى النهاية سيأتى من يختاره الشعب ، فن صلحت الأحوال استمر وان لم تنصلح سيختار الشعب غيره ، هذه هى الديموقراطية التى ينعم بها العالم أجمع ومازلنا نفتقدها فى مصر .

جزاك الله خيرا و بارك الله فيك

[222ahmed222]

المشاركة الأصلية كتبت بواسطة aymaan noor

موضوع أكثر من رائع
و بالفعل نحن نفتقد كثيرا لثقافة الحوار و الاختلاف ، كل يتمسك برأيه و يعتقد أن الآخرون جميعا على خطأ ، وهذا ليس بغريب على مجمتع عانى على مدار سنوات طويلة من حكم ديكتاتورى ، فحرم الناس من حقهم الطبيعى فى ابداء آرائهم ،
ان شاء الله مع مزيد من مناخ الحرية التى قامت الثورة من أجلها سيعتاد الناس الاختلاف فى الآراء ووجهات النظر ، و فى النهاية سيأتى من يختاره الشعب ، فن صلحت الأحوال استمر وان لم تنصلح سيختار الشعب غيره ، هذه هى الديموقراطية التى ينعم بها العالم أجمع ومازلنا نفتقدها فى مصر .

جزاك الله خيرا و بارك الله فيك

أستاذنا العزيز استاذ أيمن نورتني بمرورك الرائع حقاً دا شيء يشرفني
بالفعل لديك كل الحق في ما قلت ولا أظن انني استطيع ان اقول أي شيء عليه إلا انّي اتمنى ان أرَ مبارك وهو يأخذ عقابه لا على 30 عاماً من الاستبداد لأنّ ذلك مستحيل وإنّما على الاقل على ما فعل وما سفك من دماء لشبابنا الأطهار

[222ahmed222]

المشاركة الأصلية كتبت بواسطة سها صقر

انا متفقة معاك جدا فى الراى ياباش مهندس وفعلا الاختلاف هو اللى بيجيب الافضل لكن بدون منازعات وانا بردو شايفة ان الدكتور عبد المنعم ابو الفتوح انسب واحد مع انى بحترم الشيخ حازم ابو اسماعيل جدا لكن الدكتور عبد المنعم هو الافضل . فى رعاية الله.

نعم هذا هو الحق كله
نورتي التوبيك بمرورك