|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
30-03-2012, 12:02 PM
|
||||
|
||||
أمّة لم ولن تعرف حرية الآراء
يوم الأحد الماضي كنت متجه نحو الكليه ف الجيزه وانا ف طريقي كنت راكب مواصله المهم واحد كبير راكب جنبي كدا فالناس بيتكلموا عن الاخوان والجمعيه التأسيسيه وتلك المهزله التي حدثت في تشكيل اللجنه التأسيسيه
والرجل اللي جنبي راح اتعصب وقعد يقول "اخوان ايه ماكلنا مسلمين وخلاص مفيش حاجه اسمها اخوان ومش اخوان ولا هم بيضحكوا ع الناس بالدقون؟ " فحصل نقاش كبير حول الموضوع دا ف العربيه وانا كنت اربأ عن اني اتدخل في النقاش دا لحد ما واحد قال انا هرشح حازم صلاح ابو اسماعيل فالرجل اللي جنبي قعد يشتم ف الشيخ حازم قولتله حضرتك ممكن تعترض معاه بس من غير اهانه والعربيه فيها بنات لأنّه كان بيشتم بطريقه سيئه جدا المهم فانا قولتله انا بردو مش هرشح حازم صلاح بس بحترمه راح قالي طب هترشح مين قولتله هرشح الدكتور عبد المنعم ابو الفتوح راح اتعصب تاني وقالي ماهم كلهم اوحش من بعض قولتله دي حريه حضرتك ايه اللي زعلك قالي لا دي مصلحة البلد وراح قالي مفيش غير شخص واحد ينفع يكون رئيس قولتله مين راح قالي " مين اللي كان نائب مبارك؟ عمر سليمان وهو كمان كان رئيس المخابرات فهو الوحيد فيهم اللي يفهم ف السياسه وينفع يبقى رئيس" انا روحت اتخنقت وقولتله حضرتك يعني احن عملنا ثوره عشان نحوشه هو ومبارك ايه اللي نبقى عملناه بقى لما يرجع هو رئيس تاني؟ راح قاللي ايوه ماهو الوحيد المحنك سياسياً انما دول كلهم ..... فقولتله طب خلاص حصل خير عشان انا مش عاوز اتنرفذ وفعلاً سكتنا خالص لحد ما واحد ورا راح سأل واحد تاني بيقوله انت ايه رأيك ف جمال عبد الناصر؟ روحت قولتله انا كلمه واحده " كان ديكتاتور" راح الرجل اللي جنبي بقى اتعصب بشكل مش عادي بيقول ديكتاتور ايه دانا امبارح واحد قال قدامي الكلمه دي كنت عايز اشق بطنه بسكينه !!!!!!!! وقعد بقى متعصب خالص وبيتكلم بصوت عالي جدا وانا بفقد سيطرتي ع اعصابي لما حد يعلي صوته عليا فقولتله يا حج هدي نفسك مش مستاهل الموضوع دا كله راح قاللي ازاي بقى تقول على الريس جمال دكتاتور وعايزني اسكت؟؟؟؟؟؟ دانا والله كان نفسي امبارح اقتل واحد عشان قال كدا ............. وللموضوع بقيه بس مش هعرف اشرحها كل اللي عاوز اقوله اننا مبقيناش نتقبل الرأي الآخر وبلدنا مش هتنهض لو فيها رأي واحد فقط لأن الاختلاف هو اللي بيجيب الافضل بس الاختلاف دون منازعات لكِ الله يا مصر 
|
|
#2
30-03-2012, 02:34 PM
|
||||
|
||||
|
اقتباس:
__________________
|
|
#3
30-03-2012, 02:47 PM
|
||||
|
||||
|
موضوع أكثر من رائع
و بالفعل نحن نفتقد كثيرا لثقافة الحوار و الاختلاف ، كل يتمسك برأيه و يعتقد أن الآخرون جميعا على خطأ ، وهذا ليس بغريب على مجمتع عانى على مدار سنوات طويلة من حكم ديكتاتورى ، فحرم الناس من حقهم الطبيعى فى ابداء آرائهم ، ان شاء الله مع مزيد من مناخ الحرية التى قامت الثورة من أجلها سيعتاد الناس الاختلاف فى الآراء ووجهات النظر ، و فى النهاية سيأتى من يختاره الشعب ، فن صلحت الأحوال استمر وان لم تنصلح سيختار الشعب غيره ، هذه هى الديموقراطية التى ينعم بها العالم أجمع ومازلنا نفتقدها فى مصر . جزاك الله خيرا و بارك الله فيك
|
|
#4
30-03-2012, 02:50 PM
|
||||
|
||||
|
اقتباس:
نورتي التوبيك بمرورك
|
|
#5
30-03-2012, 07:45 PM
|
||||
|
||||
|
هو ده حال المصريين
مش عاجبهم حد وعمرهم ما بتفقوا ع حاجه إن شاء الله البلد حالها يتغير
__________________
<( If You Can Dream It ,, You Can Do It )>
|
|
#6
30-03-2012, 09:48 PM
|
|||
|
|||
|
م الآختلآف ع الرئيس ده طبيعيَ
لو مش كآن فيه آختلاف مش كآن عملوآ انتخآبآت َ .. لكن ثقآفة تقبل الآخر تكآد ان تكون قد آختفت .. لآن الآختلآف سنًة آلهية ومن يتقبل الرأي الآخر يعِي هذآ الوآقع .. عمر سليمان محنك سيآسية ازآي يعني .. ده ولآ يععرف آصول السيآسة .. ده بس يععرف آصول العمآلة والتعذيب والقتل عليه من الله م يستحق قآتل المسلمين ف غزة .. وانآ بحترم أبو الفتوح لكن انآ اؤيَد الشيخ حازمَ لأن من نظري أنه هو الأصلح من حيث الدين والنخوة والحنكة السيآسية والخبرة الآقتصآدية .. جزيتَ خيراً ي بشمهندس =)
|
|
#7
30-03-2012, 10:12 PM
|
||||
|
||||
|
عندك حق والله يا باش مهندس
فى ناس كتير فى مصر عايزة توعية صح و اكبر دليل ان الشخص ده جاهل بحقيقة جمال عبد الناصر هو شكله حافظ اللى اخده فى ابتدائى و ميعرفش الحقيقة جمال عبد الناصر كان ديكتاتور فعلا هو اللى جبلنا الاشتراكية و خلى حال مصر يوصل لكده الدعم و البلاوى اللى عملها اللى مش هتخلى مصر تقدر تتخلص منها ابدا و انا بتفق جدا مع اللى بيقول ان الاخوان بيضحكوا على الناس بالدقون (مع احترامى الشديد لكل مؤيديهم) بس دى حقيقة شفتها بعينى مش سمعتها من حد ...الاخوان كان طول عمرهم فى فرصة للوصول للحكم بس اساءوا استغلالها... و اصبح الهدف الاول مصلحتهم الا ان فى ناس لحد دلوقتى مش عايزة تعترف بفشلهم فى مجلس الشعب او على وجه الاصح.... مجلس الكوميديا و انا بحترم الشيخ حازم جدا.... الا انى لا اراه رئيسا لدولة زى مصر ابدا و لولا ان ابو الفتوح اخوانى... انا كنت رشحته وكان انتخابى فى الاساس هيروح للبرادعى و قبل ما اى حد يقول عليه كلمة و الكلمة اللى دايما بيضحك بيها على الناس بانه السبب فى حرب العراق ارجوك.... اعرف هو عمل ايه كويس الا انى لا انوى ان ادنس يدى بالاشتراك فى انتخاب رئيس مصر كلها عارفة انه هيكسب بالتزوير...او زى ما المجلس عايز طبعا عشان خايفين على مصالحهم مع امريكا "وعشان كده ....لا اتوقع نهائى فوز حازم ابو اسماعيل.." (وممكن يكسب...الله اعلم) بالظبط زى ما حصل فى مجلس الشعب واستفتاء 9 مارس اللى الاخوان ضحكوا فيه على الناس بكلمة "نحمل الخير لمصر" ارجو ان كلامى ميكونش زعل حد دى وجه نظر...
__________________
قانون نيوتن السادس :الكتاب يظل علي حالته من السكون او مغطي بالتراب,مالم يؤثر عليه موعد امتحان خارجي يغير من وضعه او اتجاه رميته..
|
|
#8
30-03-2012, 10:26 PM
|
|||
|
|||
|
اقتباس:
|
|
#9
30-03-2012, 11:27 PM
|
||||
|
||||
|
اقتباس:
بالفعل لديك كل الحق في ما قلت ولا أظن انني استطيع ان اقول أي شيء عليه إلا انّي اتمنى ان أرَ مبارك وهو يأخذ عقابه لا على 30 عاماً من الاستبداد لأنّ ذلك مستحيل وإنّما على الاقل على ما فعل وما سفك من دماء لشبابنا الأطهار
|
|
#10
30-03-2012, 11:28 PM
|
||||
|
||||
|
اقتباس:
نورتني بمرورك
|
|
#11
30-03-2012, 11:30 PM
|
||||
|
||||
|
اقتباس:
فعلاً لديك الحق في ما قلت يا خالد وهي أولاً وأخيراً وجهات نظر جزيت وأياكم
|
|
#12
30-03-2012, 11:37 PM
|
||||
|
||||
|
اقتباس:
والله بسعد جداً لما بشوف حضرتك وبيشرفني جداً مرور حضرتك ع توبيكاتي المتواضعه بصي يا دكتوره عادي جداً إنّك تكرهي الإخوان وانا عن نفسي مش بأيدهم زيي زيك بس لما ننتقدهم ننتقدهم ف أراء سياسيه او في تصرفات ليس أكثر أما اننا نتهم الناس بإنّهم بيضحكوا علينا بالدقون فدا شيء غريب يعني لأن دول ناس احن نعرفهم من اكتر من 80 سنه وتاريخهم يكاد يكون التاريخ الوحيد الذي لم يشهد شيئا يدنسه حتى وجود مليشيات لديهم ف تكوينهم كان دفاعاً عن البلد مش ارهاب مثلاً وانا والله بتكلم بجد وربنا يشهد عليا انا يعتبر كنت واحد منهم واصحابي كلهم منهم واصحابي ف منهم اولاد اعضاء ف مجلس الشعب والشورى من حزب الحريه والعداله بجد هم شخصيات محترمه جدااااااااااااا بس انا ليا تحفظات كتييييره ع تصرفاتهم وسياساتهم انما أربأ بكي بصراحه انك تكوني مقتنعه زي الرجل دا انهم بيضحكوا علينا بالدقون لأن الشعب المصري مش عبيط بالشكل دا عشان يتخدع لمجرد دقون لأنّه المفروض ان الاعلام من 60 عام وهو بيخوفنا من الدقون دي فالشعب هيتخدع بيها ازاي احن مش أمه جهله للدرجه دي يا دكتوره طبعاً مفيش أي اعتراض على الدكتور البرادعي انا بردو كنت بفاضل بينه هو وابو الفتوح لحد ما انسحب وقررت ترشيح ابو الفتوح واحتمال بس بعيد خالد علي بس عيب بجد انك تقولي انك شايفه ان ابو الفتوح حلو وكنتي هترشحيه بس مش هترشحيه لمجرد انه كان من الأخوان معنى كدا انك بتتخنقي مني وبتكرهيني ومترضيش ليا اني اكون زميل ليكي عشان كنت من الاخوان؟ معلش منطق غريب شوية بجد ف النهايه انا والله مش بعترض ع حرية رأيك بس هو نقاش مش اكتر وبجد والله شرفني كثيييراً مرورك يادكتورتنا
آخر تعديل بواسطة 222ahmed222 ، 30-03-2012 الساعة 11:40 PM
|
|
#13
30-03-2012, 11:40 PM
|
||||
|
||||
|
مش هندخل في الكلام عن جمال عبد الناصر فلو إتخذناه مثلاً ديكتاتورياً فالبلد دي بصراحة من أول ما ربنا خلقها وهي عليها العين من كل حدب وصوب وما أكثر من مر بها من دكتاتوريين كأمثال فرعون و قارون و أغلب ملوك الفراعنة و أيضاً الفرعون الحديث مبارك لا باركه الله
إنما , الأخلاق اللي عند شعبنا محتاجة تروح الورشة تنصهر وتتعمل بالسباكة تاني وتتصب في روحنا من أول وجديد ولكن اللي هيسبكها القرآن الكريم .. أقصد دستور الله في الأرض .. والله العظيم ما هننفع من غيره سيبك من الديمقراطية و المهلبية دي الديمقراطية هي إحترام أخوية و صاحبي و كل اللي يحاورني حتى لو مكنش مسلم زيي فليه الحق يبدي بالرأي وأسمعه ولو غلط أقوله بأدب ممكن أطرح عليك وجهة نظري تقبلها أو لأ ,, والله هيتقبلها .. دا دينا علمنا الأخلاق ... و يا ما سمعنا قصص دخول أناس في الإسلام بسبب الأحلاق كحسن الجوار و العدل في الحكم و غيره مما علمنا اللهُ ورسولهُ .. قصة صغيرة تشهد بذلك . . . فيما جاء عن علي رضى الله عنه وكرم الله وجهه .. كان يحمل درعه و أراد أن يستريح فقام أحد الكفار فأخذ درعه وقال هذا الدرع لي ولا تملك فيه شيئاً يا علي فقال علي له هذا درعي فقال لا هذا لي وأخذا يتجادلان فقال الكافر إذن نذهب للقاضي يحكم بيننا وكان القاضي مسلم فقال القاضي للكافر ما شأنكم قال لقد أخذ الدرع مني ويقول هذا لي وعلي رضي الله عنه يقول انه ملكي فحكم القاضي للكافر بأن يأخذ الدرع بناءً على شهادة الكاذبة .. فتعجب الكافر من ذلك وقال كيف نذهب لقاضي يحكم بهذا الحكم .. وقال وهو متعجب أشهد ألا إله إلا الله وأن محمداً رسول الله فأعطاها علي له هدية كرماً لإسلامه الشاهد أن الأخلاق إن أحييناها في نفوسنا ستحي على أرضينا و لله در القائل إنما الأمم الأخلاق ما بقيت ...... فإن همُ ذهبت أخلاقهم ذهبوا أنا أسف على الإطالة جداً ولكن حبيت أقول رأيي بأدب
__________________
" وإتقوا يوماً ترجعون فيه إلى الله "
الحمد لله على نعمة الإسلام Engineering is my Life
|
|
#14
30-03-2012, 11:47 PM
|
||||
|
||||
|
اقتباس:
اه يا باش مهندس مصر كل من مر بها دكتاتور للأسف ولهذا أقول ان مصر لم تشهد أي رئيس جيد بعد ولكن ما يميز جمال عبد الناصر عن غيره كما قال الباش مهندس وائل غنيم " أنّه رغم دكتاتوريته ولكن ما يشفع له انه كان لديه حلم يلتف حوله كل الشعب ويفرحون به مثلا كحلم السد العالي" بس بردو يا باش مهندس ماظنش انك تقدر تنكر انه فعلاً كان ديكتاتور احسنت قولاً واقتباساً لتلك القصه وهذا البيت الرائع نورتني جدا يا باش مهندس والله بجد
|
|
#15
30-03-2012, 11:55 PM
|
||||
|
||||
|
اقتباس:
انا مش عايزة ابو القتوح لانه اخوانى ولاؤه هيكون ليهم... على الرغم انه خرج من الجماعة بس الله اعلم....يمكن يقلب و عايزة اقولك حاجة و عايزة منك تعليق غزلان قال ان اى حد هيرشح ابو الفتوح اوووو هيمسك دعاية الانتخابية من الاخوان هيفصلوه من الجماعة!!!!!!!! هى دى الحرية و الديمقراطية اللى الناس نزلت تهتف بيها و ماتت عشانها؟!! لو اه.... مش عارفة هقول ايه وقبل ده كله... ومع احترامى لكل اصدقاءك و ليك طبعا انا اعرف ناس اخوان كتير زمايل فى الكلية وبتعامل معاهم ولا كانى فى اااااى حاجة خالص وعمر ما كان اختلاف راى بينى و بين حد..كان سبب فى خسارة الصداقة بينا و اى حجة من الاخوان او السلف او اى تيار دينى بحجة انهم عايزين يطبقوا شرع ربنا فالشعب المصرى اكتر شعب متدين فى العالم احنا مش مستنين منهم حاجة
__________________
قانون نيوتن السادس :الكتاب يظل علي حالته من السكون او مغطي بالتراب,مالم يؤثر عليه موعد امتحان خارجي يغير من وضعه او اتجاه رميته..
آخر تعديل بواسطة highlight ، 31-03-2012 الساعة 12:03 AM
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:35 PM.
