|
||||||
| قضايا سياسية وأخبار مصرية وعربية وعالمية منتدى يختص بعرض كافة الأخبار السياسية والإقتصادية والرياضية في جميع أنحاء العالم |
 |
|
|
أدوات الموضوع | انواع عرض الموضوع |
|
#1
04-04-2012, 12:03 AM
|
|||
|
|||
موضوع حيادى عن الاخوان - فى رايى
اصبح تحكيم العقل فى غالب من الامور شىء غريب
بس الواحد بيقول ممكن الناس مش مدركة او مش عارفة او لاتقرااو لاتفهم او قاصدة او انا اللى مش فاهم ومش واخد بالى  ومفيش اسرع من الحكم على الاشياء بالتالى من السهل ان حد يشكل دماغنا بفكرة معينة واصبح اننا ممكن نتقلب فى لحظة من الزمن ساعة عاش الملك وساعة مات الملك  وهكذا دواليك ممكن التغيرات السريعة التى تحدث فى البلد هى السبب فى تغيير راينا بسرعة انا واثق اننا هنغيرها مرة واخرى واخرى بعد يوم بعد اسبوع بعد سنة وبعد سنين الدور النهاردة بقى على الاخوان ناس عاوزة تمسح كلمة مسلمين لانهم لايستحقوا هذا انهم سلطويين متلاعبين بالدين لايستحقوا ذلك الشرف  وهما اصلا اسمهم الاخوان المسلمين من 80 سنة بس نغيرها النهاردة عشان اكتشفنا فى 60 يوم انهم مش مسلمين بل متاجرين !!  الاخوان قعدوا 80 سنة فى الدفاع عن افكارهم وشعاراتهم القران دستورنا والاسلام هو الحل لاجل المتاجرة بالدين ..  جربت تسال نفسك ماهدفهم من المتاجرة والتلاعب بالدين هتقولى عشان يمسكوا سلطة ويبقى ليهم كيان ووضع وماحدش يعرف يكلمهم اقولك ان اقل واحد فى الاخوان معه مبلغ وقدره مش محتاج فلوس واغلبهم مهندسين ودكاترة واساتذة جامعات ورجال قانون زى البلتاجى والكتاتنى والمليونير خيرت الشاطر وغيرهم لهم باع فى محافل السياسة عصام العريان وغزلان وابوبركة وغيرهم وغير كده متربيين على منهج الاسلام وافكار الشهيد حسن البنابالتالى اكيد مش هيعملوا زى اللى قبلهم اذا يبقى فى شىء اكبر خلاهم يستحملوا الاعتقال والسجون والتعذيب طول عمرهم.. لان لو هدفهم طمع من وجهة نظر البعض فهم 80 سنة مضطهدين ومانفعش تفكيرهم و كانوا شافوا حاجة تانية او تخلوا عن الشعارات الدينية اللى كانوا بيموتوا عشانها .. يبقى فيه فكرة وهف اعظم بيضحوا عشانه هل المشروع الاسلامى او غيره ده اللى لازم نديهم فرصة عشان نعرفه بشكل افضل وكمان لو هما كده هنفترض جدلا يعنى هما ماسكين بقالهم قد ايه .. شهرين وهما ماسكين اغلبية مجلس الشعب مع تيارات اخرى بس هم الاغلبية يبقى تحكم عليهم بانهم سلطويين ازاى ده حتى مش منطقى ولافيه حياد مجلس الشعب دوره تشريعى يعنى بيراقب ويشرع عشان الناس مفكره ان مجلس الشعب هو اللى بينفذ التنفيذ للحكومة والجهات التنفيذية والرئيس تعالى شوف هما عملوا ايه بقى فى التشريع (1) - اعتماد تعديل نظام الثانوية العامة سنة واحدة فقط "السنة الثالثة" تخفيفاً للأعباء المادية والمعنوية عن الأسرة المصرية فضلاً عن كونها إحدى الحلول الناجعة لكارثة الدروس الخصوصية. (2) حل مشكلة الحوالات الصفراء يستفيد منها 637000 مصري. (3) اعتماد مشروع الجسر البري على خليج العقبة بتكلفة مشتركة 25 مليار وما يترتب عليه من تنمية اقتصادية وسياحية كبيرة. (4) اعتماد تثبيت جميع العمالة المؤقتة حفظاً لحقوق العاملين وتوفير الاستقرار للأسر المصرية (تم اعتماد القانون اليوم). (5) اعتماد الحد الأدنى للأجور 700 جنية في المرحلة الأولى و الحد الأقصى للأجور 35 ضعف الحد الأدنى في كل مؤسسة ما يحقق العدالة النسبية وتبقى الدراسة مرة أخرى لتحقيق العدالة بين العاملين بالمؤسسات المختلفة. (6) وقف توزيع الأراضي عن طريق القرعة لحين وضع ضوابط عادلة ومناسبة للحالات ، حفاظاً على الثروة المصرية. (7) تسليط الضوء على كثير من مواطن الفساد في المؤسسات المختلفة وإحالتها للتحقيق مثل المسئولية عن الإسكان بمحافظة البحيرة ودمياط. (8) إلزام الحكومة بدفع التعويضات للمضارين بمرض الحمى القلاعية الذي أصاب الجاموس والأبقار. (9) تعديل قانون تنظيم الانتخابات الرئاسية بما يضمن الشفافية وعدم التزوير. (10) سن قانون تعويض أسر الشهداء وأيضا المصابين بالعجز الكلي. (11) الهيئة العليا للحج والعمرة ، لحماية الحجاج من مافيا السياحة. (12) لجان تقصى الحقائق في مجزرة بور سعيد وإدانة الداخلية و الذي ترتب عليه. (13) تحويل 75 متهماً للقضاء منهم 9 قيادات أمنية و3 قيادات تنفيذية. (14) طرح خطة هيكلة وزارة الداخلية وتوزيع رموز النظام في سجون متفرقة حماية لحقوق المصريين. (15) الاتفاق مع بعض دول الاتحاد الأوربي علي تطهير الأراضي المصرية من حقول الألغام التي تعطل ملايين الأفدنة الصالحة للزراعة. (16) التدخل الفوري لضمان حقوق المئات من المصريين خارج الوطن "دول الخليج". هذا بالإضافة إلى: (17) زيادة تعويضات الشهداء الى 100 ألف جنيه و إضافة المصابين بإعاقة في أحداث الثورة إليهم. (18) تم إعداد 29 مشروع قانون تمس مصالح المواطنين و ذلك خلال 60 يوم فقط ... وهو مالم يحدث فى 60 سنة. (19) تم تشكيل لجنة تأسيس الدستور ممثلة لمعظم القوى (رغم انف ديكتاتورية الأقلية) يعنى بدأنا نستعد للانتقال السلمي للسطة. (20) بدء إجراءات اسقاط حكومة الجنزورى بعدما ظهرت ابعاد المؤامرة على مصر. فى حوالى شهرين يعنى الناس شغالة وبتراقب الحكومة وبيشرعوا على اكمل وجه بس احنا مركزين على جانب واحد  الجانب السىء والاعلام سبب رئيسى فى ده لانه بيذكر السيئة فقط على الاسلاميين .. طب هما ليه استحوذو على الدستور ؟؟ هما اولا لم يستحوذوا الاسلاميين حوالى 40 او 45 فى المية والباقى من مختلف القطاعات والتيارات حمزاوى وباسل عادل ومنى مكرم عبيد وممثلى الكنيسة اللى هما 3 ممثلى ارذوكس وكاثوليك والبروتستنت الثلاث طوائف والازهر شيخ واحد !! نصر فريد واصل يعنى الازهر 1 والكنيسة 3 وزعلانين  هى نغمة بقى لاحسن حد يلومهم  وناس تانية ممكن ترجعولها بعد كده يبقى فين الاستحواذ ؟؟ ده اخوانا الليبراليين مرضوش يقعدوا حتى فى التصويت ولا حتى يتكلموا ولايقدموا اعتذار ,, ولايتناقشوا مع حد بمبدا (لاكده لابلاش) برغم ان كل الاحزاب ممثلة وهم اقلية وماهمش ارضية مثل التيار الاسلامى بس هو( لاكده لابلاش ) طب ايه اللى يرضيكم ان مفيش حد من البرلمان يدخل فى الدستور ,, مش البرلمان ده بيعبر عن فصيل الاكبر من الشعب بانتخابات نزيهة وحرة وانا مفوضه لنفسى .. يبقى من حقه يمثلتى يردوا عليك يقولولك مفيش برلمانات بتكتب دساتير تتفاجا ان اكثر من 200 دولة عالمية دساتيرهم اتكتبوا ببرلمانات واغلبية برلمانات  يعنى البرلمان طلع بيكتب دساتير بالرغم لو هم اغلبية مش هتشوف المشاكل ده خالص ده فيه واقعة حصلت مع الاستاذ صبحى صالح(عضو بالحرية والعدالة) كانوا بيكتبوا وثيقة او ماشابه لا اتذكرها بالظبط بس هى واقعة معروفة كانوا 7 ليبراليين وعلمانين وواحد اسلامى اللى اسمه صبحى صالح رفضه يدخلوه معاهم لانه فقط اسلامى ينتمى الى كلمة اسلام وهم 7 شفت بقى الديمقراطية !!  وغير كده انت لسه شفت الدستور هيطلع لونه ايه ده فيه اتفاق على اغلب المواد والمختلف نتناقش مع بعض فيه جوا اللجنة والشعب هيستفتى ابقى اطلع هلل واطبل زى مابتعمل دلوقت فى الفضائيات بتاعت الفلول والليبراليين لكن هو (لاكده لابلاش)  وفى الاخر يقولك مصلحة الوطن والبلد و يعنى ده فى مصلحة البلد التعطيل ده اللى بتعملوه ثم انت لو فوضت ناس من برا ابقى جيب 80 مليون يكتبوه لان كل واحد لازم يشارك  طالما الممثل بتاعى مش هيتدخل فيه يبقى اتدخل انا وهو كده بقى وكمان مش كده انت اللى هتفرض رايك على نص الاعلان الدستورى اللى محددش ييجوا منين ؟؟ ... طب هما ليه رشحوا خيرت الشاطر ؟؟ برغم من تاريخ الشاطر النضالى وسجنه فى المعتقلات هو واغلب الاخوان بس هنتكلم بموضوعية لما جت حرب البيانات بين المجلس العسكرى والاخوان عشان المجلس مش عاوز يقيل حكومة الجنزورى اللى مابتعملش حاجة وسابت المتهمين فى قضية التمويل والحاج الجنزورى اللى يخليه قعد يقول مش هنركع مش هنركع لحد ماسجد وكل تراب الارض وبعدها ازمة البنزين اللى وقفت الدنيا وقبلها المحاكمات والناس المتهمة بقتل الشهداء كله بياخد براءات وازمة الحمى القلاعية لحد ما العجول بتاعت الناس ماتت ولا تحس بان الحكومة بتعمل حاجة ووزير الداخلية جوا المجلس النواب يقولوا ليه اعمل تطهير للداخية ويقول ماشى ويطلع برا يقول مافيش حاجة اسمها تطهير ولحد ما الحكومة بقت تستهبل وما بقتش تيجى المجلس عشان النواب يمارسوا دورهم الرقابى كل ده واكتر ولد ياس عند الناس وتقول هو المجلس بيعمل ايه ؟؟ وهو اصلا مش تنفيذى الناس اتكلمت مع الاخوان عشان يشيلوا الليلة يعنى تشريعى ورقابى وتنفيذى عشان مش يبقى ليهم حجة ولا المجلس يفرض عليهم مرشح ولا البلد ترجع للقديم او ييجى واحد عسكرى وتم الدفع بالشاطر الدنيا قامت شتائم للاخوان الخونة المش عارف اييه عاوزين يسيطرواويحكموا بارغم انه ده هى الديمقراطية انا من حقى امارس حقوقى السياسية كفصيل سياسى ومفيش حاجة فى السياسى اسمها اصل رجعوا فى كلامهم يعنى كتب التاريخ ولا كتب السياسة مش هتقول اصل الاخوان فى سنة 2012 كانوا مش هيرشحوا بس رجعوا فى كلامهم مفيش الكلام ده .. السياسة لعبة من يجيدها فهو الفائز امال مين اللى بيحرك الناس ده وهدفهم ايه ؟؟  من وجهة نظرى الناس اللى ماشاركتش فى المجلس واللى زعلانة على فكرة الاغلبية الاسلامية اللى بيتربصوا لكل هب ودب لاى اسلامى  زى البلكيمى وغزوة الصناديق اتكتب 100 مقال وكل القنوات اتكلمت ونافقت لكن فى حوار علياء المهدى لا بتسمع ولابتشوف فى حوار البرادعى اللى قبل انجلينا جولى سكتم يكتم ومش ده رمز لبعض الشباب برده  وفى الاخر الشاطر مقتنع بيه انتخبه روح انتخبه مش عاوزه ماتنتخبوش يعنى الكلمة معانا بس بندور عليها ,, التفاف غريب على انتخابات نزيهة وعداء لا متناهى لاجل العداء وتهليل وتطبيل فى الفضائيات الموجهة لكسر المشروع الاسلامى برغم من الاغلبيات الاسلامية ,, وفى الختام انا عاوز اقول اننا كشعب عاوزين الاخوان لاننا انتخبناهم وعاوزينهم يمسكوا تشريع وتنفيذ وكل حاجة ونجربهم عشان الحساب يبقى على الليلة كلها عشان يبقى مفيش حجة .. ان احسنوا انتخبناهم مرة اخرى وان اساؤو خلاص لن ننتخبهم وقد اخذو الفرصة بكل موضوعية فلا داعى للمشاحنات والتباغض ونحن ابعد مانكون عن الحياد والعقل ,, نعطيهم فرصة حقيقية ونشوف ,, سكتنا 30 سنة وكان غصب عنا بنسكت وبنتسرق وبنضرب لما نعبر عن نفسنا نعلق على كل حاجة يبقى المركب مش هتمشى ,, وهنفضل نقف كل شوية عشان نشوف العيب فين !! احنا عاوزين نصلح عيوبنا والمركب ماشية ,, لحج مانوصل للى عاوزينه نكون عيوبنا قاربت تتلاشى ,, قرات رسالة لشاب اخوانى قالى (اقسم بالله العلى العظيم ان ما نفعله لخدمة دينننا ولخدمة مصروالناس هتكتشف اننا كنا مخلصين لاجل هذا الوطن فى هذه المرحلة ونحن سنتقبل اى هجوم الى ان يعلم اخوانا الحقيقة ) هذه الرسالة خلتنى لو حتى عاوز اهاجم الاخوان هالتزم الصمت حتى تتجلى الحقائق ,, الحاجة الوحيدة اللى مزعلانى حاليا مشكلتهم مع الدكتور ابو الفتوح وشكرا by Taher 
|
|
#2
04-04-2012, 12:19 AM
|
|||
|
|||
استاذى العزيز
بعض مدعى الثقافة لا يفهمون يكيلون الاتهامات دون دليل يكذبون الكذبة ويصدقون انفسهم ويعيشون فى وهم انها الحقيقة اصبت كبد الحقيقة اخى الكريم فهل يفهمون ؟؟ فهل يعقلون ؟؟؟ لن يفهموا ولن يعقلوا وسيظلوا مغيبين نقول لهم ما تقول ان هؤلاء الناس منذ ثمانين عاماً يعانون ويعتقلون ويقتلون وتصادر اموالهم يقولون انتم دراويش لاتفهمون انتم وهذا الشعب اميون لا تعقلون نقول لهم من شاهدوا الثورة من الفضائيات وليس من الميدان يريدون ان يكونوا هم الابطال لا يفهمون ولا يعقلون اخى الكريم شكراً لموضوع القيم ورغم انى لا انتمى لاى تيار سياسى لا تيار اسلامى ولا علمانى ولا ليبرالى الا اننى انتمى لعقلى الذى يؤكد لى ان ما قلته هو الحقيقة
__________________
|
|
#3
04-04-2012, 12:24 AM
|
||||
|
||||
|
أولا : اسمح لى أن أرحب بك اخى الحبيب طاهر وبموضوعاتك القيمة والتى نستفيد منها كثيرا وافتقدناها فى الفترة الماضية .
ثانيا :بالفعل الأخوان فصيل نضالى عانى الكثير على مدار ثمانون عاما ، و نحسبهم مخلصين النوايا فى المساهمة فى الارتقاء بالبلد و تقديم كل العون من أجل ذلك . ثالثا : هذا لايمنع أبدا من نقدهم اذا أخطئوا ، فكل ماقلته عما أصدروه من تشريعات فى مجلس الشعب جميل جدا و يعتبر انجاز بكل المقاييس ، و لكن أختلف معك فى مسألة اللجنة التأسيسية للدستور لأن الأصل فى وضع الدستور التوافق وليس الأغلبية ، لأن الدستور باق و لن يتغير بتغير الأغلبية ، فكان المفترض أن يكون الاخوان على قدر المسئولية و أن يقدموا تنازلا خاصة بعد انسحاب كل المؤسسات الدينية والأحزاب والقوى السياسية من اللجنة ، و آخرهم اليوم بعد اعلان الأزهر انسحاب رسميا أعلن الشاعر فاروق جويدة الانسحاب أيضا لما لمسه من عدم جدية الاخوان فى احداث توافق حول هذا الأمر ،ألا يعنى ذلك أن هناك خطأ ارتكبوه وكان يجب التنازل عنه من أجل المصلحة الوطنية . رابعا : بخصوص المهندس خيرت الشاطر ، فلهم كل الحق أن يرشحوا من يروه مناسبا ، و المشكلة فى هذا الأمر أنه متناقض مع ماقدموه سابقا من وعود ، كما أن توقيته لم يكن مناسبا غير أنه سيساهم فى تفتيت الأصوات مما يعطى فرصة أكبر لما يطلق عليهم الفلول ، فكان الأجدر بهم تدعيم من كان ينتمى لهم خاصة أنه اكتسب شعبية كبيرة ، و المشكلة ليس بين الأخوان والقوى الثورية بقدر ماهى مشكلة قائمة بين الاخوان بعضهم البعض ، فالهجوم على هذا القرار معظمه صادر من شباب الأخوان ، و خاصة لهذا العداء الغير مبرر لمجلس شورى الاخوان للدكتور عبد المنعم أبو الفتوح خامسا : مهما كان من يحكمنا لم يعد الشعب المصرى متقبلا فكرة أتركوهم ليعملوا ثم احكموا فى نهاية الأمر ، فليس بالنوايا تسير الأمور ، ولذلك أعتقد من غير المقبول أن يسعى فريق واحد على السيطرة على كل السلطات بادعاء أن نواياهم حسنة ، لابد من الفصل بين السلطات ولابد من ضمانة وجود دستور حقيقى يتوافق عليه الجميع حتى نضمن المحاسبة واظهار السلبيات . سادسا : أما مسألة العداء لكل ماهو اسلامى ، فأنا حقيقة ليس لى رأى فى هذا الموضوع ، لأن تقييمى للأمور ليس من تقييما دينيا ، فكل المرشحين مسلمين ، و اكثرهم شعبية فى الشارع كلهم ذو مرجعية اسلامية مثل الدكتور عبد المنعم أبو الفتوح فليس هناك أى أفضلية لأحد على أحد من حيث الدين و لكن المعيار الوحيد هو ضمانة أن تسير الدولة المسار الديموقراطى الصحيح الذى يضمن تداول السلطة دون احتكارها لفصيل دون الآخر . جزاك الله خيرا وبارك الله فيك
آخر تعديل بواسطة aymaan noor ، 04-04-2012 الساعة 01:47 AM
|
|
#4
04-04-2012, 01:22 AM
|
||||
|
||||
|
صدقت استاذى taher هذا هو الرأى الصواب
فهم -ان كانوا أخطأوا فهذا لا يساوى مثقال ذرة فى اخطاء غيرهم -رغم انى لست من الاخوان اوغيرهم- والاعجب اعلام الكذب والعمالة والعلمانيين يوم ما سيعلم الشعب من هم العلمانيون والليبراليون والاشتراكيون.... ولا نقول الا حسبنا الله ونعم الوكيل جزااااك الله خير الجزاااء على كلمة الحق
__________________
يا قوم كفانا خذلانا سيروا فى ركب الرحمن عودوا للحق ولا تهنوا فالنصر لأهل القرآن
|
|
#5
04-04-2012, 01:00 PM
|
|||
|
|||
|
اقتباس:
واختلاف الراى لا يفسد للود قضية
|
|
#6
04-04-2012, 01:05 PM
|
|||
|
|||
|
اقتباس:
|
|
#7
04-04-2012, 05:13 PM
|
|||
|
|||
|
اقتباس:
فيه ناس استاذى الفاضل رافضة فكرة الدين اصلا ,, زى اول الثورة لما طلعت اصوات بابعاد المادة الثانية من الدستور نهائى ,, وطبعا لولا انتفاضت الشعب ماكنش دلوقتى يتكلموا ويقولوا المادة التانية خط احمر ,, طب ماهما يعملوا كده من الاول بالرغم ان هى مش مفعلة اصلا !! وهما عارفين اننا شعب متدين ولن نسمح بذلك ,, بالتالى طالما مش قابلين فكرة الدين فى السياسة ولا المادة الثانية ,, هيكرهوا اى حد بيدعو لكده  وفى ظل غياب 30 سنة فى عهد المخلوع كل الاسلاميين كانوا بيتسجنوا وبيعتقلوا ومعاهم برضه السجناء السياسيين .. فده عمل فراغ فى الساحة الاعلامية وتبقى لنا المنافقين بتوع النظام ,, ده انا بقول الحمد لله ان شغب مصر بقاله اكثر 30 سنة الاعلام موجه عليه ,, ورغم كده لسه بيقدر ويعز دينه ,, ولم تدخل فى راسه اى افكار غربية ,, ده الغالبية من الشعب ,, اللى هما الاميين فى نظرهم  جزاك الله خيرا استاذنا
|
|
#8
04-04-2012, 06:18 PM
|
|||
|
|||
|
اقتباس:
اولا : الله يخليك استاذ ايمن ربنا يبارك فى حضرتك ثانيا : اكيد استاذنا الفاضل الاخوان تاريخ ومن الظم و التسرع ان فى ناس تحكم عليهم بالسرعة ده ,, ثالثا : بالتاكيد مفيش حد معصوم من الخطا ,, ومن الواجب على الاعلام كجهة بتراقب وتحلل والشعب ان ينتقد ويحلل لكن بموضوعية عشان يبقى فيه مزيد من المنطق ,, لكن كده .. ده تصيد .. من وجهة نظرى خصوصا لما نكتشف ان فيه جانب واحد بس مركزين عليه .. يبقى فين الحياد والوقوف على خطى واحدة من الجميع .. وبالنسبة للدستور استاذنا هم يقولون توافقى .. لكن الليبراليين رافضين المبدا من الاساس ولا حتى النقاش فيه !! حتى لو فيه اخطاء فى المعايير .. هنحلها بالحوار .. لكن رفض من حيث المبدا ورفض التصويت اصلا .. ده نسميه ايه ؟؟ وانا اتذكر محمد ابو حامد فى ثانى جلسات البرلمان طلع مع ابو عز الحريرى النائب ايضا على قناة صوت الشعب فى ثانى جلسة او ثالث جلسة للمجلس ,, طعنوا فيه وفى شرعيته وانه جه بزيت وسكر وصفقة مع المجلس العسكرى ..الخ وهم محسوبين على التيار الليبرالى .. طب يعملوه احترام للناس اللى وقفت طوابير بالساعات والعالم كله صور وممكن اجيب لحضرتك الواقعة بالفيديو ,, كان قبل تقسيم اللجان داخل المجلس .. ولما الدكتور البرادعى يقول (مجلس مطعون هيقدم دستور باطل ) .. ومزيد من التصريحات محسوبة على التيارات الاخرى ,, وهم اصلا لو عاوزين يجيبوا اسلاميين ..كانوا ممكن ينتخبوا اسلاميين من برا المجلس ولو الشعب هيختار مين اللى يضع الدستور كان الاسلاميين هيتصدروا المشهد برضه .. يبقى بالحوار مش بالصوت العالى ,, ده بقى اللى خلى الاخوان يتمسكوا برايهم وبقت العملية اشبه بالعند احنا الاغلبية ومش هنتنازل والاقلية ديكتاتورية عاوزة تفرض رايها ,, يبقى الكفة متساوية مابينهم وسمعت ان الاخوان عارضيين انهم يتنازلوا عن بعض الشخصيات ليهم ويدخل مكانها ,,بس طبعا مرفوض .. لان المبدا نفسه مرفوض !! وانا شايف ان فيه جهات انسحبت عشان لايلاموا بعد ذلك زى الوفد والكنيسة والازهر .. انسحبوا متاخرين كانوا مترددين بين البقاء والانسحاب لكن مع الحملة اللى شغالة والصوت العالى يختفىالعقل والحوار ,, رابعا : انا ذكرت فى الموضوع ان من اخطاء الحكومة ممكن يكون الاخوان قرروا الدفع بالشاطر او تخوفا من مايتردد من ان المجلس العسكرى مصر على بقاء الحكومة لتزويير الانتخابات الرئاسية ,, وانا اعتقد ان اغلب اللى زعلانين من ترشيح المهندس خيرت لان سببهم الاخوان تراجعوا ,, لكن فى الحقيقة وكما ذكرت حضرتك هم من حقهم الدفع به وممارسة حقوقهم السياسية .. والاخوان شايفين ان خيرت الشاطر يقدر يحقق ما يسعون اليه ,, وده فعلا هتفتت صوت المرشحين الاسلاميين بس من الافضل ان باقى المرشحين يتنازلوا لبعض ويشوفوا اى منهم اكثر قبولا فى الشارع .. وعلى فكرة التفتت ده مش هييجى فى صالح الفلوا بل فى صالح الليبراليين لان الفلول لن يدعمهم الاقلة وهم ايضا مفتتين مابين عمر سليمان واحمد شفيق او حتى عمرو موسى ,, هما حتى لو دعموا واحد فقط اصواتهم مش هتاثر الخوف ان المجلس يدفع بمرشح او يدعم حد فيهم فى الخفاء .. وساعتها يكون الوضع مختلف .. خامسا : ماهو لازم نفترض النوايا الحسنة والا هنشكك فى كل شىء .. ونحكم بالتجارب ولا بالنوايا ولا بالكلام .. هو الفصيل ده يا استاذ ايمن مش بيمارس حقه بكل نزاهة ,, انا لا الومه يبقى العيب مش فيه ,, المشكلة ان مفيش ضد له قوى ويعرف ياخذ ثقة الناس ويبقى فيه تنوع .. لكن طالما الشعب مختاره هو خلاص ,, وطبعا الدستور لابد من توافق عليه الجميع فى نهاية الامر ,, سادسا : هو فيه اختلاف بين انى اكون مسلم كما جميع المرشحين و وبين اتبنى المشروع الاسلامى او المرجعية الاسلامية للدولة .. الاعلام بيقول على هذا الصنف الاسلاميين .. لكن مانقدرش نقول على الدكتور حمدين صباحى او الدكتور البرادعى من التيار الاسلامى ,, ده الفرق كما اعتقد ,, وطبعا الكفاءة والامانة لابد منها قبل اى شىء .. ممكن يكون مسلم لكن لايعمل باسلامه او مثل شخص غير مسلم .. وطبعا اكيد الغالبية متفقة انه مايبقاش فيه احتكار للسلطة ,, ويبقى فيه تنوع .. وديمقراطية حقيقة وده الهدف اللى يضمنه الدستو واعتقد الاخوان مايقدروش يتلاعبوا باشياء زى ده .. لانها هدف من اهداف الثورة وساعتها يبان فعلا انهم هيحتكروا السلطة واعتقد ان مفيش حد هيسكت على كده .. وبالتالى المفروض نعطى التيار المطلوب الان الفرصة كاملة .. ليتم الحكم عليه بكل منطقية ووضوح واخيرا استاذى حضرتك مسحت صورة الدكتور عبد المنعم ابو الفتوح علشان السبب اللى فى توقيع حضرتك بس اتوقف من فترة الموضوع ده ومفيش اى حاجة من ده ومن فترة يعنى وبدليل ان اغلب الاعلاميين بيتكلموا عادى والدكتور عمل دعايته فى حديقة الازهر ومفيش اى حاجة من ده .. وانا سمعت الكلام ده على احد القنوات كانوا بيتكلموا على مرشح ووقفوا لنفس السبب وبعد كده عرفوا ان الكلام ده اتوقف كملوا عادى  بس التوقيع كده بقى احلى جزاك الله خيرا وبارك الله فى حضرتك
|
|
#9
04-04-2012, 09:33 PM
|
||||
|
||||
|
ده كله وحيادى
ده إنت هيقام عليك الحد قريب يا أ / طاهر أنا والله مش مقتنعه بكمية الهجوم دى كلها على الإخوان كل اللى بيتكلم وبيهاجم بدون فهم أساسا أى حد بيتكلم يقول مش كفاية مجلس الشعب والشورى والتأسيسية ... كمان الرئاسه !!!!!! هو مش الشرع حلل أربعه برضه .... اعترضوا على الشرع بقى ده على أساس إنهم أخدوا أغلبية الشعب والشورى بالتزكية مش بالإنتخاب والشعب هو اللى اختارهم  واللى معترض على ترشيح الشاطر ملاحظة بس صغيره هما قالوا ترشيح الشاطر وليس تعيين ناس بقى بتموتنى من الضحك لما أتكلم معاها تشتم فى الإخوان ومنافقين وكدابين ومش ثابتين على موقف وبتوع مصالحهم وأهم حاجه عندهم الكرسى وبعدين فى الأخر ألاقيهم بيدعموا أبوالفتوح ده على أساس إن أبو الفتوح مش من الإخوان مجلس الشعب عمل إيه فى 60 يوم بحس إن 60 يوم دول 60 سنه لكن لما تقول 60 يوم كفلين بتغيير قرار سياسى يتبص لــنفس 60 يوم دول على إنهم خمس دقايق حزب الوسط لما يتراجع عن تأييد العوا لصالح أبو الفتوح يبقى إسمه عدول عن قرار لكن مش رجع فى كلامه والدنيا مش اتهدت ولا حاجه ده مش دفاع عن حد مجرد وجهة نظر حياديه عن الإخوان _ فى رأيى
|
|
#10
05-04-2012, 02:20 AM
|
|||
|
|||
|
جزاكم الله خيرا
__________________
الحمد لله
|
|
#11
05-04-2012, 06:59 PM
|
|||
|
|||
|
اقتباس:
ربنا يظهر الحق ,, جزاك الله خيرا على المرور
|
|
#12
05-04-2012, 07:46 PM
|
|||
|
|||
|
اقتباس:
انا حاسس ان الكاميرا مصوبة باتحاه واحد ,, وبالتالى لانرى اى اتجاهات اخرى ..
حيادية برضه .. احنا مش بندافع احنا بنتكلم عن الحياااد .. جزاكى الله خيرا دكتورة مروة
|
|
#13
05-04-2012, 08:18 PM
|
|||
|
|||
|
اقتباس:
__________________
بياع كلام طول عمرى مملكش الا كلام وسنين العمر تجرى فـ غناوى عن احلام مطلتش حاجه منها و دريت ساعتها بأنى مملكش الا كلام harksha
|
|
#14
05-04-2012, 11:15 PM
|
||||
|
||||
|
اقتباس:
أنا أقصد إن فى ناس بتعترض ونتقد لمجرد سياسة الإعتراض والنقد شايفين إن الإخوان مش كويسين ومع ذلك بيؤيدوا د. أبو الفتوح وهما عارفين إنه من الإخوان وتفكيره تفكير الإخوان وتربية الإخوان حتى لو انفصل عنهم إسما طب إزاى بتهاجموهم الهجوم ده وهترشحوا واحد منهم !!! أنا سمعت إن الإخوان كانوا هيدعموا المستشار أحمد مكى أو طارق البشرى أو الغريان عشان كده مش رشحوا حد ورفضوا ترشيح أبوالفتوح لكن محدش منهم وافق على الترشيح وده كان سبب ترشيح الشاطر ربنا يولى الأصلح إن شاء الله
|
|
#15
06-04-2012, 12:45 AM
|
|||
|
|||
|
الذين يقولون إن الاخوان ليس عندهم مبدأ بترشيح الشاطر طيب ما الاخوان غيروا رأيهم في موضوع عدم جواز تولي المسيحي رئاسة الجمهورية عندما عرضوا برنامج الحزب 2007 ولكن في 2012 اجازوا تلك المسألة مع أن الاولى عليها اجماع فقهي ولكن مراعاة المواطنة اختاروا الرأي الاقل فقهياً ومع ذلك لم يتهمهم احد بالنفاق بل مدحوهم إذن المسأله هي الهوى والكره وللاسف هذا ديدن غالبية القوى الليبرالية
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:36 AM.
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.
Copyright ©2000 - 2025, Jelsoft Enterprises Ltd.
