مبرووووووووووووووووووووك يا مصر

[222ahmed222]

المشاركة الأصلية كتبت بواسطة سارة ماكس

طب ليه نفترض اساسا ان كل اللى انتخبوا شفيق فلول ؟ دى وجهات نظر يمكن شايفين حاجة انتوا مش شايفنها او انتوا شايفين حاجة هم مش شايفنها بس كله لازم يبى كويس مع غيره انا والله ياجماعة كل اللى نفسى فيه ان كل الناس يبقوا كويسين مع بعض وان ماحدش يغلط فى حد وان مصر تبقى حلوة وده كل غرض ناس كتير هنا وكل واحد حر فى رايه وخلاص انا مش عايزة اروح الامتحان وحد زعلان منى ممكن فى الامتحان يجيلى سكتة قلبية واموت وانا مزعلة الناس وعلى ايه؟

خلاص اغير جملة كل المنتقبات والملتحين فلول واقول مش لازم كل المنتقبات والملتحين يختاروا الاخوان لأن الاخوان دلوقتي مش بيخوضوا الانتخابات كجماعة اجتماعية دينيه وإنّما تيار سياسي فميش علاقة يعني وفي بنات مش محجبات عادي اختاروا الدكتور محمد مرسي يعني مكانش له لزمه انك تجيبي المثال بتاع ان ف منتقبات عندكم اختاروا الفريق شفيق
بس هو االسؤال المهم
ليه المنوفية والشرقيه والدقهليه والغربيه شفيق متفوق فيهم؟؟
ليه يعني محافظات الدلتا بشكل خاااااااص؟ هل مازالوا تمركز للفلول؟؟؟ يعني مش مهم انه يفوز ف أي محافظه بس لما يفوز ف المحافظات دي بالذات كلها ال جنب بعض في المرحله الاولى والتانيه فدي حاجه غريبه فعلاً!!!

[د/نداء الجنة المصرية]

المشاركة الأصلية كتبت بواسطة 222ahmed222

خلاص اغير جملة كل المنتقبات والملتحين فلول واقول مش لازم كل المنتقبات والملتحين يختاروا الاخوان لأن الاخوان دلوقتي مش بيخوضوا الانتخابات كجماعة اجتماعية دينيه وإنّما تيار سياسي فميش علاقة يعني وفي بنات مش محجبات عادي اختاروا الدكتور محمد مرسي يعني مكانش له لزمه انك تجيبي المثال بتاع ان ف منتقبات عندكم اختاروا الفريق شفيق
بس هو االسؤال المهم
ليه المنوفية والشرقيه والدقهليه والغربيه شفيق متفوق فيهم؟؟
ليه يعني محافظات الدلتا بشكل خاااااااص؟ هل مازالوا تمركز للفلول؟؟؟ يعني مش مهم انه يفوز ف أي محافظه بس لما يفوز ف المحافظات دي بالذات كلها ال جنب بعض في المرحله الاولى والتانيه فدي حاجه غريبه فعلاً!!!

لا مافيش لافلول ولاحاجة زى ماانتوا فاهمين المشكلة ان فى فجوة فى الخطاب بين الثوار وبين شوية ثوابت فى المحافظات دى يعنى انتوا تقولوا حكم العسكر هم يقولوا ده عايزين يهدوا الدولة انتوا تقولوا عايزين اعدام مبارك هم يقولوا لاحول ولاقوة الابالله الراجل خلاص بقى عنده 90سنه وعفاالله عما سلف ده ايه الجبروت ده تطلعوا تشتموا المشير يقولوا ايه ده الاخلاق اتعدمت ولاايه فين الاحترام حتى لو تابعت الانتخابات هتلاقى معظم المنايفة اللى كانوا واخدين اولادهم الانتخابات خلوهم يروحوا يسلموا على ضباط الجيش ويحيوهم ودى حاجة كده بنتربى عليها عندنا ان الجيش اللى بيحمى البلد واحترام الكبير وهكذا انا بوضح لك بس عشان ماتفترضش سوء النية والفلول وكده وهم على فكرة انتخبوا شفيق عشان مايفكرش فى الانتقام والحاجات دى وبس

[222ahmed222]

المشاركة الأصلية كتبت بواسطة سارة ماكس

لا مافيش لافلول ولاحاجة زى ماانتوا فاهمين المشكلة ان فى فجوة فى الخطاب بين الثوار وبين شوية ثوابت فى المحافظات دى يعنى انتوا تقولوا حكم العسكر هم يقولوا ده عايزين يهدوا الدولة انتوا تقولوا عايزين اعدام مبارك هم يقولوا لاحول ولاقوة الابالله الراجل خلاص بقى عنده 90سنه وعفاالله عما سلف ده ايه الجبروت ده تطلعوا تشتموا المشير يقولوا ايه ده الاخلاق اتعدمت ولاايه فين الاحترام حتى لو تابعت الانتخابات هتلاقى معظم المنايفة اللى كانوا واخدين اولادهم الانتخابات خلوهم يروحوا يسلموا على ضباط الجيش ويحيوهم ودى حاجة كده بنتربى عليها عندنا ان الجيش اللى بيحمى البلد واحترام الكبير وهكذا انا بوضح لك بس عشان ماتفترضش سوء النية والفلول وكده وهم على فكرة انتخبوا شفيق عشان مايفكرش فى الانتقام والحاجات دى وبس

ماهو دا معناه بردو انهم فلول سوري يعني
انتم بتقولوا نعفي عنه!!!
هو نعفي عنه إزاي اصلا؟؟
واحد مش مثلاً سرق اتنين مليون جنيه ولا اتنين مليار ولا اتنين بليار حتى لأ دا قتل فوق ال 800 شاب من خيرة الشباب ودا خلال الثورة بس دا غير ال ماتوا قبل كدا زي خالد سعيد دا غير ثورة الشرطه سنة 86 واكتر من 4000 واحد اتقتلوا دا غير اكتر من 30 سنه واخد البلد على إنّها بلد ابوه
احن اخلاقنا وذوقنا مش اقل منكم والله يا دكتورة بس الفرق اننا بنحترم ونقدر ال يستحق الاحترام انما ال يهيننا فملوش مكان بيننا

[د/نداء الجنة المصرية]

المشاركة الأصلية كتبت بواسطة 222ahmed222

ماهو دا معناه بردو انهم فلول سوري يعني
انتم بتقولوا نعفي عنه!!!
هو نعفي عنه إزاي اصلا؟؟
واحد مش مثلاً سرق اتنين مليون جنيه ولا اتنين مليار ولا اتنين بليار حتى لأ دا قتل فوق ال 800 شاب من خيرة الشباب ودا خلال الثورة بس دا غير ال ماتوا قبل كدا زي خالد سعيد دا غير ثورة الشرطه سنة 86 واكتر من 4000 واحد اتقتلوا دا غير اكتر من 30 سنه واخد البلد على إنّها بلد ابوه
احن اخلاقنا وذوقنا مش اقل منكم والله يا دكتورة بس الفرق اننا بنحترم ونقدر ال يستحق الاحترام انما ال يهيننا فملوش مكان بيننا

انا هقول حاجة بعيدا عن راى الناس وهعبر عن رايى انا واحدة كنت ولله الحمد عاقلة جدا وانا صغيرة ومتفوقة والحمد لله وكان طموحى انى هفضل اتعلم طول العمر وماكنتش عارفة حاجة عن اللى بيحصل فى الحقيقة انا كل اللى كنت اعرفه ان مصر دى بلد حضارة وان شعبها ده مافيش زيه ده غير الكتب اللى كنت بقراها فى المكتبة وكانت كلها كلام مفيد او مسلى او متفائل اما الانشطة اللى كنت بقوم بيها انى بروح اتعلم العزف على الاوكارديون والاكسليفون او اجهز الاذاعة او احضر اجتماعات جماعة الهلال الاحمر او اقعد اتناقش انا واصحابى فى اى موضوع ولو مافيش حاجة من دول يبقى بقعد فى حوش المدرسة اتفرج وبس وكنت بزعل اوى لمااشوف خناقة عشان لعبة وكنت برفض اللعب واشوف انه مالوش قيمة وكمان كنت باستغرب من العند اللى عند الطلبة اللى بيرفضوا يتبعوا النظام وبعدين اروح اذاكر باقى اليوم كله وتقريبا كان ده يومى لحد ماانام وكنت بصحى الفجر تلقائيا كده من غير منبه وكمان فى الفصل عمرى مااحتاجت ان كلمة تتكرر قدامى وماكنتش بحب اجاوب الاسئلة عشان اسمع اجابات زمايلى واستفيد منها بدل من انى اجاوب ومااستفيدش حاجة وكل ده وانا فاهمة ان الحياة جميلة وان مصر دى اعظم بلد فى العالم وكانت عندى شوية ملاحظات بس على اسلوب التعليم فكان طموحى انى اكون وزيرة التعليم عشان كان عندى مقترحات للتطوير وخلصت الابتدائى وانالسه فكرى كده وكمان كنت طالعة من الاوائل على الادارة وبعيط انى مش الاولى طبعا دلوقت بتقول الرغى ده كله ليه؟؟لان دلوقت بقى حالى مختلف لان صورتى بعدها بقت قدام الناس انى مثال وقدوة فبقيت حريصة دايما انى مااغلطش وده كان مبرر كاف انى اهتم بالتدين فاتجهت للقنوات الدينية وكانت بداية الاذى بقيت اسمع وانفذ كل اللى يقولوه بقيت اسهر طول الليل اصلى ومن كلامهم بقيت انظر للناس على انهم كفرة وبدات ابعد عن الناس ورغم انى كنت باعمل كل حاجة صح الا انى كنت دايما حزينة ومخنوقة ومش عارفة ليه ؟كل مايقولوا صيام سنة بسرعة اروح اصوم حتى لو حالتى الصحية ماتسمحش وبالفعل مرضت فى مرة بسبب كده ومستوايا الدراسى نزل وكل ده وانا لسه باتابع القنوات دى وتقريبا بطلت اقعد مع اصحابى وبعدت عن كل الناس طبعا انا فى تعاليم الدين ماشية كويس لكن تنفيذ من غير فهم لحد مابدات خلاص وهم زودوا فى كلامهم بصراحة البنات ماتخرجش من البيت لان ده حرام وانا باحلف ان شيخ من القنوات دى قال كده فبدات احس ان الحكاية صعبة جدا وانى مهما عملت مش نافع بس الحمد لله وقتها قرات كتب عن الرسول صلى الله عليه وسلم ساعدتنى افهم الدين صح وان الدين مبنى على الحب والتسامح والرحمة وان العبادة مبنية على علاقة الحب بين العبد وربه وفهمت ان التشدد ده غلط وان ربنا بيغفر ويسامح فبقيت اعبد ربنا صح اصوم وقت ماتسمح الظروف طالما سنة واصلى قيام الليل بس اخد وقت كافى من النوم وفهمت حاجات جميلة عن الدين بس السنة كانت خلصت ونتيجتى كانت خايبة وكنت فقدت الثقة فى نفسى ودخلت الثانوى وانا محبطة بدات اتابع البرامج المثيرة للعصبية لانى بقيت اقلل فى المذاكرة بسبب الاحباط وكانت اول كارثة اللى هى ماتش الجزائر انا شوفت حاجات لاول مرة اشوفها ناس بتجرى ورا بعض وانا اللى كنت فاهمة من المناهج ان العرب اخوة والرغى ده الاقيهم بيقطعوا فى بعض عشان الكورة فضلت بعدها اسبوع عيانة وبعدين توالت الحاجات اللى بتيجى على التلفزيون تحسسنى ان الصورة اللى فى دماغى غلط وبرضه مستوايا قل هى فين مصر اللى كنت بذاكر عشانها؟؟ ولما دخلت تانية ثانوى كنت بذاكر بالبركة ومش عاوزة حاجة ماكل اللى كان فى دماغى كان اوهام بس انا قلت اذاكر عشان ابقى عملت اللى عليا قدام ربنا وعشان ماما وبابا وعدت الايام عادى استمريت فى العادات بتاعتى باروح المدرسة وبادخل المكتبة اقرا كتاب فى اى فرع واحضر الحصص واحاول استفيد وخلاص