هو اولي ثانوي محتاجة تفرغ ؟؟

[Pro Saher Abdel-Aziz]

المشاركة الأصلية كتبت بواسطة دعاء وجيه

السلام عليكم ورحمة الله وبركاته

زي ما العنوان بيقول كدا ييا جماعة انا عايزة اسال هل انا محتاجة اتفرغ للثانوية العامة ؟
انا داخلة اولي ثانوي باذن الله
وعايزة التحق بمعهد اعداد دعاة اربع سنين ودا الوقت الوحيد اللي اقدر اقدم فيه لان بعد الثانوية الجامعة وهي اصعب والزواج وي وي وي فمش هقدر اتعلم ديني الا في الفترة دي
وماما تقولي لا ثانوي ثانوي

اخويا السنة دي كان في 3 ثانوي وطول الوقت بيلعب لان اليوم كله فيه درس خصوصي ويرجع يذاكر اللي اخده يعني مش اكتر من 5 ساعات في اليوم والباقي فاضي

وكمان مش عارفة هو تراكمي ولالا
يعني بفرض اني مش هاخدها جد في اولي وتانية وخدتها جد جدا في 3 ث هل هجيب المجموع الي بتمناه ولالا ؟
يعني تفرق لو اجتهدت في ال3 سنين عن اخر سنة بس؟
بمعني اخر هل معلومات اولي وتانية بتفرق في 3 ولا الاساسيات بس زي ما اخويا بيقول ؟؟
اصل اخويا ادبي وانا داخلة علمي فمش عارفة كلامه هينطبق عليا ولالا اصله معندوش فزيا وكيميا والجو دا بقي اللي ممكن يكون تراكمي
مع العلم اني الحمد لله استيعابي تمااام وممكن اذاكر ساعتين بس في اليوم + اخر شهر قبل الامتحانات واطلع الاولي بفضل الله
فتنصحوني التحق بمعهد مع الدراسة مع العلم انه 4 ايام في الاسبوع وف اليوم ساعتين بس ومش هيحتاج مذاكرة واني هيكون معايا وقت ساعتين او تلاتة بالكتير للمذاكرة للمدرسة ومن ضمنهم الواجبات المدرسية فهل اصلا في واجبات ؟؟
ها يا جماعة تنصحوني بايه ؟
واولي وتانية يفرقو معايا ف 3 ولالا
اكمل في المعهد في 3ث ولالا >> اصلي شايفة اخويا متفرغ اووي السنة دي
لو ذاكرت لاولي ث من دلوقتي هتفرق معايا او تسهللي ولا بلاش احسن

وشكراااا

بصى هو لو المعهد ده زى ما انتى كاتبة كده مش هياخد وقت
وانتى اصلا مش من نوع الطلبة اللى بتقضى وقت طويل لعب
يبقى ادخلى الاتنين بس بلاش لعب وبلاش اى ملهيات تانية

[دعاء وجيه]

المشاركة الأصلية كتبت بواسطة شذى العطر

بصراحة مش عايزة احكم وفيه حاجات معرفاش
انا معرفش نظام المعهد ده وازاي
لكن انتي قولتي بنفسك استيعابك كويس
وبتطلعي الاولى ماشاء الله من غير مذاكرة قوية ومهلكة
وبما انك كده ليه متدخليش ثانوي عادي
وتدخلي الجامعة
والثانوية ودخول الجامعة شهادة اعلى ومجالهم احسن

يا قمر انا هدخل ثانوية عامة
وداخلة اولي ثانوي بالفعل باذن الله
وعايزة اضيف عالمدرسة المعهد الاسلامي دا علمغرب كدا اروح اخد المحاضرات
فهمتيني

المشاركة الأصلية كتبت بواسطة ساهر عبد العزيز

بصى هو لو المعهد ده زى ما انتى كاتبة كده مش هياخد وقت
وانتى اصلا مش من نوع الطلبة اللى بتقضى وقت طويل لعب
يبقى ادخلى الاتنين بس بلاش لعب وبلاش اى ملهيات تانية

اممممممم
هو المعهد ساعتين في اليوم + مواصلات ممكن نقول ساعة
و4 ايام كدا هياخد وقت مش قليل اوي
بعد كلامك كدا للاسف مش هيبقي فيه نت وفيس وكداهون
شكرا لمروركم الكريم