هو اولي ثانوي محتاجة تفرغ ؟؟

[*تائبة فى رحاب الله*]

المشاركة الأصلية كتبت بواسطة دعاء وجيه

السلام عليكم ورحمة الله وبركاته

زي ما العنوان بيقول كدا ييا جماعة انا عايزة اسال هل انا محتاجة اتفرغ للثانوية العامة ؟
انا داخلة اولي ثانوي باذن الله
وعايزة التحق بمعهد اعداد دعاة اربع سنين ودا الوقت الوحيد اللي اقدر اقدم فيه لان بعد الثانوية الجامعة وهي اصعب والزواج وي وي وي فمش هقدر اتعلم ديني الا في الفترة دي
وماما تقولي لا ثانوي ثانوي

اخويا السنة دي كان في 3 ثانوي وطول الوقت بيلعب لان اليوم كله فيه درس خصوصي ويرجع يذاكر اللي اخده يعني مش اكتر من 5 ساعات في اليوم والباقي فاضي

وكمان مش عارفة هو تراكمي ولالا
يعني بفرض اني مش هاخدها جد في اولي وتانية وخدتها جد جدا في 3 ث هل هجيب المجموع الي بتمناه ولالا ؟
يعني تفرق لو اجتهدت في ال3 سنين عن اخر سنة بس؟
بمعني اخر هل معلومات اولي وتانية بتفرق في 3 ولا الاساسيات بس زي ما اخويا بيقول ؟؟
اصل اخويا ادبي وانا داخلة علمي فمش عارفة كلامه هينطبق عليا ولالا اصله معندوش فزيا وكيميا والجو دا بقي اللي ممكن يكون تراكمي
مع العلم اني الحمد لله استيعابي تمااام وممكن اذاكر ساعتين بس في اليوم + اخر شهر قبل الامتحانات واطلع الاولي بفضل الله
فتنصحوني التحق بمعهد مع الدراسة مع العلم انه 4 ايام في الاسبوع وف اليوم ساعتين بس ومش هيحتاج مذاكرة واني هيكون معايا وقت ساعتين او تلاتة بالكتير للمذاكرة للمدرسة ومن ضمنهم الواجبات المدرسية فهل اصلا في واجبات ؟؟
ها يا جماعة تنصحوني بايه ؟
واولي وتانية يفرقو معايا ف 3 ولالا
اكمل في المعهد في 3ث ولالا >> اصلي شايفة اخويا متفرغ اووي السنة دي
لو ذاكرت لاولي ث من دلوقتي هتفرق معايا او تسهللي ولا بلاش احسن

وشكراااا

وعليكم السلام ورحمة الله وبركاته

أنا من رأيى ان تالتة ان شاء الله مش هيكون لها علاقة بالسنتين الا قبلها
خصوصا يعنى ان على سنتك المناهج هتتغير انما اللى رايحين تانية السنة دى هيدرسوا المناهج القديمة
وبيتهيالى انسب وقت تاخدى فيه المعهد السنتين دول
انا بجد كنت فكرت فى كدة بس انا عرفت ان ممكن طالب حاصل ع جامعة من التربية والتعليم يقدر يلتحق بكلية ازهرية سواء دعوة او اصول دين ممكن ندرسها بين سنين الجامعة وقررت ان اخش الكلية مع كلية التربية والتعليم انا عارفة انها هتبقى صعبة بس هنعمل ايه ديننا ولازم نهتم به
والواحد كان نفسه يدخل ازهر بس فى حاجات مش كويسة للطلبة
وعندنا الوزارة هو كتاب دين واحد اللى بتنزله فى السنة كلها والحصص بتكون اخر حصة فى اليوم ومبنعرفش نفهم حاجة
توكلى ع الله وخدي المعهد بس دة مش معناه انك تهملى الدراسة خالص
انا فى وحدة صحبتى بتاخد معهد قراءات بس مهتمة بالدراسة عن المعهد يدوربك بتروح تتمتحن وكمان فى الدور التانى لانه بيكون فى وقت امتحانات