يلا هنكمل على النظام القديم ولا هنختار النظام الجديد

[hobahoby]

بيتهيألى النظام القديم اسهل دول 5 مواد و بنشد شعرنا لكن 11 كتير
بس فى حاجات حلوة بردو ربنا مع الجميع

[نهى شاهين]

طب هو انت في سنه كام وهتختار انهى نظام وهتعمل ايه

[*تائبة فى رحاب الله*]

وعليكم السلام ورحمة الله
أعتقد إن أنا سمعت نفس الكلام بتاع الاخوة
إن اللى لهم حق الاختيار هم طلبة الصف الثانى الثانوى العام الماضى ولم يتموا امتحاناتهم..........
ولو كان زى محضرتك بتقول دى اول مرة اسمع عنه
بس مش فارقة نظام قديم نظام جديد والله كل المواد هتتدرس وهيبقى اسمها ثانوية بردة.....كل نظام له مميزات وعيوب بس أنا أفضل النظام الجديد
ياجماعة المتفوق متفوق فى كل مكان يعنى اللى يقدر يمشى فى النظام القديم يقدر يمشى فى الجديد او العكس
وجزاكم الله خيرا

[annoccc]

المشاركة الأصلية كتبت بواسطة نهى شاهين

طب هو انت في سنه كام وهتختار انهى نظام وهتعمل ايه

أنا فى سنة تانية ثانوى ، وهختار الدراسة على النظام القديم ان شاء الله ، لأن النظام دا نظام عدد مواده قليل وكمان المدرسين واخدين عليه مش لسة هيتعلموا معايا على النظام الجديد ، يعنى احترفوا التعامل معاه وهيدونى الخلاصة ومواضيع الامتحانات ، دا حتى المواد فى النظام الجديد قد المواد فى النظام القديم بمرة ونص ، يعنى عبء أكتر .

و على فكرة ممكن فرصة الاختيار دى تكون آخر مرة السنة دى بس بمعنى محدش هيختار تانى ، و كله هيمشى على نظام واحد وبس .
شوفى مصلحتك ومتتردديش انك تعمليها .

[annoccc]

المشاركة الأصلية كتبت بواسطة *تائبة فى رحاب الله*

وعليكم السلام ورحمة الله
أعتقد إن أنا سمعت نفس الكلام بتاع الاخوة
إن اللى لهم حق الاختيار هم طلبة الصف الثانى الثانوى العام الماضى ولم يتموا امتحاناتهم..........
ولو كان زى محضرتك بتقول دى اول مرة اسمع عنه
بس مش فارقة نظام قديم نظام جديد والله كل المواد هتتدرس وهيبقى اسمها ثانوية بردة.....كل نظام له مميزات وعيوب بس أنا أفضل النظام الجديد
ياجماعة المتفوق متفوق فى كل مكان يعنى اللى يقدر يمشى فى النظام القديم يقدر يمشى فى الجديد او العكس
وجزاكم الله خيرا

طب لو اتيحت ليكى فرصة الاختيار بين النظامين هتكملى دراستك على أنهى نظام وليه ، و أرجو انك متتأثريش بموضوع النظام الجديد زى طبيعة كل البشر الانبهار بالجديد مع اهمال القديم ثم التحسر على مافات بعد فوات الاوان .

[احمدالمدريدي]

المشاركة الأصلية كتبت بواسطة annoccc

طب لو اتيحت ليكى فرصة الاختيار بين النظامين هتكملى دراستك على أنهى نظام وليه ، و أرجو انك متتأثريش بموضوع النظام الجديد زى طبيعة كل البشر الانبهار بالجديد مع اهمال القديم ثم التحسر على مافات بعد فوات الاوان .

مع اني داخل اولي ثانوي ومش داخل تانية الا اني اؤيد النظام الجديد بشدة وبعدين محدش يعرف عدد مواد الصف الثالث الثانوي كل ما ينشر لا مصدر له لان الصف الثاني الثانوي هو اللي طلع بعدد مواده قرار رقم 274 لسنة 2012 ولسه الوزارة محددتش عدد مواد الصف الثالث الثانوي وبعدين السنتين بتبقي عبئ علي الطالب اكتر ما هي تخفيف

[annoccc]

المشاركة الأصلية كتبت بواسطة احمدالمدريدي

مع اني داخل اولي ثانوي ومش داخل تانية الا اني اؤيد النظام الجديد بشدة وبعدين محدش يعرف عدد مواد الصف الثالث الثانوي كل ما ينشر لا مصدر له لان الصف الثاني الثانوي هو اللي طلع بعدد مواده قرار رقم 274 لسنة 2012 ولسه الوزارة محددتش عدد مواد الصف الثالث الثانوي وبعدين السنتين بتبقي عبئ علي الطالب اكتر ما هي تخفيف

السلام عليكم يا أحمد ، عامل ايه فى الصيام ، ربنا يوفقك أينعم انتا لسة رايح أولى ثانوى يعنى ملكش فى حوار الاختيار دة لكن يهمنا رأيك برضة ، بس يا أحمد لو انتا عاوز تعرف النظام الأسهل و الأخف عبئاً على الطلاب شوف نظام الأزهر ، و اسألهم عن معاناتهم بنظام السنة الواحدة ، انتا عارف نظام السنة الواحدة كان معمول بيه قبل كدة ، من زمن قبل نظام السنتين ، ولما ثبت فشله راحو مطبيقين نظام السنتين عشان يوزعوا العبء على الطلاب ، ودا بيديهم فرصة انهم يفكروا بعد كل مرحلة ، بمعنى الطالب يدخل بعد سنة أولى و هى سنة نجاح ورسوب يعنى مش مذاكرة و تركيز شديد يكون الطالب خد نفسه وارتاح بعد مرحلة الاعدادية ، و يدخل على سنة تانية و هى مرحلة يبدأ يذاكر ويركز أكتر و بعدها يقيم أداءه لو مجموعه عالى يكمل علمى علوم أو رياضة ، لو مجموعه مش تمام يحول أدبى عشان يعزز من فرصة انه يلاقى كلية كويسة ، انما لو فى النظام الجديد الطالب هيلعب سنتين بدون داعى يعنى هيرحرح على الاخر ، و دا هيولد عنده لا مباللاة واهمال ، ما هو مش متعود على المذاكرة الشديدة ، وبعدين يدخل مرة واحدة على سنة مليانة بالمواد و الكتب والمذاكرات والدورس الخصوصية ، يعنى هيتبلف و يتعصر كمان ، ويعنى بعد دا كله يخش يشوف مجموعه ، طيب أنا عاوز أعرف لو مجموعه مش تمام قوى يعمل ايه ، ما هو لا فى لا أدبى ولا علمى ، ضاع كده ، أنا زى ما أقلتلك أسأل بتوع الأزهر تلاقى ان كلياتهم العلمية القمة يعنى طلابها مش كتار زى عندنا فى الثانوى العام ، و أغلب الطلاب فى كليات مجاميعها منخفضة خصوصاً الكليات الدينية ، و لو عاوز تتأكد أكتر اسأل ابوك أو حد كبير يكون دخل الثانوية زمان بنظام السنة الواحدة [النظام الفاشل] ، اسأله المجاميع كانت عاملة ازاى واسأله كمان هما لغوا ليه النظام ده ، أكيد هيقولك انه كان نظام ثبت فشله بدون شك ولما طوره صار سنتين لتوزيع الأعباء و تخفيفها على الطلاب .
دى كانت نبذة بسيطة عن مساوئ هذا النظام البالى ، أنا أعرف انى الحاجة لما يطوروها يجددوها مش يرجعوها سنين ورا عشان نبدأ تطوير تانى من الأول ، دا اسمه رجعية .
و فى النهاية كل سنة وحضراتكم بالف سلامة ، والسلام عليكم ورحمة الله وبركاته .

[نهى شاهين]

طيب خلاص وايه الاجراءات عشان تكمل ع النظام القديم

[*تائبة فى رحاب الله*]

المشاركة الأصلية كتبت بواسطة annoccc

طب لو اتيحت ليكى فرصة الاختيار بين النظامين هتكملى دراستك على أنهى نظام وليه ، و أرجو انك متتأثريش بموضوع النظام الجديد زى طبيعة كل البشر الانبهار بالجديد مع اهمال القديم ثم التحسر على مافات بعد فوات الاوان .

مأنا قلت لحضرتك بفضل النظام الجديد لو انه مبيفرقش كتير عن القديم
بس القديم كان دح ومذاكرة سنتين وانا من النوع اللى بيكره الدح والمذاكرة فسنة افضل
ومبنبهرش بالجديد عادى يعنى فى الاول والاخر اسمها ثانوية وتحديد مصير

[annoccc]

المشاركة الأصلية كتبت بواسطة نهى شاهين

طيب خلاص وايه الاجراءات عشان تكمل ع النظام القديم

ما فيش اجراءات هتم فى الوقت الحالى ، لكن عندما نقترب من موعد الدراسة ، هتوضح كل حاجة ، لكن لحد الآن الى أنا أعرفه أن الطالب سيكتب اقرار على نفسه يمضيه ولى أمره بأنه سيكمل على النظام القديم .
و الله يوفقنا دائما لما يحبه ويرضاه آمين .

[نهى شاهين]

يعني كله هيبان مع بداية الدراسه خلاص ادينا مع بعض بقا ان شاء الله
وربنا يوفقنا كلنا

[نهى شاهين]

طب سؤال كمان معلشي هو الراسب في تانيه ده هو اللي شايل مادتين ولا شايل ماده

[annoccc]

المشاركة الأصلية كتبت بواسطة نهى شاهين

طب سؤال كمان معلشي هو الراسب في تانيه ده هو اللي شايل مادتين ولا شايل ماده

أسألى براحتك ، أنا دايماً فى الخدمة ، شوفى بقى يا ستى الى شايل مادة من تانية دا مش راح يعيد السنة لأنه هيمتحنها فى سنة تالتة يعنى معاه ست مواد [الخمسة بتوع تالتة والسادسة من تانية] ، لكن لو امتحنها فى أول سنة ليه فى تالتة ياخد نص الدرجة بس ، أما لو أجلها للسنة الى بعدها ياخد درجتها كاملة .
أما الي طلع بمادتين ، هيتعمله دور تانى ولو ممتحنش فيه أو معداش منهم هيقعد فى سنة تانية زى ما هو ، ويعيد سنة كاملة على المادتين دول بس ياخد درجتهم كاملة [كأنهم عاديين] ،دا مش بس مادتين دا لو ثلاثة أو أربعة أو حتى كلهم ، يعيد عليهم السنة كاملة و ياخد درجتهم الفعلية ، بس هنا لو شال أكتر من مادتين ملهوش دور تانى ، يعيد علطول فى المواد بس الي شالها .

دا كله ينطبق على النظام القديم [السنتين] ، عشان كده كنا بنسمع عن القسمة ، يقولك فلان دا أقاسم السنة ، يعنى يذاكر جزء من المواد فى سنة ، و يذاكر الجزء التانى فى السنة الي بعدها ، عشان يذاكر أكتر ويجيب مجموع ، مش بقولك النظام القديم فى حلول أكتر .
معرفش بقى النظام الجديد هيرسى على ايه ، بس ما أظنش فى حاجة زى كدة لأنه سنة واحدة يعنى طبيعته مختلفة .

أتمنى أكون افدتك ، و بالتوفيق لنا ولكى ولكل المسلمين ، والسلام عليكم ورحمة الله وبركاته .

[ياسرعرفه]

كل عام وانتم بخير

[نهى شاهين]

شكرا ليك جدا جدا جدا يا annoccc