قضايا ضم المدة السابقة لتعيين 3/2011

[mr_adam00]

الغربية الغربية كالعادة مش حاسة بالدنيا ولاااااااااا الهوا ولا حد بيدور على السنين اللى فاتت مننا شاقيانين فيها بملاليم يارب نتجمع مرة وندور على حقوقنا المحافظات التانية خدت حقها واحنا فى التراوة البنى

[Ahmed Selmy]

المشاركة الأصلية كتبت بواسطة mustafa_abdoo

دى بعض صور لكشوف الادارة المقدمة للتنظيم والادارة لضم مدة التعاقد

مشكور سيدى الزميل والف شكر لحضرتك بس ممكن مولفقة التنظيم والادارة ضرورى جدا

[Ahmed Selmy]

المشاركة الأصلية كتبت بواسطة طارق عبد الباسط السجاعى

اسماء المعلمين لضم مدة تعاقدهم على الرابط:
http://www.thanwya.com/vb/attachment...5&d=1346364942

مشكور بس لو سمحت صورة موافقة التنظيم والادارة

[عادل سعيد عبده علام]

شكرا للمعلومات المقدمة

[adel123123]

انا اسمى / عادل من المنوفية رافع قضية وإنشاء الله ليها جلسه يوم 15 / 9 / 2013 لتقديم مستند (وبتداول بقلها ثلاث جلسات) إنشاء الله هتتحجز للحكم فى الجلسة القادمة 15 / 9 / 2013 وتابعونا إنشاء الله هعرف يوم 15 / 9 من المحامى عمل اية فى الجلسة وبإذن الله هتتحجز للحكم فى يوم مناسب

[عصام القاضى]

المشاركة الأصلية كتبت بواسطة aleman

اختى زينب
اللى عرفته من مصادر موثوقة وفاهمة فى الموضوع ده كويس سواء من الادارة او وكالة الوزارة
ان المعلم المساعد اللى امضى 3سنوات قبل تعينه فى كادر معلم مساعد ليس له الحق فى ضم المدة وانما تضم المدة للمعاش فقط ولاثبات ما كان يخصم منا اثناء التعاقد المميز ومعلم مساعد من تامينات لم توردها وزارة التربية والتعليم للان
وذلك لان ده من شروط هيكلة قانون الكادر
انك تبقى معلم مساعد 3سنوات
الدرج الوظيفى بالكادر يعنى بسنوات الخبرة
لكن ضم الخدمة السابقة قبل التعيين لن يرفع فى الدرجات المالية او اى شئ اخر
اللهم غير موضوع فلوس المعاش فقط
فتاكدى انتى ايضا من عندك حتى لا ترفعى قضية ويتم صرف فيها اموال ولاتجدى مثلا لان ده قانون ونحن كلنا كمعلمين مساعدين وافقنا عليه وقتها
وللعلم بقيام الثورة او بدونها كده كده تعيين 1/3/2011 كان هيتعين لمرور شرط ال3سنوات بتوع الكادر وده بردك فى قانون الكادرمتحدد(او مايقرب لذلك فى بعض المحافظات)
بالتوفيق باذن الله

يا عم الحاج احنا تعاقدنا من 2006 قبل قانون الكادر اصلا ثم ان قانون الكادر بيقول سنتين لاستكمال الاوراق ( رخصة الاكاديمية - icdl - تربوى واحنا كملناها خلال السنتين

[adel123123]

المشاركة الأصلية كتبت بواسطة adel123123

انا اسمى / عادل من المنوفية رافع قضية وإنشاء الله ليها جلسه يوم 15 / 9 / 2013 لتقديم مستند (وبتداول بقلها ثلاث جلسات) إنشاء الله هتتحجز للحكم فى الجلسة القادمة 15 / 9 / 2013 وتابعونا إنشاء الله هعرف يوم 15 / 9 من المحامى عمل اية فى الجلسة وبإذن الله هتتحجز للحكم فى يوم مناسب

تم تأجيل القضية إدارياً إلي يوم 21 / 10 / 2013 وذلك لبداية السنة القضائية وبذلك يفضل تأجيل أخر وهو النطق بالحكم إنشاء الله تابعونا


وعلى فكرة اللى قالى ارفع قضية مسئول التنظيم والإدارة بالمحافظة المنوفية وقالى هتكسبها 100 % لما تقدمت إليهم بمذكرة حيث أنه ليس جهة اختصاص (الوزارة المسئولة فى هذا الشأن)

[مايه محمد]

وانا كمان تعيين 2011 ومتابعه معاكوا بإذن الله نضم المده دى انا باشتغل من 2005

[محمد محمد محمد خليفة]

احنا محافظة البحيرة عندنا ناس ضمت المدة وذلك برفع قضية وكسبوها وبالمثل كل المعلمين ذهبوا للمحامى لرفع قضية لضمها

[نورالإيمان]

في الإدارة الموظفين بينصحونا بإننا منتعبش نفسنا ونضيع فلوسنا والمحامي بيقول في أمل بإذن الله وأنا ثقتي في الله كبيرة فما ضاع حق وراءه مطالب لأننا قبل العقد المميز كنا تابعين للقانون 47 وأيضا هناك كتاب دوري للتنظيم2011 والإدارة يعطينا الحق في ضم 5 علاوات والله الموفق والمستعان


اللهم احفظ مصر وأهلها من كل سوء وألف بينهم

[PUUUUUKJJ]

ياباشا انا من سوهاج - طهطا - شطورة واستلمت جواب التعيين والى الان بدل الاعتماد لم استلمة بل تم خصم حافز الاداء والمرتب بقى على مفيش ، وقرات ان الوزير ابراهيم غنيم اخر قرار اخدة فى شان بدل الاعتماد كان قرار 530 لسنة 2012 بتاريخ 26/12/2012 وبدل الاعتماد يصرف بتاريخ 1/1/2013 وبعد كده اخذ قرار 137 لسنة 2013 بتاريخ 4/5/2013 وقرار 219 لسنة 2013 بتاريخ 25/6/2013 وقرار 231 لسنة 2013 بتاريخ 3/7/2013 وقرار 237 لسنة 2013 بتاريخ 3/7/2013 وكل القرارات الاربعة الاخيرة كات بدل الاعتماد يتم صرفة بناء على قرار وزير المالية ، اشمعنى الاربع قرارات الاخيرة واشمعنى فى الوقت ده ومن الوزير ده اللى كان فى ايام الرئيس السابق هل هذا انتقام من الشعب ولا ايه ، ارجو الافاده

[eva2012]

المشاركة الأصلية كتبت بواسطة زينب عبدالرحمن

تمام
1- صور العقود
2 - صورة استمارة 103
3- صورة من قرار التعيين
4 - جواب لجنة فض المنازعات بالمحافظة ( طبعا حضرتك بتقدم طلب في المحافظة " لجنة فض المنازعات " وبتحدد جلسة وبيدوك جواب وفي الغلب يكون رفض مفيش مشكلة )
5- صحيفة احوال الإلكترونية .
6- طبعا ممكن المحامي يكون معاه صورة احكام مشابه أو صورة لقرار هو بيضيفها ( هو فعلا دعم بس مرضيش يطلعني عشان سر المهنة " المحامي ابن خالي " عشان محدش يفهم غلط ومش هياخد اتعاب )
7 - توكيل المحامي
8 - بتدفع رسوم في حدود 25 جنيه
9 - بتصور شوية ورق من الصور الي فاتت
علي فكرة المفروض يكون معاك صورة طبق الاصل من العقود وإستمارة 103

كدا تمام وصلنا لاستمارة 103 ع.ح
دى بقا عندنا فى محافظة قنا ايام ما مضينا عقد 2008 مضينا على بياض وهما كتبو ان المدد السابقة لا تعمل على الرغم من انه معانا صورة من العقود السابقة عموما مش مشكلة ياريت يضموا ال 3 سنين الاغرب من كدا ليه احنا نرفع قضايا ونستنى بالسنين فى حين ان محافظات تانية ضمت المدة تلقائى بقرار من المحافظ

[م/حسن السيد]

انى ضميت وانى من محافظة الشرقية ودة تليفونى 01005086862

[محمودعيد]

بص ياباشا قانون الكار ينص صرحة انك معلم مساعد لمدة سنتين تجتاز خلالها الامتحان فى الاكادمية وهذا ماحدث وتعين بعدها مباشرة على درجة معلم على الدرجةالثالثة باقدمية سنتين يعنى بتاخدمعاك سنتين على الثالثة اللى هما معلم مساعد ولكن الحكومة ماطلت فينا سنهكمان لحد ما اخدنا معلم اعتقد ان المادة فى قانون الكادر 75 هى الخاصة بما اقول

[nabamhamed]

موضوع هام
هل يوجد احد ضم المدة وكان تعين 30/8/2012
ارجو التفاصيل