نداء بخصوص اجازة مرافقة زوج

[معلمة حاسب الى]

المشاركة الأصلية كتبت بواسطة م / دعاء

بصى ان شاء الله التعيين قريبا لكل المتعاقدين وهانت والله انا حسه بيكى لانى من سنتين وانا كده وان شاء الله لما تتعينى وتاخدى اجازه وتسافرى هتنسى كل المعاناه دية انتى مسيرك راجعه بلدك فخلى ليكى وظيفه محجوزه محدش عارف الزمن مخبى ايه وعسى ان تكرهو شيئا وهو خير لكم. وكمان دلوقتى تعرفى تاخدى حقك لو نكشتى عليه وعليتى صوتك اعملى شكوى على موقع وزارة التربيه والتعليم وقدمى شكوى فى الشئون القانونية أو النيابة الادارية والعيار اللى ميصبش يدوش

جزاكى الله خيرا وشكرا على مشاركتك المهونة لى بس انا فعلا زى ما قولتى انا فى معاناة بقالى 4سنين شغالة سنتين اجر متواصل وسنتين تعاقد بعدهم وبقالى سنتين بحلم بالتثبيت عشان اسافر لزوجى انا وبناتى عشان استقر لانى فعلا تعبت ربنا وحده الى عالم وكل ما يخطر ببالى اسيب الشغل يصعب على السنين دى كلها وتحملى لتعبها وقرفها وارجع اقول هانت شوفتى قد ايه الوزارة مقدرة لحياتنا وظرفها
تانى مرة بشكرك والف مبرووووووووووووووووووووووووك على التعين بجد انا فرحانة لكى وربنا يتمم لكى بخير وتسافرى لزوجك بالف سلامة