سؤال مهم أوي يا شباب بالنسبة ليا ...

[mina_2012]

المشاركة الأصلية كتبت بواسطة ابوعمرة

بص ياسيدى انا بالنسبة لى شايف
ان حاسبات لو جتلك هتبقى افضلهم لكن لو لاقدر الله مقدرتش تدخلها ومكنش فى نصيب

1 _ يبقى عليك وعلى هندسة العاشر لو نفسك تبقى مهندس لانه معهد محترم بجد ومعتمد وهيبقى ليك الحق انك تسجل فى نقابة المهندسين بس مصاريفه غالية شوية معدية اللى 12 الف فى السنة والدكاترة بتوعها من عين شمس يعنى معهد ممتاز وهتتعلم بجد ده لو عايز تدخل مجال الهندسة وحابه

2 _ بعد كده تربية رياضة وبالتالى هتتجه لمجال التدريس لو بتحبه وفرصك فى الشغل هتبقى حلوة جدا لو اجتهدت وتفوقت خصوصا ان مدرسين الرياضة عليهم طلب هنا وبره

3 _ بعد كده فنون تطبيقية وهتتخرج مهندس ديكور ليك برستيجك وشغلك هيبقى كويس برده بس لو دخلت فنون تطبيقية قسم ديكور محتاج لازم يكون عندك موهبة فى الرسم وكل مايكون عندك موهبة كل مايكون مستقبلك افضل وانا بفضلها عن فنون جميلة لان فنون جميلة بتعتمد على الجانب الفنى اكتر لكن انت محتاج الجانب التطبيقى اكتر وبرده هيبقى معاه الجانب الفنى ولو عندك موهبة يبقى شكرا والجانب التطبيقى ده موجود فى فنون تطبيقية وطبعا ده ضرورى للشغل
( لوكانت جتلك فنون عمارة كان هيبقى افضل من هندسة العاشر لانها مكلفة كذلك كانت هتكون افضل من فنون تطبيقية وفنون جميلة كمان لان هتتخرج مهندس معمارى متميز فى الجانب الفنى والعملى مع بعض وهتبقى تبع نقابة المهندسين بردو بس القسم ده محتاج موهبة بشكل رهيب والا مش هتفلح )

4 _ اخر حاجة تجارة انجلش لان طبعا فى مقولة شهيرة بتقول ان التجارة حبيبة الشعب والشعبيين وهتلاقى ان نص الشعب فى كلية تجارة وبالنسبة لى مفيش فرق سواء كانت عربى ولا انجلش لان شغلها بيحتاج واسطة جامدة لو معاك واسطة اتكل على الله وادخلها واشتغلك فى بنك وتبقى زى الفل غير كده اخرك هتبقى كاشير فى اى محل والله اعلم الارزاق على الله

معلش أنا طولت عليك أنا آسف ... بس بجد الواحد محتار أوي ... وربنا إن شاء الله هايجازيك كل خير ...
دلوقتي بالنسبة للعاشر أنا أسمع إنه صعب جداً جداً صح الكلام ده ؟؟؟ ( على فكرة أنا جالي العاشر في نتيجة التنسيق ) ...
يعنى هو صعب للدرجة دي إن ماحدش يعدي منه صافي ولا إيه ؟؟؟ وخصوصاً إن اللي بيشيل مواد بيدفع فلوس قد كده على كل مادة ...
ثانياً : إيه الفرق بين فنون تطبيقية وفنون جميلة وعمارة ؟؟؟ وهل كل كلية فيهم ليها إمتحان قدرات لوحدها ؟؟؟
ولو حبيت أقدم على القدرات أقدم فين ( أماكن القدرات لكل كلية ) ؟؟؟ أنا سمعت إن باب التقديم لقدرات فتح ...