سؤال مهم أوي يا شباب بالنسبة ليا ...

[mina_2012]

المشاركة الأصلية كتبت بواسطة ابوعمرة

بص عشان مكدبش عليك هو الدراسة فيه صعبة وفيه 3 ترمات والشروق اسهل منه شوية ولكن لازم تتاكد انك هتتخرج منه وهتبقى حاجة محترمة جدا ما بالنسبة انه مفيش حد فيه بيطلع صافى من غير مواد ده كلام تخاريف انا معاك انه صعب بس مش معنى انه معهد يبقى سهل لانك مادام دخلت المعهد ده كانك دخلت هندسة عين شمس يعنى لازم متابعة اول باول وشيتات وسكاشن وشغل يعنى لو هتتهاون هتخسر وهتشيل مواد وهتدفع فلوس زيادة كمان يعنى مفيش هزار وكله لمصلحتك تجتهد تتخج تشتغل

اما الفرق بين بين فنون تطبيقية وفنون جميلة وكذلك حكاية اختبارات القدارت الرابط ده هيوضحلك كل حاجة
http://www.thanwya.com/vb/showthread.php?t=53816
مع العلم ان قسم الديكور فى فنون جميله يقابله قسم الاثاث والتصميم الداخلى فى فنون تطبيقية وده افضل والاتنين تبع نقابة المهندسين وبيتخرجوا مهندسين ديكور بس واحد بيعتمد على الفن اكتر والتانى على الفن والتطبيق معا وده اللى يخليه افضل

والقدرات عبارة عن 3 امتحانات واحد بيؤهل لفنون عمارة وده قسم تابع لفنون جميلة والامتحان التانى بيؤهل لبقية اقسام فنون جميلة زى الديكور والجرافيك وكده اما الامتحان الثالث بيؤهل لاقسام كلية فنون تطبيقية والامتحانات الثلاثة مختلفة عن بعض

للاسف لو مكنتش قدمت قدرات مش هتقدر لاتدخل فنون جميلة ولا تطبيقية لان الكليتين اكتفوا وده تاكيد للخبر ان القدرات اتفتحت لكليات تانية هتعرفها فى اللينك ده وهتتاكد ان الكليتين اكتفوا
http://thanwya.com/vb/showthread.php?t=538962
واى حاجة انا معاك فى الخدمة

جزاك الله كل خير يا باشا ... معلش تعبتك معايا خالص ...
آخر طلب : ممكن إيميلك على الفيس وأنا هابعتلك add ... علشان لو إحتجت حاجة ؟؟؟