ملتقى طلاب الصف الثالث الثانوى (علمى علوم) 2014

[ابانوب ايليا]

المشاركة الأصلية كتبت بواسطة lally adel

بص يا سيدى ..
بالنسبة لبذاكر ازاى دى فلو قريت مشاركاتى اللى فاتت و ردودى على الشباب هنا هتقدر تعرف انا كنت بعمل ايه بالظبط بالتفاصيل كمان ..
اهم حاجة اقدر اقولهالك هى .. ذاكر اول باول و ماتراكمش على نفسك المذاكرة .. حل كتيييييير اوووووى .. الحل عليه جزء كبيير جداااا من تثبيت المعلومة ف دماغك .. تابع مع مدرسينك و بلاش تثق فيهم اوووى .. دور وراهم و خليك على طول فاتح كتاب المدرسة قدامك لان برضه جل من لا يسهو ممكن يكونو عملو حاجة غلط و هم مش واخدين بالهم .. و طبعاااا استعن بالله .. و خليك واثق ف كرم ربنا و ف انه شاهد و مطلع عليك و على تعبك و شغلك و هو وحده اللى حاسس بيك و قادر انه يكرمك .. و على اد ما تتعب بجد هتلاقى ..

اما بالنسبة للسؤال التانى ف انا كنت بتمنى ادخل طب لكن مكنتش واثقة طبعا انى هدخلها لان محدش بيبقى متاكد هو هيقدر يحدد هدفه و لا لا .. كنت عاملة حساب اى نسبة خطا منى او تقدير من ربنا انه مايكتبليش الكلية دى او المكان اللى انا بتمناه ده .. بس كنت بحاول اشتغل على انى اوصل للهدف دة بكل ما اقدر عليه ..

فى صعوبات كتير هتواجهكو و مطبات و تعب و قرف و حالات ياس و ضغط نفسي و عصبي و كل حاجة ممكن تتخيلوها .. بس اعرفو حاجة .. اللى انتو بتمرو بيه بيمر بيه كل طلبة الثانوية العامة على مستوى الجمهورية و مرت بيه الدفعات اللى قبلكو و هتمر بيه الدفعات اللى بعدكو .. اللى بيميز بقى واحد عن التانى هى قدرة كل واحد انه يفضل صامد و واقف على رجليه و انه يفضل يقاوم الصعوبات دى لحد اخر نفس و اهو ع الاقل يبقى يكفيه شرف المحاولة لو لا قدر الله فشل ..
اتمسكو بحلمكو و ثقو ف ربنا و اشتغلو و خدو بالاسباب و ان شاء الله ربنا مش هيسيبكو ابدا ..

ربنا معاكو

طيب يادكتورة بالنسبة للكيمياء والفيزياء والاحياء اللى هما معروفين بالحاجة للحل الكتير
لما اجى احل فى كتاب الامتحان فهل لازم كل سؤال اكتب اجابته ولاممكن اكون عارف اجابته واجاوبها شفوى وبعدين اعمل علامة صح على السؤال على اساس انى جاوبته زى مثلا اسئلة علل وماذا يحدث اللى مش بيكون ليها مكان للأجابة فى كتاب الامتحان وبصراحة بتستهلك وقت جامد علشان اكتب السؤال واجابته فى كشكول خارجى

[lally adel]

المشاركة الأصلية كتبت بواسطة ابانوب ايليا

طيب يادكتورة بالنسبة للكيمياء والفيزياء والاحياء اللى هما معروفين بالحاجة للحل الكتير
لما اجى احل فى كتاب الامتحان فهل لازم كل سؤال اكتب اجابته ولاممكن اكون عارف اجابته واجاوبها شفوى وبعدين اعمل علامة صح على السؤال على اساس انى جاوبته زى مثلا اسئلة علل وماذا يحدث اللى مش بيكون ليها مكان للأجابة فى كتاب الامتحان وبصراحة بتستهلك وقت جامد علشان اكتب السؤال واجابته فى كشكول خارجى

بص انا عن نفسي نصيحتى ليك اكتب بايدك كل حااااااااااااااااجة .. كل الاسئلة .. حتى لو فى سؤالين هتكتبلهم نفس الاجابة برضه اكتبهم .. ليه .. اولا الايد بتحفظ معاك .. فلو مخك نسي ايدك مش هتنسى .. ثانيا انت بتركز اكتر و انت بتكتب .. ف دة هيخلي المعلومة تثبت ف دماغك اكتر .. ثالثا الكتابة هتمرنك على انك تكتب بسرعه و ايدك ماتتعبش من كتر الكتابة و دة انت محتاجه جداااااا ف الامتحانات .. رابعا انت ممكن لما تشوف السؤال تقول شفوى اه دى اجابته هتبقى كذا كذا كذا بشكل مجمل كدة لكن لما تيجي تجرب تكتب الاجابة دى هتبقى متردد شوية اصيغها ازاى و اكتبها ازاى و الكلام دة .. ف الكتابة بالنسبة لى هى احسسسسن طريقة لحفظ المعلومة ف دماغك .. انت لما تكتب بايدك كمان عينك هتحفظ شكل الاجابة بخطك .. فحتى لو جيت بعد كدة تكتب نفس الاجابة دى بس غيرت فيها اى حاجة عينك هتستغرب دة و هتحاول توصل لشكل الاجابة اللى عينك حافظاه " مثلا لو عينك حافظاه ان انت بتكتب اجابة السؤال دة بخط ايدك ف سطرين و جيت انت كتبت سطر واحد بس بعد كدة هتلاقى عينك مستغربة الاجابة اللى انت كاتباها و هتحس انها فيها حاجة ناقصة و هى اللى عاملة الفرق دة " ..
بالنسبة لحوار الوقت .. لما تستهلك وقت كتير ف المذاكرة ف دى حاجة مش وحشة خاااالص .. انت وراك ايه اصلا غير المذاكرة .. ممكن تبقى تستخدم حوار الشفوى دة ف المراجعه اللى قبل الامتحان بتاع اخر السنة لان انت المفروض بتكون خلاص حفظت الاجابة كتابة طول السنة و فعلا ف الوقت اللى قبل الامتحان دة انت محتاج كل دقيقة .. مع ان و الله انا كنت لحد ليله الامتحان بحل بالكتابة ..

لازم تمرن ايدك انها تكتب كتيير ف وقت قليل لان انت محكوم بالوقت ف امتحان اخر السنة و مواد زى العربي و الاحياء و الفيزيا و الجيولوجيا عندكو امتحاناتها بتيجي ملياااانة على حق ربنا .. ف لو مكنتش ايدك متدربة انها تسعفك ف الكتابة بسرعه مش هتسعفك ف الامتحان لا قدر الله ..

ربنا معاكو