الدعوة السلفية تصعّد الهجوم: الإخوان يتاجرون بـ«عورات» النساء ويدفعون الشباب للموت

[انا تلميذ ياباشا]

وقع د. ياسر في اخطاء فاحشة استغربها من رجل في مثل علمه عندما تحدث عن الاسباب القاهرة التى جعلته يشارك في الانقلاب الذي راح ضحيته اكثر 3000 قتيل في مصر ...فما هي الاخطاء ؟
1- قال فيه اخت كلمته وقال ان 15 تاكس مرضيوش يعبروها وهي واقفة .
هنا قبل الشيخ ياسر شهادة امرأة واحدة مع ان الاصل امرأتان ورجل ..علشان الاخت كانت تحتاج حد يعد معاها التاكسيات . ..ولم يسال الشيخ ياسر الاخت هل كان معاها محرم وهي عاوزة تركب التاكس اذ ربما يكون السائق اخ سلفي لا يقبل ان تركب معه سيدة دون محرم ..
وحتى لم يسالها كانت واقفة فين وبتشاور للتاكس موش احتمال تكون واقفة في بلكونة الدور الخامس وبتشاور لاي تاكس معدي ..وتبقي المشكلة عند الست ومصر كلها تدفع الثمن ..
2-الشيخ اضاف للأصول الخمسة للشريعة (حفظ العقل والدين والبدن و المال والنسل ) اصل جديد هو المحافظة على التموين ..عندما شكى له اخ انه قعد ست ساعات في البنزينة ومرضيوش يفولوا له ..ومعرفناش الاخ فول بقي لما سلفيينه عملوا الانقلاب والا لسه في البنزينة مستنى الدور ..
3- ان الشيخ اعتبر حد الانقلاب هو 15 تاكس "وتفويله" وهذا يخالف اقوال كل اهل الارض فاين دليله المعتبر على هذا الكلام..
4- قال انهم خيروه بين انه يتقال عليه خاين او يلبس في الحيط والشيخ تصرف كاي راجل شريف في مكانه واختار طبعا انه يبقي خاين ...
هذا بعض مما وقعت عليه في كلامه الذي برر به مشاركته في الانقلاب ويبرر به اصراراه علي المشاركة مع ان كل اللي شاركوا معاه سابوا الانقلاب وقالوا يا "فكيك" .. وهو الوحيد اللي لسه واخد "الفكيك" في حضنه