«ملخبطة»..! مجدى الجلاد

[أ/رضا عطيه]

منك لله ياجلاد - صحيح واخد من اسمك حبتين

كل دا امتحان محتاج لرد--- يلا ربنا معانا

إجابة اللخبطة رقم (1)

الإعلام عندما انقطعت عنه الكهرباء فرد لها ساعات ومارتاحشى إلا لما ركبوا لهم البرجين فى يومين ---فى حين بلدنا كفر الطمبشاوى عمودين وقعوا من الهوا صلحوهم فى شهرين -- تقدر تقول للإعلاميين والصحفيين اتنازلوا شوية علشان الغلابة ؟ دول عايزين يعملوا مراكز قوى فى البلد ويبقى مع حصانة وحرية بلاحدود

إجابة اللخبطة (2)

فى ناس بتاخد الدعم والبنزين المدعم فى سيارة بملايين زى تكتك بألفين جنيه تقسيط ---- تقدر تقول لهم يتنازلوا عشان الغلابة ؟ هيقلبوا عليك ويمنعوا عنك الإعلانات ويعزلوك من عملك وتلاقى نفسك بتبيع صميت وجبنه على محطة بلدنا فاكرها


إجابة اللخبطة (3)

مثقفين أخر زمن ووافدين إلينا ليكونوا من حظ الحزينة قليلة البخت (مصر )

إجابة اللخبطة (4)

سياسة سيب وأنا أسيب تحت زعم التهديد من الطرفين

دى كانت أيام ماكان المواطن البسيط مايعرفشى جلاد الوطن ولازم تفهم من بتاع البليلة

خلصت خلاص --

إجابة اللخبطة (5)

الشاب اللى ألحد دا نتيجة محاضرات خاصة أعدت له فى الأربع سنوات الأخيرة

يعنى مش محتاج لابحيرى ولاغيره

أما البحيرى وميزو وعيسى فكان لازم يسير هذا الأمر حسب المخطط له بأن تظهر مصر بلد الأزهر وهى فى خلاف قاتل بين علماء الدين ----لكن على مين ؟

إجابة اللخبطة (6)

دى مش لخبطة - دى حقيقة

بلد فى حرب حقيقية ومع هذا تجتهد اقتصاديا واجتماعيا

ومش ناكر للحرب والتضحيات دى غير المنعمين بخيرها وعايشين فى أمان على دماء ولاد الغلابة

يعنى مش الإخوان بس

إجابة اللخبطة (7)

اشمعنا بوابة رقم 5 فى مارينا ---كدا الناس عرفت مكان مصيفك

اللى بيروح الانتخابات الغلابة والوسط وشوية من الباشوات المنتفعين حزبيا أو تعاطفا

أما الباقى ففى الشتا هيتحججوا بالشتا والبرد ولو فى الصيف هيتحججوا بالمصيف

واتضح عمليا إن اللى ودانا فى ستين داهية من أيام مينا هم هذا الكم الكبيييييييرمن الفقهاء فى كل حاجة

إجابة اللخبطة (8)

ياعم اتوكل على الله واشتغل ممثل ---- كان لازم تفهم كدا من زمان

عايز تفهمنا إيه وانت مش فاهم أصلا اللى بيدور حواليك --- طب طالب المذيعين يخفضوا مرتباتهم الأول وبعدين إبقى طالب الممثلين ---تقدر ؟---المرادى هنلاقيك فى الشارع بتبيع بليلة --لازم تفهم وتسكت أحسن حفاظا على اعلانات برنامجك وصحيفتك

إجابة اللخبطة (9)


لو جلاد صح وابن بلد

تشن حملة لتعديل الدستور وتحويل الغير دستورى يبقى دستورى

أو تجريم علاج أى واحد مهما كان طالما ممن الأغنياء على نفقة الدولة

مطلوب حرب على أسعار المستشفيات والعيادات الخاصة

تقدر تقوم بيها ؟

يوووووووووووووووووه هو احنا دايما ننسى الإعلانات اللى بتصرف على الصحف والمرتبات

إجابة اللخبطة (10)

سامحنى
(أنا وإنت ) دى مش متظبطة ---صحيح ممكن تكون وظيفتنا هى الكلام -

فأنا مدرس من 30سنة ومرتبى أقل من مرتب الجناينى أو الطباخ فى بيت حضرتك --

لكن كلامى بقى بلاتمن لأنه يبنى بشر وبتحاسب حساب الملكين لو حصل أى لخبطة ومع هذا بحب البلدى مجانا أبا عن جد


لكن كلامك دائما وزنه ذهب حتى لوكان كله لخبطة وأكيد بتحب البلد دى لأنها بلد تتحب

ولاعزاء للى بالى بالك



وصلنا بسلامة الله --- الحمد لله

[حمدى حسام]

المشاركة الأصلية كتبت بواسطة حمدى حسام

«ملخبطة»..!

مجدى الجلاد الثلاثاء 21-04-2015 21:58
http://www.elwatannews.com/news/details/714609



ملخبطة: «الداخلية» تحلف بالطلاق أنها تحاسب المتجاوزين من الضباط والأمناء بأقصى العقوبات.. بينما ال***** ووفيات أقسام الشرطة تحقق معدلات غير مسبوقة..! والزميلة المحترمة «المصرى اليوم» تشن حملة شرسة ضد «الشرطة» لأن الوزارة ترفض إعادة محرر الصحيفة إلى تغطية أخبارها لوجود قضية فى المحكمة بين الطرفين.. «الداخلية» تحاول «تأديب» صحفى.. والصحيفة ترد بـ«شخصنة الأمر» وضرب كل الضباط لتقول للوزير: سيب وأنا أسيب.. هه..!!

المشاركة الأصلية كتبت بواسطة جدو عبده

إجابة اللخبطة (4)

سياسة سيب وأنا أسيب تحت زعم التهديد من الطرفين

دى كانت أيام ماكان المواطن البسيط مايعرفشى جلاد الوطن ولازم تفهم من بتاع البليلة

جدو ملكى اكثر من الملك اكثر من المتحدث الرسمى باسم الوطن
الله يرحمك يا خالد سعيد
بالصور| عودة "التع ذيب بالكرباج" إلى أقسام الشرطة

بلاغ يتهم رئيس مباحث طهطا بجلد مواطن والوقوف على جسده بالحذاء.. و"اتحاد نواب مصر": مذكرة لـ"السيسي" عن انتهاكات الشرطة كتب : خالد فهمى وهبة أمين الثلاثاء 21-04-2015 16:45
http://www.elwatannews.com/news/details/714357


شهد مركز شرطة طهطا فى سوهاج واقعة ***** جديدة، كشف عنها بلاغ حسن صابر السيد، 38 سنة، سائق بإحدى الشركات، قدّمه إلى المحامى العام لنيابات سوهاج مساء أمس الأول، واتهم فيه الرائد أحمد عزت رئيس مباحث المركز، ب*****ه داخل المركز لمدة 3 ساعات ضرباً بالكرباج هو والمخبرين على خلفية مشاجرة مع أحد الجيران، تربطه صلة قرابة بأحد مخبرى المركز.
وأضاف «حسن» فى بلاغه رقم 215/ 591 سوهاج، أن رئيس المباحث وقف على جسده بالحذاء، وهدّده بـ«قضية مخدرات»، فيما كلف المحامى العام نيابة طهطا بالتحقيق فى الواقعة، وعرض الضحية على الطب الشرعى، لبيان الإصابات الموجودة به وأسبابها وكيفية حدوثها.
وشرح صاحب البلاغ لـ«الوطن» تفاصيل الواقعة منذ بدايتها، ويقول «تشاجرت الجمعة الماضى مع جارى بسبب الخلاف على نظافة الشارع الذى نقيم فيه، واصطحبتنا الشرطة إلى مركز طهطا، وتم عرضنا على النيابة فى الفترة المسائية وأخلت سبيلنا، ثم عدنا إلى المركز لإنهاء الإجراءات، وأثناء انتظار العرض على رئيس المباحث فى اليوم التالى للإفراج عنا حضرت زوجتى وأبلغت عن أن بعض أقارب جارنا أشعلوا النيران فى منزلنا، لكن بعض المخبرين أبلغوا رئيس المباحث بأن هذا البلاغ كاذب، فوجّه إليها السباب بألفاظ نابية وطردها من المركز».
وأكمل «حسن»، قائلاً إنه «أثناء العرض على المباحث طلب المخبرون من رئيس المباحث عدم الإفراج عنى، ووضعوا الكلابشات فى يدى من الخلف وألقونى على بطنى على الأرض، ووقف رئيس المباحث فوق جسدى بالحذاء، ثم ضربنى وعذّبنى بالكرباج لمدة 3 ساعات، وفى الثانية بعد منتصف الليل قال لى: هسيبك تروّح بس لو سمعت إنك عملت حاجة هجيبك وأعملك قضية مخدرات». وقال مصدر بمديرية أمن سوهاج لـ«الوطن»: «سنحقق فى الواقعة ونحاسب من أخطأ والشاكى قدم بلاغاً إلى النيابة، ولم يأتِ إلى المديرية أو يقدم بلاغاً».
وقرّر اتحاد نواب مصر الذى يضم 170 برلمانياً سابقاً، إرسال مذكرة عاجلة إلى الرئيس عبدالفتاح السيسى بشأن تجاوزات بعض ضباط وأمناء الشرطة ضد المواطنين، وإرفاق المذكرة بوثائق وشرائط مصوّرة وسيديهات، جمعها النواب من مختلف الدوائر، ومن المقرر أن يلتقى وفد من الاتحاد باللواء مجدى عبدالغفار، وزير الداخلية، خلال أيام لعرض ملف الانتهاكات وسُبل منعها.