مفاجأة أسئلة إمتحان البحيرة من الأسئلة التى تقيس المهارات العليا فى كتاب الإمتحان

[كريم مختار]

حضرتك متحامل على واضع الامتحان كتير
اى موجه بيحط امتحان لازم يكون جرئ
فيه مدرسين مش بيشرحوا التطبيييقات
فيه مدرسين بييعتمدوا ع التحفظ
فيه مدرسين مش بيطوروا نفسهم
الامتحان فعلا رائع وبيبن مجهود المعلم فى الشرح
فكفيانا امتحانات تقليدية
وشكرا

[مستر أحمد حمدى]

المشاركة الأصلية كتبت بواسطة كريم مختار

حضرتك متحامل على واضع الامتحان كتير
اى موجه بيحط امتحان لازم يكون جرئ
فيه مدرسين مش بيشرحوا التطبيييقات
فيه مدرسين بييعتمدوا ع التحفظ
فيه مدرسين مش بيطوروا نفسهم
الامتحان فعلا رائع وبيبن مجهود المعلم فى الشرح
فكفيانا امتحانات تقليدية
وشكرا

أولا : أنا مش متحامل عليه ولا شئ لا أنا أعرفه ولا هو قاتل أبويا
ثانيا : الامتحان الجرئ يا أستاذنا بيبقى نقطة ولا نقطتين
لكن يبقى 6 أسئلة 4 منهم تطبيقات ومسألتين عليهم جدال حتى بين المدرسين يبقى كتير
أنا من كفر الدوار وبشوف امتحان البحيرة كل سنه
بحكم شغلى وبيبقى كل سنه نقطة واحدة اللى عليها خلاف أو فيها فكرة
لكن السنادى الموضوع زاد عن حده
ثالثا : معاك حق ان بعض الناس مش بتشرح التطبيقات بس أنا شرحتها وراجعتها ليلة الامتحان مع الطلبة
ومع ذلك كثير من الطلبة لم يهتموا بها لأنها فى الاصل معلومات اثرائية
رابعا : الامتحان لا رائع ولا زفت الامتحان صعب جدا على طالب فى 3 ع لم يراجع لقصر الترم التانى
خامسا : المسألة بتاعة القوة الدافعة الكهربية مش موجوده فى كتاب المدرسة منين الطالب يعرف فكرتها ؟؟؟

سادسا والأهم :

حضرتك لم ترد على كلامى بأن الامتحان منقول من كتاب الامتحان وهذا يعنى أحد أمرين
إما الموجة واضع الامتحان متواطئ مع اصحاب كتاب الامتحان واما أنه كسول وسيكوباتى
عشان يجيب أسئلة وصفها كتاب الامتحان نفسه أنها أسئلة تقيس المهارات العليا

أستاذى الكريم

الامتحان له مواصفات الكل يعلم أن واضع الامتحان لم يراعيها
فليس لان الامتحان به أفكار ويبين شغل المدرس الكويس اللى ذى حضرتك
ننسى أنه غير مطابق للمواصفات وأن جميع الطلبة والمتفوقون اشتكوا منه
ولا تقول لى أن الجميع يجمع على خطأ

فربنا سبحانه وتعالى أمرنا بالعدل حتى ولو على أنفسنا