انا اشك.....اذن انا دبوس

[KALITTA]

رااااااااااااااااااااااااااااائع

الشك صفة موجوده فينا جميعا
بس الشك درجاته بتختلف من شخص للاخر
ممكن يوصل بالانسان فى بعض الحالات انا المرض
ممكن يشك فى نفسه فى اهله فى اصحابه وده بيكون مرض اكتر منها صفة
وفى شك بيكون فى حاجات واوقات معينة وده طبيعى
اللى مش طبيعى ان الانسان يكون ساذج وميشكش فى اللى حاولى او فى امكور خاصة باللى حوليه
هنا الموضوع ملوش علاقة بحسن او سوء النية
انما بيكون ليه علاقة بالحالة نفسها اللى بيكون عليها الشخص ده
موضوع جميل
وشكرا ليكى على الطرح

[مروه]

مشكوره فتاة الإسلام
بس انا الحمد لله واثقه فى نفسى جدا (وده مش غرور والله )
لكن مش دايما بثق فى اللى حواليا
وده طبيعى يعنى حد معرفوش اكيد مش هثق فيه
لكن انا عارفه انك تقصدى الناس اللى تعرف بعضها
بس معتش عندهم ثقه فى بعضهم
ودى بقت ظاهره اوى ومنتشره جدا
كان الأول معروف ان الجار افضل من اى حاجه
لكن دلوقتى معتش اصلا ثقه بين الجيران وبعضها
ومثل الجار ده اقرب مثل يعنى
بس حكاية قلة الثقه دى اسبابها كتير اوى
اهمها الحاجات اللى بتحصل الأيام دى
والظروف الصعبه اللى الناس بتعيشها
وتسلمى على الموضوع

[JusT DreaM]

المشاركة الأصلية كتبت بواسطة mohammed.el_sadat

بجد مبقاش فيه حد يستاهل الثقه

لا حبيب نافع ولا صداقه نافعه
ولا حتى الدم " الأخوه "
بقى كله بياكل فى كل من ورى ظهره واللى بيطول حاجه من أخوه بيلهفها

وده بيرجع للظروف اللى إحنا فيها
واللى بيحصل
فلان قتل علان وأخ قتل أخوه أب قتل إبنه إبنه قتل والده زوجه قتلت زوجه
لما الواحد بقى حاسس وهو بيقرأ صفحه الحوادث إنه فى عالم تانى
لما
الواحد بقى بيحس إن لو حد قاله " سلام عليكم " وهو مبتسم أكيد الضحكه دى ورها حاجه مصلحه أى حاجه
ما هو مش هيضحك كده فى وشى لله فى لله

بجد اللى بيحصل قدام الواحد بيخلى الواحد يشك فى نفسه
أنا خلاص بجد تعبت وعشان كده قررت فعلاً أمشى بالنظام ده من فتره طويه
" أنا أشك "
أشك بقه فى أى حاجه

هو ده بأه العادي بتاع الناس
بس مش شايفاها ميزة بصراحة
لانها فعلا مش ميزة
هو المجتمع بتاعنا حكم علينا اننا نبقى كده
والمجتمع بتاعنا ده اللي بيتكون مننا احنا
يبقى احنا اللي حكمنا على نفسنا بكده
شكرا لردك يامحمد
نورت الموضوع

[JusT DreaM]

المشاركة الأصلية كتبت بواسطة mena1990

انا عن نفسى مش بثق فى حد
لانى الحمد لله عمرى فى حياتى ما وثقت فى حد
الا وطلع العكس تماما واخر مرة كانت من قريب جدااااا
بس من ساعتها بدأت اعرف ان انك تدى ثقه لحد ده عبط
بس ده مش يمنع انى متاكده ان فى ناس كويسه بس للاسف قليلين لدرجه
انهم ضاعوا فى وسط الناس التانيه
يلا بقا ربنا يهدى الناس ويهدينى
معلش طولت عليكى بس اصلك جيتى على الجرح

لا يامنه انتي مطولتيش ولا حاجة
وانا مش بقول ندي كل الثقة للناس
كفاية نحسس اللي قدامنا اننا واثقين فيه
وبردو مش لازم نخلي الواحد في نظرنا شيطان لغاية مايثبت العكس
نورتي ياقمر

[Lost Dreamer]

قوليلي سبب واحد ميخلينيش اشك في الناس الي حوليا

ده الشك دلوقتي وصل للمنتجات الغذائيه والهدوم

فطبيعي انتي لما تشكي في حاجه زي كده والحاجه دي انتي بتبقي عاوزاها باستمرار

وكل مره تشكي فيها اكيد خلاص هتتعودي

اختصارا لكل الي فوق انها تقريبا بقت مساله تعود

بالاضافه لكلام السادات

وشكرا لموضوعك القيم

[dr.saeed]

سيدنا عيسى شاف واحد بيسرق ادامه
قاله لم تسرق
قال له
والله لم اسرق
قال ازن صدقت وكزبت عينى
بالله عليكى
هل تنفع تتقال فى العصر دة؟
بالطبع لا
وطبقى الموقف على مواقف كتيرة
موضوع جميل
فى امان الله

[طـفـلـة الامـس]

المشكلة مش فى الشك
المشكلة ان الشك ده بيبقى لا ارادى
ازااى؟!!
اما تبقى قاعدة فى امان الله وتلاقى مرة واحدة حصلك موقف من حد انتى مش تكونى متوقعة منه تصرف زى ده
اولها هاتحسى بصدمة كبيرة جدا فى ان مثل هذا الموقف ازاى يصدر من الشخص ده
بس اول وتانى وتالت مرة هاتعدى وهاتفضلى تتحملى الصدمات والضغوط بس كل واحد له طاقة مختلفة عن التانى
لو كرر نفس الشخص ده معاكى مواقف مشابهة هاتلاقى نفسك خلاص مش قادرة تستحملى اكتر من كده
وبالتالى هايبقى بالنسبة لك متوقعة منه اى تصرف ومش واثقة فيه اطلاقا
بس عارفة حتى لو الثقة دى عادت لنفسك فمش هاتكون ابدا زى ماكنتى بتثقى فيه من البداية
ودى حاجة غصب عننا
جزاكى الله خيرا على الموضوع الرائع

[ayooosh]

السلام عليكم ورحمه الله وبركاته

بصى هو الشك ده اكيد مجاش من فراغ
اكيد الواحد كان واثق فى ناس و هما للاسف مكنوش اهل الثقه دى
بس مش معنى كده ان حنا منثقش فى حد تانى اكيد فى ناس يستاهلوا بس قله
وزى ما اسلام قال الشك ليه درجات بتختلف من شخص لآخر
و مينفعش نبقى عايشيين فى الدنيا ومش واثقين فى حد خالص لازم ندى بدايه حتى للثقه
يعنى ابين للشخص ان انا واثقه فيه وابقى واخده الحذر
وربنا يهدينا جميعا

وشكرا لطرحك الموضوع

[اوركيديا]

انا عن نفسي حاسة ان من احد الاسباب لتفكك ده الشك في كل اللي حولينا
احنا لازم نقدم حسن النية في كل تعاملاتنا مع الناس اللي حوالينا
بجد احنا لو ادينا حد احساس بالثقة
اكيد هيحاول انه مش يضيع الاحساس ده

بصى يا بنتى
انا مش موفقاكى على حته لازم دى

يعنى انا عندى عقل
حد عارفه عنه كلام كتير و انه و انه
يبقى ازاى حثق فيه يعنى
او حتى اقدمله حسن النيه زى ما بتقولى
طبيعى لا

ممكن حسن النيه دى مع حد اول مره اتعامل معاه
ماشى حيبقى الطبيعى انى اثق فيه فى الاول مع التعامل
بس برده
مفيش حاجه اسمها ثقه مطلقه
مهما كان

موضوع جميل يا ايمى

يلا فى رعايه الله

[الشفق الباكي]

يااااااااااااااااه على كده انا ساذجه بقى
بس مفيش حاجه اسمها شك لمجرد الشك اه انا اشك فى الناس لحد معين يعنى درجه معينه بعد كده ابدأ ابنى ثقتى فى الشخص دا والثقه دى اما تزداد وتتكامل ويصبح الشخص دا من الاشخاص اللى بتثق فيها واما كل حاجه بتتهد ويصبح الشخص دا حاجه وحشه فى حياتك بصى احنا بنصادف ناس كتير اوى فى حياتنا تستاهل الثقه بس احنا اللى مابنديش لنفسنا مساحه ان احنا نثق مش زى ماالسادات بيقول لا صداقه نافعه ولا حب ولا اخوه ليه الدنيا معدش فيها خير اللى بيقول كده يبص لنفسه لو لاقى نفسه شخص يستحق الناس تثق فيه يبقى هيلاقى هو كمان حد يثق فيه لو هو شخص مايستهلش ثقه الناس يبقى خساره فيه انه يلاقى حد يبقى جنبه انسان يبقى معاه على الحلوة والمرة دا مثال بس على الردود المتشائمه لازم نبدا بنفسنا نقوم نفسنا نبقى اشخاص الناس تثق فيها وربنا هيجازينا خير بإذن الله يعنى الحمد لله انا بثق فى الناس بس بشك فيهم وياما كتير قابلت ناس ثقتى فيها زادت وناس تانيه لاقيتها ماتستهلش الثقه دى وعادى كل حاجه بتعدى والناس اللى بتحبنا نلاقيها جنبنا ودول اللى يستاهلوا نفكر فيهم مش الاشخاص اللى بيخدعونا دول يدوب نشطبهم من حياتنا
وبعدين هو انتى لسه سامعه انا اشك اذا انا دبوس دى قريب

[the black rose]

هوقولك ليه يا ايمى مش بنثق فى حد
انا واحدة من الناس الشكاكة جدااااا
بس ده عمره ما كان من غير سبب انا كنت بثق فى ناس و اكتشفت انهم ياما كذبوا عليا و الثقة دى كانت موجودة لان المفروض اننا مسلمين و مفيش مكان للكذب و المسلم صادق
بس للاسف ناس كتير مش حاطة اعتبار للكلام ده
بس انا برده مش بكذب الناس بس مش بيبقى عندى يقين بالكلام اللى بسمعه
يعنى ولا بصدق ولا بكذب
ده بسبب الحكاية دى بقيت المحقق كونان كل حاجة لازم افسرها
بس برده فى بعض الناس بثق فيهم لانهم عمرهم ما كذبوا او خانوا منهم امى اللى عمرها ما كذبت عليا فى عمرى كله
و نفسى فعلا نرجع لكلمة المسلم صادق يعنى حتى مش محتاج انه يحلف
ده دلوقتى الناس بتحلف كذب كمان

شكرا يا ايمى عالموضوع

[JusT DreaM]

المشاركة الأصلية كتبت بواسطة شيماء koki

السلام عليكم
أنا فيه مثل أنا مقتنعة بيه جداااااااااااااااااا
وهو حرص من صاحبك ولا تخونوش
هي حاجة كويسة جدا
بتقربك من كل الناس وفي نفس الوقت مش بتخسرك نفسك
وفعلا إن بعض الظن إثم
ومعظم المواقف اللي بنشك فيها في ناس معينة
بيبقى العيب مننا إحنا من إهمال أو غلط بس يعن الواحد المفروض يا خد باله قبل ما يطن ف يحد
وشكرا جدا على الموضوع

عندك حق
شكرا على ردك الجميل نورتي الموضوع

المشاركة الأصلية كتبت بواسطة النجم7610

والله عندك حق

بس انا اساسا من النوع اللى بيضحك عليه على طول

ليه ؟؟؟

بسبب ثقتى اللى بتبقى مش ف محلها

موضوع اكثر من رائع

شكرا على ردك
بس برده في ناس بتبقى مش محل ثقة
وبردو في مواقف لازم بنشك فيها لا ارادي

[JusT DreaM]

المشاركة الأصلية كتبت بواسطة ! MedOo

والله الواحد على قد مابيقد بيحاول يوفق الاية الكريمة دى مع اللى قدامه

الناس اصلا من كتر اللى حصلها ولسة هيحصلها .. وازمن اللى كل فيه (او المعظم ) بقى يجرى ورا مصلحته .. ومحدش بيراعى حد

كل الحاجات الكويسة دى اللى بتخلى الناسى تمشى بشعار " انا اشك اذن انا دبووس "


ووو تسلم ايدك ..

عندك حق
شكرا على ردك
نوررت الموضوع

كلامك صحيح

شكرا

[ZerOo_CodE]

لو مشكتش بصراحه ابقى عبيط


لأن الزمن اتغير


والناس كلها عماله تلعب على بعضها


الموضوع جميل جدااا وواقعى كمان