أهذا هو الحب !

[محمد.فوكس]

اولا احب بس احط ملاحظة .. يا ريت اللي يحط موضوع يلخص و يختصر عشان الناس تقرا الموضوع.
يا معلم .. انا شايف انك بتتكلم عن الcouples اللي مثلا يبقوا قاعدين عالبحر .. اتنين بيتقابلوا مثلا في الكلية و بيحاولو يبانوا انهم couple و ان ده مع دي و دي مع ده.و ده المفروض ميتسماش حب.لانه بينتهي اما بخناقة او مثلا ده يلاقي واحدة احلى او دي تلاقي واحد احلى.
الكلام التهريج ده هو اللي انت قصدك عليه .. و فعلا البنت بتبص للولد بقى على انه دمه خفيف .. .. حليوة..شيك..روش..بيتفرج على افلام رمانسي كتير(مش رومانسي فعلا)..مكيش
و الولد برضه يبص للبنت حلوة .. دمها خفيف .. رقيقة حبتين و عايشة في جو الرومانسية.
لكن في بقى الحب اللي هو عاقل و محترم.. يعني لما الواد يكون يعجبه في البنت شخصيتها و تفكيرها و روحها .. و اكيد الشكل بيبقى جزء من تكوين الانسان اللي مش ممكن نتغاضى عنه.(و العكس صحيح البنت للولد).و كمان مش بيحصل فيه جو الكورنيش و جنينة الاسماك ده كتير.. نادرا.. و كمان الاتنين بيساعدوا او بيشجعوا بعض على الاجتهاد سواء في الدراسة او العمل عشان تحقيق طموح و هدف في المستقبل.
ده بقى بيبقى شيء معقول .. و على فكرة مش شرط ان اي حاجة تحصل في المراهقة تكون من النوع التهريج..بيحصل حاجات من النوع المعقول بس بتبقى قليل و مع الناس العقلة يعني المراهقين العاقلين اللي عندهم رزانة(يعني ولد عاقل و رزين يعجب ببنت عاقلة و رزينة).و برضه يبقى فيه تشجيع و مساعدة على الدراسة و الشغل للوصلو لهدف في المستقبل.
و الشباب و البنات العاقلين اللي عقلهم كبير قليليين بس في كتير هايفين و ملهمش هدف و مقضينها كده اللي ممكن نوصفهم بـ"الذهانيين" عايشين بالبركة كده يبقى اكيد هيبقوا تبع نظام جنينة الاسماك.
بس ملاحظة صغيرة : انا مش في الحالة الاولى ولا التانية.. (مقطع السمكة و دليها انت يا عم pic هو بالمناسبة ايه اصل حكاية السمكة و ديلها دي؟).
"هتقولولي دلوقتي اللي بيته من زجاج ميحدفش الناس بالطوب على اساس يعني اني انا برضه كلامي فيه لت و عجن كتير"