فاكرين القصة دى

[Moon Light_FMAA]

ازيكوا يا جماعة عاملين ايه
فاكرين القصة اللى انا حكيتها لكم انا جاية عشان اقولكوا اخر الاخبار فيها بس ارجوكوا اقرأوها تانى كويس وشوفوا حصل ايه وقولوا ايه رايكوا فيها انا هكتب القصة وتحتيها اخر احداثها
هل هذا جبروت ام انها خيانة ام انانية ام خداع ام ماذا؟؟؟؟؟؟؟؟؟؟؟؟؟؟
قمة الحب ان تحب بل ان تعشق وتنسى الكون من حولك ليبقى حبيبك هو كل الكون بالنسبة لك
قمة الالم ان ترى من تعشق يطعنك من الخلف وانت مخدوع بحبه الذى لا يعقل ابدا انه مزيف
انا هقولكوا قصة حقيقية حصلت لواحدها بحبها جداااااااااااااااااااااااااااااااا ومش عارفة اعملها اى حاجة
بس بطلب منكم طلب عايزاكوا تفسروا لى اللى حصل ده وتقولوا لى لو اقدر اعمل حاجة

كان يحبها بجنون بل اكثر من الجنون بكثير وكان الكل يعلم بحبهما منذ الصغر فلقد نمى الحب معهما وترعرع وكان يزداد يوما بعد يوم انه يحبها منذ ان كانت صغيرة جدا وكان قريب منها جدا نعم فهما اولاد خالة بدات القصة انه كان يحبها جدا وكثيرا ما كان يقول للاقارب ان يوصلوا لها حبه وان يقنعوها ان تحبه فلقد كانت لا تريد سماع اسمه وكانت لا تطيقه فلقد اشاع بين الناس بحبهما وانها له وحده وكثيرا ما صارحها بحبه الى ان انغمرت فى حبه وصارت تحبه اكثر مما يحبها مع انها تعلم انه يتكلم مع الكثير من البنات بل انه ايضا يخرج معهم ولكنها كانت تثق انها الحب الوحيد فى قلبه وكانت ما اروعها من قصة حب ولكن كل شئ جميل لا بد له من شئ يعكر صفاءه فلقد كان اهلها يرفضان ارتباطهما باى شكل من الاشكال مع انهم يعلمون بحبهم المستمر لسنوات عديدة وكثيرا ما اهانوها وحلفوا لها بانها لن تكون له ولكنه كان لا يهدئ فلقد فعل الكثير حتى يرضى اهلها وبعث اليهم الكثير من الاقارب
ليقنعوهم ومضت السنين وهما على حبهما لا يتغير بل انه يزداد كل ثانية وشاءت الاقدار ان وافق اهلها اخيرا حتى لايكسروا قلبها مع انهم يرفضونه لشخصه تماما وما زالوا لايقتنعون به ولكن وافقوا وتمت الخطوبة وكانت ما اجملها من ليلة وكان الاثنا لايصدقان ان كلا منهما للاخر ومضت الايام وهما مخطوبين لبعضهما ولكن ماذا تتوقعون ان يفعل فى تلك الايام هل كانت هذه الايام كتلك الماضية قبل الخطوبة لا انها كانت ايام تعيسة فلقد كان كثير الغضب عليها بدون اى اسباب ولكن كان يتحول احيانا الى حبيب الماضى ذو الكلام الرقيق الذى يذيب القلب ولكنه كان فى الوقت ذاته لازال يتكلم مع البنات ويقابلهم الى ان ينتهوا الى النهاية الماساوية تخيلوا ماذا حدث
انه تركها بدون اى مقدمات وبدون اى زعل مسبق تركها صار لا يكلمها ولا يعبرها حتى برسالة ولا يذهب ليراها تركها كثيرا وكانت تتصل عليه لا يرد وتبعث اليه رسائل فلا يستجيب لها ولا يلقى لها بالا وتركها عدة اشهر الى ان حن واتصل ولكنها لم يتصل على موبايلها ولكنه اتصل على التليفون الارضى ولكن شاء القدر ان ترد هى عليه فتقول له (ازيك يا .......)فيرد فين مامتك فتعطى السماعة لامها ليقول لامها تلك الكلمات القاتلة(كل شئ قسمة ونصيب يا خالتى وما تزعلوش)ثم لا يلبث ان يضع السماعة ويغلق الخط ويتركها لالمها الذى لا يهدأ ابدا وكان يتصل اخوته بهم ويقولون لهم انه لم يرد ان يظلمها نظرا لعلاقاته مع البنات ويقولون لهم لا تفقدوا الامل وادعوا له بالهدايه ويؤكدون لهم انهم لن يكونوا معه الا اذا كانت هى شريكته ولكنها الان معلقه لاتريد ان تفقده وفى نفس الوقت لا يريد اهلها ان ينهوا الخطوبة نظرا لشكلهم امام الناس وهى المسكينة نحل جسمها وصارت لاتنام ولا تهدا من البكاء فقولوا لى لماذا فعل هكذا فيها بعد ان فعل المستحيل حتى يوافق اهلها على خطبتهم هل انه لم يتذكر انه سيظلمها الا الان بعدما صارت تحبه حتى الجنون وبعدما تحدت الجميع من اجله
لماذا ادمى قلبها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟لماذا؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟



ها قرأتوا القصة واليكم النهاية عارفين حصل ايه الحمد لله اتجوزوا من حوالى شهر وشوية وربنا يسعدهم يارب وما تتصوروش فرحة العريس والعروسة يوم الفرح كانت قد ايه
عقبال يارب كل اللى بيتمنى حاجة يحققها وعقبالى انا كمان احقق اللى انا بتمناه زيها امين يارب
عايزاكوا بقى تكتبوا لى رايكوا فى القصة كلها وفى نهايتها معلهش وجعتلكوا دماغكوا استحملونى

[Moon Light_FMAA]

ايه يا جماعة هو ما حدش فاكر القصة ولا ايه على العموم شكرا انكوا عبرتونى ورديتوا عليا

[مصرية وبحب بلدي]

انا مش لاقية تفسير للى حصل
ومش راكبة على بعضيها يعمل المستحيل علشانها
وبعدين يسيبها وفى الاخر يتجوزو طب ازاى
عموما
مرسى على القصة وجزاك الله خيرا على شعورك تجاه صحبتك

[fatakat400]

القصه ضاربه مع بعضها خالص واسمحيلى كنت هحكم على الارتباط ده بالفشل
بس اهه العروسه للعريس والجرى للمتاعيس

[أم عمار قائد الأحرار]

ربنا يبارك فيكبي اختي الكريمه

اولا ربنا يسعدهم ويديم الود والمحبه بينهم ويرزقهم زريه صالحه الهم امييييييييين


لكن ليا تعقيب صغير

البدايه من اولها كانت غلط اصلا
بصراحه انا مش عارفه هو انا اللي فهمت غلط والا ايه بالظبط

[صوت العقل]

حبيبتى اسمحيلى انا قريت القصة ثلاث مرات حاسة ان فيها تناقض غريب
المفروض ان الاهل يفرحوا لما طلب هو الانسحاب مش يبصوا لشكلهم قدام الناس
وفى الحاله دى اثبات لوجهة نظرهم من البداية اما صديقتك كان الافضل ليها انها تسيبه
لان يا عزيزتى مهما كانت الالام الحب مفيش حد بيموت منه لكن الاصعب انها تعيش العمر متألمة منه ومن افعاله
وانا بالنسبة ليا ما بنى على باطل فهو باطل بمعنى ان الاستقرار مش هيدوم لفترة طويلة
وعارفة هو لو بيحبها حب حقيقى كان مش هشوف غيرها مهما كانت البنات كتيرة
على فكرة هو من البداية رفضها اللى خلاه متمسك بيها كتفكير معظم الرجال
اتمنى ان يكون رأى خطأ واتمنى يارب يفضل العروسين مبسوطين بحياتهم
ودايمااااااااااا كل شئ قسمة ونصيب
بس ليا طلب عندك افتكرينى وعرفينى بعد كام شهر لما يجرى بيهم الزمن وتعدى البداية
ويدخلوا على مشاكل الحياة احوالهم ايه
وتقبلى تحياتى وانا اسفة بس كان لازم ااقول رأى بصدق انتى اللى طلبتى

[Dr. Hoda Ahmed]

فعلا كلام ام عمار صحيح بالرغم من تمنى السعادة لهم

لكن ما بنى على باطل باطل ولا اتمنى جعل هذا الموضوع تشجيع على فعل ما يغضب الله

فما قبل الزواج لا يعد حبا وهو باطل اختى

ولكن هنيئا لها ووفقهم الله ورزقهم بالذرية الصالحة

[Moon Light_FMAA]

اولا شكرا ليكوا على الردود
لكن انا حابة افهمكوا حاجة طبعا حب قبل الزواج اللى كان بينهم شريف جدا لانهم اصلا اولاد خالة فبالتالى بيشوفوا بعض كتير لكن عمرهم ما كانوا بيتسلوا هما اصلا كانوا عايزين جواز من الاول اما بالنسبة لموضوع البنات ده بالنسبة لكتير من الشباب امر عادى يعنى زى ما بيقولوا بيعيشوا شبابهم قبل الجواز وبصراحة فيه بنات ربنا يعافينا مستعدين يعملوا اى حاجة وهو اصلا بيحبها بجد جدا لو مش بيحبها وعارف ان هى محترمة ما كانش هيتقدملها ويتجاوزها كان ممكن يخليها زى البنات اللى بيكلمهم بس حكايه ما بنى على باطل فهو باطل هو اصلا ما كانش فيه باطل من الاول لانه تقريبا ما كانش طبيعى لما سابها وهو اكدلها لما رجعوا انه مش عارف حصل كده ازاى وانه عمره ما كان يعمل كده من نفسه وان ده اكيد ما كانش بايديه وفيه اراء بترجح ان حد كان عاملهم حاجة لان فيه ناس كتيرة كانوا عايزينها وفيه ناس كتيرة كانوا عايزينه بس هو الوقتى الحمد لله كويس معاها وكان يوم الفرح سعيد جدا جدا انا ماشفتش حد لحد الوقتى كان سعيد كده زيه يوم الفرح وفى ايام ترتيبات الفرح وكمان ماشاء الله على الحاجات اللى جابها لها واللى عملها لها بقى نفسه يجيبلها حتة من السما وهى بصراحة نعم الزوجة ربنا يسعدهم ويسعد الجميع
لو حد عنده استفسار تانى يقولى
شكرا جزيلا