زغرطى يااللى ماانتيش غرمانة واللهـ ما حد هينفع وابقوا قابلونى

[وردة امل]

بسم اللهـ الرحمن الرحيم


غلبنا كلام عن بنات وشباب الجامعات
فأنا انهارده عايزة أتكلم عن بنات وشباب المدارس
(اللى هما جيل المستقبل) و (اللى هيحرروا غزة والقدس)

واللهـ بسمع بلاوى عنهم ده بلاوى دى هينة

البت اللى متروحش المدرسة الصبح وتروح تقابل الواد بتاعها ولا تصيع مع زميلاتها لحد ما ييجى ميعاد المرواح ولا قدر اللهـ وراحت المدرسة تنط من عالسور زى الولاد

تخيلوا دى؟

البت اللى تلاقيها شايلة فى جيبها علبة سجاير ومقضياها
البت اللى كل همها انها تلبس مسخرة ومحزق وملزق عشان تعجب فلان وتشد علان
البت اللى تخرج قبل معاد الدرس بساعة عشان تلفلها شوية بالتوكتوكـ مع واد صايع

لا وايه تقعدلكـ بالساعات قدام المراية عشان خاطر تتظبط عشان مزها (الهانم فاكرة نفسها عروسة ولا حاجة)

نيجى بقى للشباب اللى هما شباب الجيل
يشرب سجاير ويشم ومش بعيد كمان يطلع بيتاجر

مفيش فى دماغهـ غير انهـ يعلق البت فلانة أصلها عجباهـ وداخلة دماغهـ (شوية وهنقولهم ألف مبروكـ يا مفاعيص)

لا بيفكر فى مستقبل ولا دراسة ولا اى حاجة واهو كمان مقضيها
ويمكن يتخانق مع زميلهـ عشان خاطر واحدة ومش بعيد يقتلهـ ولا حاجة و(ما أكثر المطاوى معاهم)

ده غير طبعا موضة تسقيطة البناطيل اللى طالعين فيها الايام دى (معرفشى يعنى هيعمل اغراء على ايه)


ويقعدوا بال 4 سنين فى السنة الواحدة حتى تشوف أشكالهم تستكبرهم

هما دول بقى جيل المستقبل
هـــــــــــــــــــــــــــــــــــــه
وزغرطى يااللى ماانتيش غرمانة

فكركوا بعد كل ده هيتعدل حالنا؟



الموضوع منقوش

[Dr. Hoda Ahmed]

وانا اللى كنت فاكرة ان الولاد بس اللى بينطوا من ع السور

لكى الله يا مصر لا دول اخرهم يحرروا كشك الجرايد مش دولة فلسطين او غيرها

مهازل والله اللى بتحصل

اه لو كنت قاضى او كان لى سلطة ؟؟

يلا شكراع الموضوع

[EbTeSaM91]

واللة عندك حق ولسة ياما هنشوف من بلاوى بتحصل فى الزمن اللى احنا عايشين فية ربنا يسترها معانا ويهدى ويصلح حال الشباب والبنات شكرا ع الموضوع

[القلب العاشق لله]

والله عندكم حق هو ده الجيل الايام دى ولسه ياما هنشوف من بلاوى وده كل ليه عشن بعيد عن ربنا والله لو هم قريبين من ربنا مكنوش عملوا كده ومرسى على المووووووووووضوع

[صوت العقل]

شكراااااااااا على الموضوع
بس ده بيثبت ان فيه خلل
فى البيت المصرى........ا
الاسر تهاونت مع الابناء
ولازم دى تكون النتيجة...
واكيد ما خفى كان اعظم

[marium ali]

بصراحة اول مرة اشوف بنات بتنط من على سور المدرسة
وطبعا عندك حق فى كل اللى اتقال
ربنا يهدى الجمييييييييييييع
ااااااااااااااامين

[waleed ansary]

شكرااااااا على الموضوع
جزاكم ربى كل خير
وربنا يهدى شباب وبنات المسلمين إلى ما يحبه ويرضاه
امييييييييين يااااااااااااااااااااااااااارب

[عاشق البلانكو الابيض]

هههههههههههههههههههـ
بصراحة اول مرة اشوف كده
هو ممكن ما تروحش من الاول زى ما بتقولى
لكن تهرب من السور
عليه العوض ومنه العوض

شكرا للموضوع الرائغ

[Mr. Ali 1]

التربية هي الأساس الأول وهي أصبحت شبه معدومة , كما أن دور المدرسة تلاشي تماماً , ولا أحد يعلم ماذا سيكون غداً إلا المولي عز وجل .

[H . M]

ايه اللى انا شايفاه دا؟!!!!!

معقوله اللى بيحصل؟!!!!!

انا ياما سمعت وياما شوفت حاجات كتير لكن عمررررررري ماشوفت حاجه زى كده

!!!!!!!!!!
بجد مش عارفه اقول ايه؟؟؟؟
ربنا يهديهم

قولوا آآآآآآآمين

[نجمة الاحزان]

بجد اشياء تحزن
شكرا لكى وربنا الهادى

[احمد رمضان عبد الله]

هاقول ايه حسبي الله ونعم الوكيل

[hanona_nona_awy]

نوووووووووووو كومنتتتتتتتتتتتتت

[نقاء الروح]

انا اسمع عن صبيان نطوا فوق السور
وهربوا .. لكن بنات اول مرة اشوف !!!!!

كل الكلام بيصب فبؤرة وحدة وهي التربية شكلها اتغير
او انو مابقاش فيه تربية من الاساس !

ربنا يهدينا ..
وشكرا ياقمر عالموضوع المهم

[ayid]

شكرا على الموضوع المهم ولدى تعليق بسيط .
ان السبب الاساسى فيما نجده الان ( من وجهة نظرى ) يرجع الى غياب دور الأب والأم فى متابعة الابناء والاهتمام بتفاصيل حياتهم الصغيرة قبل الكبيرة ومراقبة تصرفاتهم ومعرفة اصحابهم ومن يقضون معهم اوقات الفراغ زمتابعة الابناء فى المدارس كما كان حدث سابقا ، قد نقول ان الاباء لهم العذر حيث ان ظروف الحياة الصعبة تجعل الاب والام يبحثون عن اى دخل اضافى ولكن هذا كله عبث حيث ان مسئولة تربية الابناء مقدمة على كل شىء و اننا سوف نسال امام الله عن ابنائنا وكيف وصلوا الى هذه الدرجة واين كنا .