ماذا يقول أطفالنا عن ثورة الشباب ؟

ممدوح مصطفى الانصارى · #1 28-02-2011, 01:53 AM

السلام عليكم
ماذا يقول أطفال مصر عن ثورة الشباب
(ثورة مصر الالكترونية الحديثة)؟؟؟
نماذج من فهم الأطفال للثورة :-
1-
ايه اللى بيحصل ده يا محمد؟
محمد : مظاهرات يا عمو
ليه المظاهرات يا محمد ؟
محمد : علشان حسنى مبارك يمشى
وعاوزينه يمشى ليه يا محمد ؟
محمد : علشان مش بيحبوه
وهو هيمشى يروح فين ؟
محمد : منا قلت لك كل حاجة متوجعش دماغى أنا عاوز ألعب .
2-
ايه اللى يحصل النهاردة ده يا أمنية ؟؟
أمنية : ناس كل شوية يتلموا شويه عاوزين مبارك وشوية عاوزين البرادعى والبلد هيصة وخلاص
وعطلونا عن المدارس.
طيب تختارى مبارك ولا البرادعى ؟؟؟؟
أمنية : مش مختاره حد لانهم كلهم زى بعض
____________________________________
وأعتقد أن جيل الأطفال هم الجيل القادر
على التغير الحقيقى مستقبلا لذا أدعوكم
بمشاركتكم لنتعرف على فكر هؤلاء الأطفال
عسى أن نتواصل معهم فى حب مصر .