الرد على موضوع لؤي وائل الخطيب

[cheap life]

ياريت يا لؤى لما تتكلم عن حاجة سواء انت او غيرك اتكلم بكلام منطقى
مش كل حاجة الوزير او الحكومة العيب فينا احنا مش فيهم الناس لسة متغيرتش ولا اتقدمنا خطوة واحدة بالعكس احنا بنتاخر
اسال نفسك امتى البلد حالها يتصلح
كل واحد يتخيل نفسة انة وزير ويقول هيعمل اية ولا اية فظل مجتمع فاسد
الناس كلها بتجرى ورا الفلوس وبس حتى المدرسين كلهم كل همهم الدروس والفلوس بس
والمدرس اللى بتشوفة مبيرداش يغشش ويعيش دور الاحترام دة الغالب بيبقى ادارى ولو سالتة هيقولك انا مالى انا مبديش دروس
القصة مش قصة مبدأ ولا ضمير القصة بقت حاجة اسمها فلوس الناس كلها بتجرى وراها متجبش الغلط على اخواتك دول بردوا زيهم زيك وياريت كل واحد فينا يغير من نفسه الاول وسبونا بقى من الوزير والحكومة والجيش والحاكم والكلام دة كلو كل واحد حكيم نفسة

[Dr. Hoda Ahmed]

((ان الله لا يغير ما بقوم حتى يغيروا ما بانفسهم ))

ومستحيل الشعب هيتغير والله مهما عملنا ثورات

المهم ركزوا بقى فى امتحاناتكم

ودعوا الملك للمالك

ربنا يستر ع الباقى

[cheap life]

كلامك صح ودة اللى المفروض الناس تفهمة

[لؤي وائل الخطيب]

طيب انت عامل موضوع مستقل ترد عليا فيه !!
ماشي
بص ياباشا , اخواتي اللي زيهم زيي دول لازم يعرفوا ان ديه مسئولية ولو قعدنا نقول على كل حاجة مفيش فايدة
ومش مسأله ضمير ولا مبدأ
لا هي ضمير ومبدأ ولازم نبقى كلنا فاهمين ده ,
إللي خلى النظام السابق يعمل فينا كل ده اننا كنا بنسكت
ولو سكتنا دلوقتي يبقى هيحصلنا اسوأ من اللي فات ...
والغش ده بيضيع تكافؤ الفرص , وكمان بيطلع ناس فاشلة لإن بيبقى واحد مهندس ومش فاهم حاجة او دكتور ومش فاهم حاجة لإنه داخل بدون وجه حق , ربما كان في واحد أحق منه بالمكان ده
بالنسبة بقى لموضوع الوزير انت بتفكرني ببتوع اسفين ياريس
مكانش يعرف
كانوا بيخبوا عليه
ديه مسئولية الوزير , ولو كان في اهتمام من الوزارة كانت الامور اتظبطت
والدليل على كده اني كلمت النهاردة الوزارة اعمل شكوى لقيته متفاجئ ان الغش كتير !!!!
ماتبررش شئ مالوش مبرر المفروض كل واحد يحل اللي يعرفه
لإن الامتحانات برضو مش طلاسم , فيها حاجات تضايق انما مش طلاسم
والدليل على كده ان في اللي بيجيب 100 % بمجهوده , ده بقى يتساوي مع واحد جمع سؤال من هنا على سؤال من هنا ليه ؟!!
بأي وجه حق يعني ؟!
ويبقوا الاتنين في نفس الكلية ليه إن شاء الله ؟
( من غشنا فليس منا )
ماتبررش شئ مالوش اي مبرر
والعيب اللي انت بتقول عليه انه فينا مش الفلوس قد مافي ناس ماينفعش تتعامل غير بالشدة
فبالتالي لازم الالجهة اللي اعلى منهم تشد عليهم علشان يشتغلوا وده اللي احنا عايزينه