|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
23-07-2012, 03:48 PM
|
||||
|
||||
تفاضل وتكامل
بسم الله الرحمن الرحيم
وبه نستعين وعلى صراطه نستقيم بإذن الله انا كنت وعدت باش مهندس محمد طه اني اعمل موضوع عن بعض اساسيات التفاضل والتكامل ولكنّ الوقت لم يسعفني خاصة بعد دخول نتائج الثانوية العامه وانشغال البعض بل الكل بالنتائج فكنت اعرف ان الموضوع لن يلاقي ترحيباً من الناس في ذلك الوقت ولكنّي هنا الآن لأفي بوعدي له. ولكنّي بالطبع لن استطيع ان اجاري ما فعله الباش مهندس والدكاتره ف المجالات السابقه ف الفيزيا والاحياء والرياضه ............................... التفاضل والتكامل من أهم فروع الرياضيات المفيده في كل المجالات من يعمل في مجالات الاتصاالات يجب ان يكون عالماً بالتفاضل والتكامل من يعمل في الحاسبات يجب ان يكون فقيهاً في التفاضل والتكامل طبعاً انا مش هغوص في الماده لأن فهمها هيصعب على ناس اغلبهم لسه ف ثانوي عام بس انا هتكلم عن بعض الاساسيات ال هتدرسوها في الصف الثاني والثالث الثانوي وقد ادخل بشكل بسيط جدا على بدايات اعدادي هندسي ال تخص هذين الفرعين او الفرع الواحد لأنّها سوياً يشكلان علم يدعى علم Calculus التفاضل والتكامل هما عمليتان كل منهما عكسية للأخرى ولذلك سأشرحهما معاً بسم الله توكلنا على الله التفاضل التفاضل لفظ يتلازم معه لفظ اخر هو الاشتقاق ولهما تقريباًَ نفس المعنى مع بعض الاختلافات الطفيفه التي لا تسمننا ولا تغنينا من جوع ومعنى الاشتقاق بشكل مبسط نوعاً ما هو اشتقاق داله من اخرى في حالة التغير اما في حالة الثبات فالداله الصغرى ستساوي صفر بمعنى عندما نشتق او نفاضل س*3 فإن مشتقتها تساوي 3س*2 وسأشرح كيف اصبحت بهذا الشكل اما إن حاولنا اشتقاق الرقم 5 فإن المشتقة ستساوي صفراً دا ليييييه؟ لأن خمسه دا رقم ثابت اما س دي حاجه بتتغير خصوصا لو نظرنا لها على شبكة الاحداثيات فبكل تغير لقيمة ص المناظرة بتتغير س انا عارف طبعاً بعض المفكرين هيقولوا لا س هي المتغير المستقل وال ص هي المتغير التابع معاكم طبعاً بس انا بقول كدا عشان اسهل الموضوع مش اكتر فهمنا دلوقتي امتى هينفع نوجد تفاضل للشيء لما تكون الداله متغيره مش رقم ثابت طيب ازاي بقى نفاضل اصلاً؟؟؟؟ اول حاجه نقولها ان تفاضل دواله مجموعه ع بعضها هو عباره عن مجموع تفاضل كل منهم يعني لو قولت هات تفاضل الداله دي (9س*5+8س+4) هي عبارة عن تفاضل 9س*5 + تفاضل 8س + تفاضل 4 مثلا عندنا اكثر من داله هنقول تفاضلهم ونستنتج منهم ازاي اتفاضلوا مثلا هنقول 5س*8 تفاضلها هو ( 40س*7). 3س2 تفاضلها هو (6س). 9س تفاضلها هو (9). 18س*3 تفاضلها هو (54س*2) 8 تفاضلها هو (0). دي طبعاً عشان قولنا اي رقم ثابت تفاضله ب زيرو نقول بقى العملية دي بتتم ازاي. عندنا داله اسمها أ س*ب حيث أ هو الرقم المضروب في س وب هو الأس فإن مشتقة الداله تساوي أب س*ب-1 حيث أب هو الرقم الجديد المضروب في س و (ب-1) هو الأس الجديد يعني باختصار كل ال بنعمله اننا بنضرب الاس القديم ف الداله ونطرح منه بعد ما نضربه نطرح منه واحد نفتكر بقى الدوال ال كانت معانا ونشوف كلامي صح ولا غلط اول داله كانت 5س*8 قولنا نعمل ايه؟؟؟ نضرب الأس ف الداله ونطرح منه واحد 8 في 5 بتساوي 40 ونطرح من الأس واحد يبقى 7 يبقى الداله تبقى 40س*7 طيب الداله التانيه 3س*2 نضرب الاتنين ف التلاته تبقى 6 ونطرح من الاس واحد تبقى 6س الداله التالته 9س تضرب الاس ال هو واحد ف التسعه تفضل تسعه زي ماهي وننقص من الأس واحد تبقى 9س*0 وأي حاجه أس زيرو بتساوي واحد يعني المشتقه بتساوي 9 الداله الرابعه 18س*3 نضرب الأس ف الداله 18 في 3 بتساوي 54 ونطرح من الاس واحد يبقى 2 تبقى الداله 54 س*2 والداله الاخيره 8 الداله 8 دي تعتبر 8س*0 نضرب الأس ف الداله الأس ال هو صفر وأي حاجه تضرب ف الصفر بتساوي صفر ع طول يبقى المشتقه بتساوي صفر ................ نروح شوية للتكامل وبإذن الله موضوع التفاضل له بقية وهو تفاضل دالتين مضروبتين في بعضهما البعض او مقسومتين او تفاضل قوس لو حبيتوا اشرحهولكم هشرحه بس نشوف التكامل شوية Integration التكامل كما ذكرنا هو عمليه عكسية للتفاضل لذلك اول درس بالتكامل يدعى المشتقه العكسيه طيب ماتيجوا كدا من غير شرح نجيب المشتقات ال طلعناها ونكاملها ونشوف هتطلع ايه اول مشتقه طلعناها كانت بتساوي 40س*7 تكاملها بيساوي 5س*8 +ث حيث ث اختصار كلمة ثابت طيب المشتقه التانيه 6س تكاملها هو (3س*2 +ث) المشتقه التالته هي 9 تكاملها يبقى (9س +ث) المشتقه الرابعه هي 54س*2 تكاملها هو (18س*3 +ث) المشتقة الخامسه هي 0 تكاملها هو (ث) طيب نقول بقى ازاي بنكامل التكامل هو عكس التفاضل او االاشتقاق الطرييقة ال بنكامل بيها لو عندنا داله اسمها أ س*ب تكاملها يبقى (أ/(ب+1))س*ب+1 يعني ببساطه نزود على الأس القديم واحد ونقسم الداله على الأس الجديد طب نفتكر المشتقات ال هنكاملها كدا اول مشتقه 40س*7 اولاً نزود على الأس ال هو السبعه واحد يبقى 8 ونقسم الداله على الاس الجديد ال هو ال8 والاربعين ع 8 بيساوي 5 يبقى الداله بتساوي (5س*8 +ث) شايفك يا ال بتسأل ال ث دي بنحطها ليه كلنا فاكرين الاشتقاق طبعاً حد يقولي هاتلي مشتقة 9س +8 9س 9س+22222222 9س- .5 كلهم كدا لهم نفس المشتقة ال هي 9 فإحن بنكتب ث عشان نقوله ان ف جنب التكامل دا ثابت تاني بس انا ماعرفوش ودا لااااااااااااااازم يتكتب طب واحد بيتذاكى ع نفسه بقى ويقولي طب ماهي 9س مجنبهاش ثابت اهي اقوله لا يا خفيف ماهي اصلاً 9س+0 والزيرو دا عدد طبيعي يعني ثابت بردو .................... طيب نرجع بقى للمشتقة التانيه كانت 6س قولنا ايه نجمع ع الاس واحد والأس اصلا هو 1 نجمع عليه واحد تاني يبقى 2 ونقسم الداله كلها ع الاتنين دي تدينا 3س*2+ث المشتقة التالته هي 9 او ممكن نكتبها كدا 9س*0 حيث أي حاجه أس زيرو بتساوي واحد قولنا نعمل ايه نزود ع الزيرو واحد يبقى الأس الجديد بقى 1 ونقسم ع الاس الجديد دا يبقى الداله بقت 9س +ث المشتقه الرابعه هي 54س*2 قولنا نجمع ع الاتنين واحد تبقى تلاته ونقسم ع التلاته دي و 54 ع 3 بتساوي 18 يبقى الداله الجديده بتساوي 18س*3 +ث المشتقه الاخيره هي 0 ودي قولنا ع طول تكاملها ب ث والمفروض اننا مش عارفين الثابت دا هو كام لأنّه ممكن يكون نفس ال 8 ال كنا كاتبينها وممكن يكون ثابت تاني ....................... كدا انا قولت الأساسيات بس طبعاً وهكمل تاني لو لقيت اقبال او لقيت حد حابب يعرف تاني ودول بقى كام سؤال كدا صغيرين اوجد مشتقة وتكامل الدوال الآتيه ( التكامل للداله ال انا كاتبها مش للمشتقه يا شاطر ) : 28س*6 54س*5 18س*5+9س*2+4س*12 وأتمنى بجد اكون عرفت اوصلكم المعلومه وطبيعي ال درس تالته ثانوي عارف كل الكلام دا بس انا مركز ع ال لسه داخل تانيه وتالته معلش استحملوني. 
|
|
#3
23-07-2012, 04:26 PM
|
||||
|
||||
|
سبحان الله ... بتقولي الموضوع مش عاجبني
يا عم روح دانا أول مرة أفهم حتة تغير س بدلالة ص دي  ربنا يبارك فيك يا باش مهندس احمد والله موضوع يحمل في بساطته الأساسيات السليمة فعلاً كمل على بركة الله وقت ما تفضى خاااااالص براحتك 
__________________
" وإتقوا يوماً ترجعون فيه إلى الله "
الحمد لله على نعمة الإسلام Engineering is my Life 
|
|
#4
23-07-2012, 06:11 PM
|
|||
|
|||
|
چزاكَ الله خيراً =)
|
|
#5
23-07-2012, 06:50 PM
|
||||
|
||||
|
ي سلام فكرتنا ب الرياضه والله ي بشمهندس
ههههههههههههههههه مه إنى بحاول أنساها بس نو واى مينفعش خالص لأنى حبقى محتاجلها جدا كمان شهرين من دلوقتى بارك الله فيك
__________________
<( If You Can Dream It ,, You Can Do It )>
|
|
#6
23-07-2012, 07:28 PM
|
|||
|
|||
|
يا الرياضة دى نزلتنى جامد السنادى انا جايب 44 فيها
|
|
#7
23-07-2012, 10:40 PM
|
|||
|
|||
|
انا عديت سنة تالتة .. يبقا مش مهم اجاوب
الدروس دي كنت شاطرة جدا فيهم من حبي ف دراستهم و الله و الحمد لله الواحد انتكس
__________________
(وَسَارِعُواْ إِلَى مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالأَرْضُ أُعِدَّتْ لِلْمُتَّقِينَ)
صبراً يا نفسي , معنا الله..صبراً يا نفسي فطريقي من نيران :: إلا الحبيب .. يا عُبَّـاد الصليب ::
|
|
#8
24-07-2012, 12:31 AM
|
||||
|
||||
|
جزاك الله خيرا
انا كنت لسة هبدا الرياضة2 بعد العيد و كان نفسى اعرف التكامل فشكرا للمعلومة يا بشمهندس 
__________________
 وإن ضاقت عليك الأرض بما رحُبَت أخرُج وأنظر كيف هي السماء رُفعَت أما علمت بـ أن : الله رافعها !قادر على تفريج الكروب وإن عَظُمَت
|
|
#9
24-07-2012, 10:49 AM
|
||||
|
||||
|
اقتباس:
__________________
يَــــارب أسألـــك أْن تكـــونَ معىَّ وأن تكتــــب لىَّ الخيــــــــر أينمــا كـــــــان
|
|
#10
24-07-2012, 04:14 PM
|
||||
|
||||
|
نورتوني جميعاً يا شباب بجد وربنا يوفقكم جميعاً ياااااااااااارب
|
|
#11
24-07-2012, 04:18 PM
|
||||
|
||||
|
اقتباس:
ممتازه بجد الداله التالته معلش دي غلطتي انا المفروض كانت تبقى 4س بس من غير أس يعني بس اتكتب اس بالغلط من غير تركيز فكان هيبقى تكاملها 2س*2 انما هي غلطتي انا انما انتي حليتي كدا زي الفل تمام اوي حسستيني اني بعرف اشرح  وكويس انك مضربتيش ف 13 وسألتي من غير ما تضربي هو معلومه صغيره كدا بس مينفعش تضربي أي معادله ف رقم إلا لو كانت معادله صفرية يعني الناتج ال قدامها بيساوي صفر ف أي حاجه ف صفر بتساوي صفر بردو او انك تضربي الطرفين سوا ف 13 انما انك تضربي طرف واحد ف 13 فمينفعش لأن الناتج مش هيكون تكامل الداله لا دا هيكون 13 ضعف لتكامل الداله اتمنى تكوني فهمتيني وحاجه تانيه كمان اقتباس:
هم كلهم مع بعض مجموعين ع بعض بيدونا ثابت واحد يعني كلهم سوا ث+ث+ث+ث+ث+ث=ث بس ثابت جديد مختلف عنهم بيساوي مجموعهم سوا اتمنى تكوني فهمتيني كدا آخر تعديل بواسطة 222ahmed222 ، 24-07-2012 الساعة 04:23 PM
|
|
#12
24-07-2012, 04:24 PM
|
||||
|
||||
|
اقتباس:
ممتازه بجد الداله التالته معلش دي غلطتي انا المفروض كانت تبقى 4س بس من غير أس يعني بس اتكتب اس بالغلط من غير تركيز فكان هيبقى تكاملها 2س*2 انما هي غلطتي انا انما انتي حليتي كدا زي الفل تمام اوي حسستيني اني بعرف اشرح وكويس انك مضربتيش ف 13 وسألتي من غير ما تضربي هو معلومه صغيره كدا بس مينفعش تضربي أي معادله ف رقم إلا لو كانت معادله صفرية يعني الناتج ال قدامها بيساوي صفر ف أي حاجه ف صفر بتساوي صفر بردو او انك تضربي الطرفين سوا ف 13 انما انك تضربي طرف واحد ف 13 فمينفعش لأن الناتج مش هيكون تكامل الداله لا دا هيكون 13 ضعف لتكامل الداله اتمنى تكوني فهمتيني وحاجه تانيه كمان اقتباس:
هم كلهم مع بعض مجموعين ع بعض بيدونا ثابت واحد يعني كلهم سوا ث+ث+ث+ث+ث+ث=ث بس ثابت جديد مختلف عنهم بيساوي مجموعهم سوا اتمنى تكوني فهمتيني كدا
|
|
#13
24-07-2012, 05:02 PM
|
||||
|
||||
|
اقتباس:
يعنى هتبقى 3س*6 + 3س*3 + 2س*2 + ث ولا ايه ؟
__________________
يَــــارب أسألـــك أْن تكـــونَ معىَّ وأن تكتــــب لىَّ الخيــــــــر أينمــا كـــــــان
|
|
#14
24-07-2012, 05:08 PM
|
||||
|
||||
|
اقتباس:
جزاني وإياكم وبجد ما شاء الله عليكي عايزين نشوف مجاميع حلوه كدا بإذن الله
|
|
#15
27-07-2012, 05:53 PM
|
|||
|
|||
|
بسم الله الرحمن الرحيم
وبه نستعين
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:01 PM.
