رأي في الامتحان

[احمد صالح محمد]

االسلام عليكم ، انا في اخر سنة بكالريوس هندسة اتصالات
انا شفت الامتحان بتاع التفاضل و التكامل دورت عليه ووصلت لهنا و شفت الاجابة

بأمانة الله ، الامتحان 70% الطالب المتوسط يحله
لكن بامانه عجبتني فكرة التكامل التانية ، دي بامانه خدناها في اعدادي هندسة بانك عايز تعمل اكمال مربع تضيف رقم و تطرح منه نفس الرقم علشان تظبط المسألة .. دي بامانه هي اللي صعبة في الامتحان و اغلبكم متعودش عليها لانك بتذاكروا من كتب افكارها كاتبينها مدرسين مصريين ، الافكار دي موجودة في كتب التفاضل و التكامل اللي باللغة الانجليزية .

و برده مسألة المنحني اللي مفاضل فيها المعادلة مرتين ، بالذكاء كده انت استفدت من التكامل بامانه عارف يعني ايه تكامل ؟؟؟ لما يديليك تفاضل الدالة مرتين تعرف توصل للدالة الاصلية عن طريق التكامل .. زي المسافة تفاضلها تديلك سرعة تفاضلها تاني تديلك عجلة .. تكامل ترجع لحاجة اللي قبلها .. الحاجات دي غايبه عنكم علشان المدرس اللي بيديلك حافظ و بيحفظك برده للاسف .. و المرجع الكتاب المدرسي عقيم في الحاجات دي و الافكار دي موجودة في مراج الرياضيات في الكتب الانجليزية .

و السؤال الخامس ب هو فعلا سؤال تعجيزي للطلبة و لكن افكاره معاكم .. تشابه المثلثات.
انصحك للطلبة اللي داخلين ثانوية عامة من جديد يذاكروا رياضة من كتب انجليزية انا عارف ان الكلام ده هبل بس ده الصح علشان تفهم الاول المادة و تعرف تحل امتحان زي اللي جه ده لانه منقول من كتب الرياضة بتاعت هندسة و نفس الكلام في امتحان الفيزياء لو جه بنفس النظام ده هتلاقيه جاي من اسئلة الكتب بتاعت اعدادي هندسة اللي فيها فهم للمادة .

مسألة التكامل جاية من كتاب Advanced Engineering Mathematics
و في الفيزياء اقرأوا كتاب Serway معروف .. انزل و اشتري الاثنين دول علشان تفهم فيزياء و رياضة !! مش تحفظ

احمد صالح ! واللي مش فاهم حاجه و عايزني اشرحلة يبعتلي ايميله علي الخاص ! و انا في الخدمة !!