عن المنهج الجديد 2016

[mr.احمد عبد الحميد]

زملائى الاعزاء كل التحية والتقدير لحضراتكم
ولكن ما يحدث لمادة الجغرافيا يعتبر اهانة لكل مدرسى الجغرافيا على مستوى الجمهورية
بداية من وضع امتحان به اخطاء ولأول مرة يخرج الطلاب من كل الامتحانات بلا مشكلات الا امتحان الجغرافيا
ومن قبله امتحان الاقتصاد الذى كان بمثابة الضربة القاضية للطلاب بعد امتحان لغة عربية ما اسهله وامتحان لغة انجليزية ما اروعه وامتحان فيزياء لم يشعر به الطلاب ثم الاقتصاد الذى لا يضاف للمجموع يأتى بهذه الطريقة

كل هذا ليس مهم ولكن أن نسمع عن تغيير فى مواد الثانوية العامة وبعدها يعلم كل مدرسى المواد بما تم تغييره فى موادهم الا الجغرافيا حتى الان لم يتم التعرف على حرف من الكتاب الجديد وتستمر المهزلة حينما يكون التغيير فى كل المواد عبارة عن بعض اجزاء من المنهج الا الجغرافيا فيتم تغيير محتوى الكتاب بالكامل وكأنه انتقام من المدرسين الذين لم يمر عام على اجتهادهم فى المنهج القديم لكى يتم تدريسه للطلاب وتبدأ المعاناه من جديد لذا اطلب من حضراتكم اقتراح الحلول لهذه المشكلة التى نعانيها نحن فقط مدرسى الجغرافيا على مستوى الجمهورية
حسبى الله ونعم الوكيل فى كل مستشارى الجغرافيا الذين يعيشون فى جهل تام

[كريم كريم2]

اقترح عمل رابطة لكل معلمي الجغرافيا
يكون لها صوت قوي امام مستشاري المادة الضعفاء
والوزارة ولم الحق في مناقشة كل ما يواجة المادة من مشاكل

[بيومي نصر]

والله كلام كله صح بارك الله فيك

[رمضان عزمي]

معلش دي سياسة اطحن الجغرافيا ورجعها ل13 سنة حرمان تاني وعشان الطلبة تكرها اكتر مهيا كارهاها وفي الاخر يطالبو بحذفها بحجة الطلبة بيشتكو منها وهي دي سياسة دمار التعليم في مصر ا/ حمدي ثابت مدرس الجغرافيا

[عاطف خطاب]

سنة 1998 تحولت مادة الجغرافيا وهى مادة صعبة بالنسبة لطالب الثانوية العامة ( 250 صفحة ) مقارنة بعلم النفس و الفلسفة إلى مادة إختيارية و مع تحول المادة تحول مدرسى المادة للتقاعد و الأستغناء فى المدارس الخاصة أو أعمال إدارية و حصص إحتياط فى المدارس الحكومية واستمر الحال حتى عادت الجغرافيا { كمادة قومية } فى عام 2014 . وطبعآ شوفنا كتاب العام الماضى والمعلومات المكرره فى فصلى تضاريس حوض النيل و موارد المياه و كأن العبقرى اللى ألف موارد المياه لم يقرأ تضاريس حوض النيل .
شوفنا العام الماضى عبقرية فصل السدود و شرحها وكأن طالب الثانوية العامة ده مهندس رى .
هذا العام شوفنا نموذج المستشار البعيد تمامآ عن شكل الأمتحان . شوفنا اللى وضع الأمتحان ولم يقرأ الكتاب و مش عارف المنهج أصلآ . أه فى طلبة حصلت على درجات نهائية بس قلة وده من كرم التصحيح . لكن للأسف مجهود معظمنا ضاع لعبقرية واضعى الأمتحان ورغبتهم فى الأبداع . من الأخر مستشار سنة 98 خرب بيوتنا و الحالى حايكمل علينا .
والأمانة العلمية تفتضى أنتظار الكتاب حتى لا نفقد ثقة الطلاب يعنى لا يجوز الشرح من مراجع تشرح العناوين اللى زملائنا كتبوا عنها باعتبارها المنهج الجديـد و بعدين نكتب مذكرات جديـدة للكتاب المدرسى . والكتاب إن لم يتكرم علينا أحد الزملاء برفعه على الموقع حا يكون معانا نص سبتمبر أمتى نعيد الصياغة واستخراج الأسئلة والربط بين الجزئيات شهر كمان يعنى نص أكتوبر !!!!!!!!!!!! حانشرح ودون إحراج عينك على الورق حتى لا تسقط نقطة هامة . إيه القرف اللى أحنا فيه ده !!!!!!!!!!
أحنا حلاص كبار السن شباب الجغرافيا بقى يفكــــــــــــر فى حــــــــــــل و الكبار معــــــــاكم . وده علشان مستقبل أولادكم و حتى ( لا تخيـيبـوا خيبــتنا ) .

[محمد اوفا]

حسبي الله ونعم الوكيل فيهم

[عمرو نصر3]

أ/ عاطف خطاب
مشكلة الجغرافيا مشكلة لمدرسى الجغرافيا و لاداعى للتدخل فى علم النفس والفلسفة فى مهدوره من زمان

[عاطف خطاب]

أستاذى حضرتك فهمت خطأ أنا أقصد أن الجغرافيا أصبحت اختيارية للطالب يختارها أو يختار مواد كم الكريمة . وتعليقى على صفحة الجغرافيا لمدرسى الجغرافيا . عموما تقديرى لكم

[هادى خالد]

لازم نقف مع بعض ونقابل مستسار المادة وعدم الاستهتار بنا وبطلابنا وكيف نضيع حق طلابنا فى لاامتحان الفاسد للعام الماضى

[الغزالة1]

يجب ان يقف كل مدرسى الجغرافيا معا ضد هذه المهزلة ولابد من تدخل مستشار المادة فالجغرافيا لا تقل اهمية عن اى مادة اخرى بل بالعكس اصبحنا الان نستخدم الجغرافيا فى كل المجالات والعلوم فالجغرافيا تخدم كل العلوم الاخرى

[نادر نادر المغربي]

مستشارى المادة بيعوموا مع الحكومة علشان يدمروا المادة ويهمشوها بعد ما يكرهوا الطلاب فيها ويعقدونا احنا كمدرسين فيها . وبعد كده يلغوها

[علاء سلامة]

نعم حسبى الله ونعم الوكيل

[رنوما]

حسبى الله ونعنة الوكيل