اقتباس:
المشاركة الأصلية كتبت بواسطة Dr / nano
أى حد فى إعدادى صيدلة المنصورة و راح الكلية النهاردة يقول إيه رأيه فى الكلية و المحاضرات
و إيه رأيكوا فى محاضرة الحيوان ؟؟
|
انا رحت النهارده الصبح الكليه وكان يوم لذيذ بس مشكلته بقى كان العدد كبير اوى والجو كان نار والوكيل جه يقول هو كمان التكييف هيدور الهواء وانفلونزا خنازير وبتاع يعنى تقريباً جايبينه زينه كده علشان الجوده دى وخلاص
وبالنسبه لمحاضره الحيوان انا كنت داخل شايل هم مشكله اللغه بقى وانى مش هفهم ولا كلمه والحوار ده بس الحمد لله الدكتور بسط لنا المحاضره وترجم لنا الكلمات الصعبه والواحد عرفله كام كلمه كده زى parasites والكلام ده
بس يا رب بقى يبقى فعلاً بعد كده الاعداد تبقى قليله والمشكله انى فى المجموعه ج ودى تقريباً 600 واحد يعنى تقريباً هنقعد فوق بعض برده
والاسر بقى اللى كل شويه يمسكوا الميكروفون لما وجعوا دماغنا بنفس الكلام هو هواه وكل واحد يدخل يقول نجيب البالطو والادوات والكلام ده من عنده وان هو اللى بيجيب انضف حاجه وكل واحد يقولى هات من حته
بالمناسبه انتوا هتجيبوا البالطو و الادوات والقاموس دول من عند مين ولو فى حد جابهم يا ريت يقول جابهم منين ونظامهم ايه فى ناس قالولى على واحد اسمه هشام مديكال و لما طلعت من المدرج لقيت واحد قاعد كده اللى هم بتوع مكتبه doctors دول اللى وزعوا علينا الجدول الالوان المتظبط ده وقالى على الحاجات اللى معاه وحسسنى انهم اخر حاجه فى السوق برده فانا متلخبط اجيب كل حاجه من عند مين يا ريت تعرفونا
تحياتى
03-10-2009, 06:02 PM
العرض الشجري
