"بوابتنا بين القيل والقال" الحلقة الثانية

[LoOoLy El Treikawya]

أكثر من سبب :
- أنت بالفعل لا تصلح للاشراف .
- الادارة لا تراك تصلح للاشراف .
- الشروط لا تنطبق عليك .

هناك الكثير تنطبق عليهم الشروط لكنهم ليسو مشرفين
بالتالى انا اعترض على النقطة الاولى والثالثة فى الاجابة .. انما النقطة التانية هى دى الاجابة المقنعة وان كان سيتم الرد عليها بسؤال آخر

الإجابة تونس

ههههههههه اجابة صحيحة
مبروووك كسبت معانا عربية وتيشيرت النادى الأهلى 22

المشاركة الأصلية كتبت بواسطة Mr. Ali 1

بقي أن أقول رؤيتي الخاصة لاختيار مشرفي الأقسام
يختلف المشرف من قسم لأخر ولابد وأن يكون اختياره وفقاً لطبيعة القسم , وليس لعدد موضوعاته بالقسم ولا لعدد مشاركاته بالقسم ( الموضوعات غالبيتها منقولة , المشاركات غالبيتها تقليدية ) فمثلاً قسم الخناقات ( من أجل مصر ) يحتاج إلي مشرفين من نوعية خاصة لها دراية بالسياسة والدين والنواحي الاجتماعية في كيفية التعامل مع أعضاء هذا القسم المملوء بالمشاحنات ( وليس الحل في استسهال المشرف في غلق أو حذف الموضوع بدعوي اثارة الجدل , فهذا مسكن وليس بحل ولن يقضي علي هذه المشكلة ) وبالتالي فهذا القسم لا يصلح أن يتم اختيار المشرفين علي أساس الانتخابات ( الانتخابات معظمها طلابية , والطلاب ليس لديهم من الخبرة الكافية في التعامل مع مثل هذه المشكلات الموجودة بالقسم )
نفس الأمر تقريباً ( أقول تقريباً ) ينطبق علي القسم العام , مع امكانية اجراء انتخابات لاختيار مشرف أو اثنين علي أقصي تقدير ولابد وأن يكون هناك أسساً موضوعية يتم علي أساسها ترشح الأعضاء , ولا أري بعض الأسس الحالية ذات جدوي , والدليل علي ذلك ما هو عليه القسم العام ومنذ فترة طويلة !
لابد وأن ينظر في مشاركات هذا العضو المرشح للقسم العام ويلاحظ فيها ما يلي :
- ما هي نوعية الموضوعات التي يشارك فيها ( قد تكون مشاركاته في الموضوعات التافهة ) أو مشاركات تقليدية .
- كيف يعبر عن رأيه ويدلل عليه , وهل الأدلة علي رأيه تتميز بالعقلانية أم بالتهور .
- كيف يكون رد فعله تجاه من يختلف معه في الرأي .
- هل لديه رأي واضح وصريح أم أنه يتلون من وقت لأخر بلا سبب واضح.
- هل مشاركاته تتجاوز المجاملة إلي ان تصل لحد النفاق أم لا .
- هل لديه درايه بكيفية نقل الموضوعات إلي مكانها المناسب أم لا ( هذه مشكلة كبيرة جداً في مشرفين القسم العام وهم يعلمون ذلك جيداً )
- كم عدد الساعات التي يقضيها العضو في المنتدي .
والأمر الهام أيضاً هو متابعة هذا المشرف دوماً وعدم الاكتفاء بتعيينه أو نجاحه في الانتخابات فقط , بل لابد من متابعة عمله ( العمل وان كان تطوعياً , إلا أنه عمل ولابد من الاهتمام به , وعلي من لا يجد في نفسه القدرة علي متابعة عمله أن يترك هذا الأمر لغيره سواء كان هذا الشخص مشرفاً أو ادارياً ) وهذا ما لا يحدث في المنتدي كله سواء مشرفين أو حتي ادارة ( أعني الغالبية وليس الجميع )
بالطبع ما ذكرته , سيراه الكثيرين ضرباً من المستحيل , ولكن هذا هو رأيي . ويمكن المزج بين الخبرة ( عن طريق التعيين ) والشباب ( عن طريق الانتخابات )

كلام تمام جدا
بس لازم المشرف اللى هيكون عنده خبرة لازم فى نفس الوقت ميكونش متعصب لافكاره وبيفرضها على الجميع خصوصا فى قسم زى قسم الخناقات والآراء السياسية

يعنى مثلا كنت بشوف ايام الثورة مشرف متفق جدا جدا مع نظام حسنى المخلوع وضد اى افكار مع الثورة

على ما اعتقد هو حزب وطنى او تبع امن الدولة

كان مالى المنتدى بافكاره ومش مسموح لحد يعارضه فى كل مكان

حتى قسم الابداعات

لكن باقى ما طرحته حضرتك من افكار تمام

وحضرتك نورتنا يا مستر

شكرا

[Mr. Ali 1]

المشاركة الأصلية كتبت بواسطة LoOoLy El Treikawya

ههههههههه اجابة صحيحة
مبروووك كسبت معانا عربية وتيشيرت النادى الأهلى 22

بس أنا عايز كمان رقم فلفل ( فلافيو )
وعايز العربية هامر ( أنا برضي بقليلي )

كلام تمام جدا
بس لازم المشرف اللى هيكون عنده خبرة لازم فى نفس الوقت ميكونش متعصب لافكاره وبيفرضها على الجميع خصوصا فى قسم زى قسم الخناقات والآراء السياسية

يعنى مثلا كنت بشوف ايام الثورة مشرف متفق جدا جدا مع نظام حسنى المخلوع وضد اى افكار مع الثورة

على ما اعتقد هو حزب وطنى او تبع امن الدولة

كان مالى المنتدى بافكاره ومش مسموح لحد يعارضه فى كل مكان

حتى قسم الابداعات

طبعاً أنا عارف انتي تقصدي ايه , لكن أعمل نفسي مش واخد بالي
كلامك صح يا ألاء , لابد من الفصل بين المعتقدات الخاصة وبين الاشراف , والا لن يبقي في القسم الا الموضوعات التي تتفق مع المعتقدات الخاصة للمشرف .
وعلي فكرة الخبرة ليست بالسن فقط ( ممكن يبقي فيه شاب ولديه خبرة اكثر من شيخ مسن )
يعني مثلاً مع انك بنت , إلا ان ممكن يكون عندك خبرة رياضية أهلوية أكتر من ناس كتيرة في المنتدي ( بس مش أكتر مني , لأني من أيام مختار التتش )

[LoOoLy El Treikawya]

بس أنا عايز كمان رقم فلفل ( فلافيو )
وعايز العربية هامر ( أنا برضي بقليلي )

اولا رقم 23 شاحح فى السوق اليومين دول اصل محدش بيشتريه ..
لو على العربية الهامر تحت امرك .. بس اكيد حضرتك بترضى بقليلك عشان تطلب 23 بعد ما فزت بـ 22

المشاركة الأصلية كتبت بواسطة Mr. Ali 1

طبعاً أنا عارف انتي تقصدي ايه , لكن أعمل نفسي مش واخد بالي

خير ما عملت يا مستر .. مع انى آخر ما اتنرفزت قلتها علنى بجد اصل الناس دى حرقت دمى ساعتها

كلامك صح يا ألاء , لابد من الفصل بين المعتقدات الخاصة وبين الاشراف , والا لن يبقي في القسم الا الموضوعات التي تتفق مع المعتقدات الخاصة للمشرف .

هو دة قصدى ودة حصل بالفعل .. احنا طبعا هنحترم آراء الآخرين والمشرف مش مجبر انه يكون محايد بس على الاقل يحترم باقى الآراء وميفرضش رايه على حد

وعلي فكرة الخبرة ليست بالسن فقط ( ممكن يبقي فيه شاب ولديه خبرة اكثر من شيخ مسن )
يعني مثلاً مع انك بنت , إلا ان ممكن يكون عندك خبرة رياضية أهلوية أكتر من ناس كتيرة في المنتدي ( بس مش أكتر مني , لأني من أيام مختار التتش )

ههههههه ماشى يا مستر يعنى انا بقى مفروض ابقى مشرفة قسم النادى الاهلى قول يا مستر انا عارفة ان حضرتك عاوز تقول كدة
انا بهزر على فكرة احلى حاجة انى مش مشرفة بتخانق مع الزملكاوية براحتى

ريلى اسعدنا كتير وجود حضرتك معانا ومتابعة حضرتك للتوبيك .. جزاكم الله خيرا