التعليم بايظ

[ENG.HAGAR]

انا معاكى فى نقد النقطه التانيه
لكن انتى فمهتينى غلط فى النقطه دى يا باشمهندسه
فى فرق كبير اوى لما استخدم الاله وانا عارف انا ممكن احل بأيدى ازاى من غير اله
وانى استخدما لانى مش عارف احل بأيدى
دلوقتى الاطفال والله انا شوفت بعينى مش علرفين قواعد الضرب والقسمه
كل فكرتهم عنها الاله
فانا بقول ان فى الاول يعرفوا القواعد ويحلوا عليها كتير
مش يستخدموا الاله كدا على طول
ودا برضه هيودينا لنقطه تانيه
فى فرق برضه لما استخدم الاله علشان اتاكد ولما استخدمها من غير ما افكر حتى
ممكن دا فى الامتحان اوكـ علشان الوقت
لكن مش فى كل وقت الاله الاله
بجد بتوقف المخ بطريقه عجيبه
انا واحد صاحبى كان معايا من كتر تعوده على استخدام الاله
جت مسأله اخر حاجه فيها كان هيقسم بس 21 / 3
عملها على الاله
لما طالب علمى رياضه يستخدم اله علشان يقسم 21 / 3
يبقى ايــــه ... ؟
متابع..

واى حد يا جماعه عنده رأى تانى عادى احنا كلنا بنتكلم علشان نوصل للرأى الأصح فى النهايه

+11111111111111111111111111111111
كدة احنامتفقين فى النقطة دى لأن فعلا احنا محتاجين انا الاطفال يستخدموا مخهم فى الحساب لكن بعدين افهمهم ان فى وسائل تانية لاجراء العمليات دى وان مخهم يبدع فى انحاء تانية زى العلوم واكتشاف طرق جديدة للحل وغيره
والله على فكرة يا باش مهندس بالرغم انى بستخدم الالة كتير الا انى بعمل عمليات جمع وطرح وقسمة فى دماغى ونتائجها فى الغالب الاعم بتطلع صح !
يعنى علشان نجمل "بضم النون وتسكين الجيم "النقط دى الاطفال يستخدموا الالة من سن الاعدادى لكن فى ابتدائى اعتماد كاامل على وظائف المخ .
جزاك الله كل خير يا باش مهندس محمد ........

والله كلام حضرتك مضبوط جدا أنا تقريبا أول مره أستخدم آله حاسبه كنت في 3 اعدادي وفعلا الآله كتر استخدامها بتوقف المخ عن التفكير . بمعني ان احنا نستخدمها لما يكون لا غني عنها.

مظبوط جداا كدة ان الالة فعلا احنا استخدمناها متأخر وحاسيين انها بتوقف المخ
فى حين والله يا جماعة فى اطفال بيستخدموها ودماغهم كويسة جداا وشطار فى الرياضيات والعلوم التانية ؟! يعنى مش بتأثر بنسبة كبيرة " علشان التعميم بردو " يعنى لو هتأثر هيبقى ليها نسبة صغيرة .
كمان يا باش مهندس محمد انا اتفقت مع الباش مهند محمد c على موضوع ان الاطفال يبدأ استخدامهم للألة متاخر مثلا فى المرحلة الاعدادية وكدة يبقى وسط لا بدرى ولا متأخر .

وبالنسبه لصاحبك اللي بيقسم 3/21 فأنا عن نفسي والله وقت امتحانات الثانويه كنت بتأكد علي الآله من كل شئ والله حتي 2/2 كنت بتأكد منها هنا مش مسألة تفكير, ده توتر مش أكتر.

مظبوط
انا فاكرة انى كنت ساعات اعمل عمليات حسابية بالذات فى الثانوي فى دماغى وساعات بيطلع الحل غلط والمشكلة بيبقى حواليا ناس يقولولى اتأكدى من الالة علشان الدرجات .....
لكن لما بحل لوحدى بتطلع الحلول 100% صح
يبقى هو توتر زى ما حضرتك قولت مش اكتر

جزاكم الله كل خير