1 - ما ناتج التحلل المائى للأسبرين فى وسط حامضى؟
2 - ما المقصود بالسلسلة الكهروكيميائية؟
3 - اكتب الصيغة البنائية لـ : إثير ميثيل فينيل .
4 - علل : يُنصح بتفتيت حبة الأسبرين قبل بلعها ، أو أخذها مذابة فى الماء.
5 - أكمل : يُستخلص الألونيوم كهريباً من خام ......... المذاب فى مصهور ......
6 - اكتب الصيغة الجزيئية لحمض البيوتريك.
7 - علل : يتفاعل حمض السلسليك مع حمض الأسيتيك رغم كونهما حمضان.
8 - اكتب المعادلة التى تعبر عن : تفاعل النشادر مع بنزوات الايثيل.
9 - أكمل : الزيوت والدهون عبارة عن إسترات ناتجة من تفاعل .......... مع الجليسرول.

1 - ما ناتج التحلل المائى للأسبرين فى وسط حامضى؟ >>>> ملغى
2 - ما المقصود بالسلسلة الكهروكيميائية؟ >>>>>>ملغى
4 - علل : يُنصح بتفتيت حبة الأسبرين قبل بلعها ، أو أخذها مذابة فى الماء. >>> ملغى
5 - أكمل : يُستخلص الألونيوم كهريباً من خام ......... المذاب فى مصهور ...... >>>ملغى

1 - ما ناتج التحلل المائى للأسبرين فى وسط حامضى؟
السؤال ده فى الاسترات وهو ملغى
2 - ما المقصود بالسلسلة الكهروكيميائية؟
الباب الثامن : ملغى
3 - اكتب الصيغة البنائية لـ : إثير ميثيل فينيل .
http://www9.0zz0.com/2011/05/29/16/474682798.jpg
4 - علل : يُنصح بتفتيت حبة الأسبرين قبل بلعها ، أو أخذها مذابة فى الماء.
السؤال ده فى الاسترات وهو ملغى
5 - أكمل : يُستخلص الألونيوم كهريباً من خام ......... المذاب فى مصهور ......
الباب الثامن : ملغى
6 - اكتب الصيغة الجزيئية لحمض البيوتريك.
أنا مش شايف انها مستاهلة دي فى كتاب المدرسة بالنص
ch3-ch2-ch2-cooh
7 - علل : يتفاعل حمض السلسليك مع حمض الأسيتيك رغم كونهما حمضان.
لاحتوائه على مجموعتين وظيفتين منهما مجموعة الهيدروكسيل التى تتفاعل مع الأحماض
8 - اكتب المعادلة التى تعبر عن : تفاعل النشادر مع بنزوات الايثيل.
انا حفظت السؤال ده من كتر تكراره فى الامتحانات هو هيديك بنزاميد وكحول ايثيلي
بس هو ملغى برضه
9 - أكمل : الزيوت والدهون عبارة عن إسترات ناتجة من تفاعل .......... مع الجليسرول.
ده من الاسترات وهو ملغى





يا ريت مكنش نسيت سؤال او غلطت فى سؤال

الرابطة بين جزئ hf هيدروجينية

صح المفروض ده ... احنا خلاص حفظنا الكيمياء وبقت اسهل مادة كفاية تشتيت بقه

1 - ما ناتج التحلل المائى للأسبرين فى وسط حامضى؟
2 - ما المقصود بالسلسلة الكهروكيميائية؟
3 - اكتب الصيغة البنائية لـ : إثير ميثيل فينيل .
4 - علل : يُنصح بتفتيت حبة الأسبرين قبل بلعها ، أو أخذها مذابة فى الماء.
5 - أكمل : يُستخلص الألونيوم كهريباً من خام ......... المذاب فى مصهور ......
6 - اكتب الصيغة الجزيئية لحمض البيوتريك.
7 - علل : يتفاعل حمض السلسليك مع حمض الأسيتيك رغم كونهما حمضان.
8 - اكتب المعادلة التى تعبر عن : تفاعل النشادر مع بنزوات الايثيل.
9 - أكمل : الزيوت والدهون عبارة عن إسترات ناتجة من تفاعل .......... مع الجليسرول.





الصيغة الجزيئية لحمض البيوتريك C4H8O2
الصيغة البنائية Ch3-CH2-CH2-COOH

باقي الأسئلة ملغية وشكرا

كيف تحصل على الاسيتون من البروبين؟

شكرا ياجماعة وربنا يوفقكم جميعا

بارك اللله فيكم جميعا

بس انا شايف الاثير ميعتبرش ملغي يا مستر لأن اصلاً مفيش درس للاسترات وده مش موضع امتحان لأنه مش موجود فى كتاب المدرسة

آسفــــة يا جماعة , أنا قصــدي عدده الذري
ماخدتش بالي انه طالب التكافــؤ

انا شايف انك فى السؤال ده لو هتغلط يبقى فى ثلاثة بس
لأن المفروض انك عارف ان hf هيكون اكبر واحد ( عشان الفلور اعلى العناصر سالبية كهربية ) فيهم و h2 هيكون اقل واحد فيهم عشان دي تساهمية نقية
الباقى بقى انت وشطارتك

صحيح هو مش السؤال ده كان فى امتحان 2010 فى السؤال الأول فى اختر

أتفق مع زميلي سمير


هي علينا يامستر نوعها؟؟


دة احنا منهجنا في السبائك محدود جدا


أرجو الرد...

الأول لازم تفرق بين الأحماض و المركبات التى تظهر صفة حمضية
المركبات التى تظهر صفة حمضية مثل الفينول و الكحول
طبعا مش عاوزة كلام الأحماض أقوى حمضية من المركبات التى تظهر صفة حمضية
طيب الأحماض زى إية ؟؟
عندك أحماض غير عضوية و أحماض عضوية أليفاتية و أحماض عضوية أرو ماتية
ترتيبهم إزاى :
طبعا الأحماض المعدنية ( الغير عضوية أقوى) لإنها تتأين تأين تام مثل HCl ---- H2SO4 ------- HNO3
و بعدين الأحماض الأروماتية أقوى من الأليفاتية طبعا عشان الأروماتية عندها حلقة البنزين الساحبة للإلكترونات اللى بتزيد طول الرابطه بين O و H يعنى حمض البنزويك أقوى من الأسيتيك

و طبعا الفينول أقوى من الكحولات لنفس السبب إن الفينول عندة حلقة بنزين .......

إذن الترتيب كدة من الأقوى للأضعف .
حمض الهيدروكلوريك - حمض البنزويك - الأسيتيك - الفينول - الإيثانول

أتمنى تكون فهمت
مع تحياتى أ/ مصطفى عرفات

أرد أنا يا أستاذ مسطفى
إذا كان الحمض قوي
تركيز أيونات الهيدروجين = تركيز الحمض
ph = -لو تركيز الحمض
أما إذا كان الحمض ضعيف
نحسب تركيز أيونات الهيدروجين= جذر (ثابت التأين × تركيز الحمض)
ph = - لو تركيز أيونات الهيدروجين

جزالك الله خيرآ فعلآ أنا كنت بتلغبت مكنتش أعرف أن ده للحمض القوى ودكها للضعيف

كيف تحصل على نترات امونيوم من نترات بوتاسيوم

مظبوط فعلا السؤال دة كان موجود السنة اللى فاتت و شكرا لجميع الطلبة و شكر خاص و تقدير للأستاذ محمد عبد السلام

لسه السؤال ده كان جاي لي في امتحان الدرس


انتي كنتي معايا ولا ايه؟ ههههههههههه



بصي ياقمر من رايي:


نترات بوتاسيوم + حمض كبريتيك مركز طبعا في وجود حرارة = حمض نيتريك + كبريتات بوتاسيوم


وبعد كدة تعملي تفاعل بين حمض النيتريك + النشادر= نترات أمونيوم

2kno3 + h2so4::::::::::::::: K2so4 + 2hno3

nh3 +hno3 ::::::::::::::: Nh4no3

*كيف تحصل على الاسيتون من البروبين؟



بروبين + ماء ----- ( حمض كبرتيك مركز عند 110) --------------2بروبانول

2-بروبانول +اكسجين ---(ثانى كرومات البوتاسيوم المحمضة بحمض الكبريتيك)------- اسيتون

جزاكم الله خيرا على هذا الحوار الرائع

مضبوط يا سمير الإيثير معلومة من الأيوزميرزم بتاع الكحول و إيثير ثنائى الميثيل و كمان فى المجموعة اغلوظيفية

يا اخواني قمت منذ يومين بتحميل 3 دروس كيمياء من قناة الرحمة عن طريق المشاركة رقم 5004 والان بحاول احمل باقي الحلقات لكن للاسف ايقونة التحميل اصبحت غير نشطة !!!!!!! ارجو الافادة ؟؟

مشكور على الأسئلة

إجابر روعة مستر عبد الناصر و حمد للة على السلامة بعد طول غياب

فى دليل التقويم و كتاب الإمتحان درجة إنصهار الخبث منخفضة

و لكن هنا فى الموقع بعض المدرسين الأفاضل قالوا إنها مرتفعة

أحب أسمع وجهات نظركم بعدين نعلق على الردود

فى كتاب المدرسة درجة الانصهار منخفضة

اظن انها منخفضة

بس انا معرفش ليه فهل تعرف؟

شكرا أستاذ محمد

كويس يا جماعة فى تفاعل جيد بس أنا عاوز المزيد و ياريت تفسيرات كمان

سؤال جميل جدا و متكرر فى الإمتحانات

سؤال جميل

بس انا فعلا مش عارفة ارتبه وفيه كلوريد الهيدروجين زى ما مستر محمد قال

شكرا استاذ محمد عرفات
جزاك الله كل الخير

فعلا مستر سيد عثمان يا كبير عدد تاكسد الكربون فى اكسالات الحديد وز موجب 3
عدد تاكسد الكربون بيساوى صفر فى حمض الخليك

المستوى الاساسى السادس يتشبع نظريا ب 72 الكترون
ولكنه فى الحقيقه يتشبع ب 18 الكترون لاحتوائه على المستويات الفرعيه 6s -6p 6d
6s تشبع بالكترونين
6p يتشبع بسته الكترونات
6d يتشبع ب10 الكترونات
ولا يو جد مستوى فرعى 6f
------------------------------------------------------------------------------------------------------------------------

درجه انصهار مكونات الخبث منخفضه لاحتواء الخبث على بعض الاكاسيد القاعديه التى تعمل كماده صهاره تعمل على خفض درجه الانصهار

شكرا وعلى فكرة السؤال طلع سهل بس انا مكنتش مركزة
شكرا يا روحاء شكرا أ/ مصطفى:078111rg3:

كيف تحصل على بنزين اروماتي من حمض البنزويك

محتااجة امتحان 2008

شكراااااااااااا

و لكى جزيل الشكر عزيزتى

أ/ عبد الناصر :
أظن إن مستر فكتور كان قال مرتفعة لأن مكونات الخبث مواد أيونية درجة إنصهارها مرتفعة
أرجو التعليق السريع

ارجو من المدرسين انا يضعو امتحان شبة امتحان الثانوية العامة لنعرف شكلة بس يكون بظبط بالله عليكم

الإجابة الصحيحة 16 أوربتال
السؤال الثانى 7 طبعا :
5 مستويات فرعية يعنى :
1s 2s 2p 3s 3p
مشغولى يعنى غير ممتلئة طبعا 100% كلة ممتلئ ماعاد 3p
3p يكون مشغول بـــ من ( 1 الى 5 ) و 3s بة 2 الكترون
إذن إحتمالات عدد ألكترونات التكافؤ =
ممكن 3 أو 4 أة 5 أو 6 أو 7 بس
فى الإختيارات نختار 7

و لكم جميعا جزيل الشكر

يوجد كتير من الامتحانات فى الصفحة 2 على المنتدى

علي فكره هو السؤال لو جاء بهذه الطريقة لازم يعطينا أرقام عشان فيها hclلكن لو مفهاش يكون الترتيب تصاعديا
ph3<nh3<h2o<hf
زي كتاب البيان ماعامل سؤال بيقول رتب حسب القطبية
hcl,h2,hi,h2o
علما بأن السالبية ل
i=2,5 /cl=3 /o=3,5
h=2,1
أعتقد ان كده الترتيب سهل

جزاكم الله خيراً

علي فكره أنا عرفت الترتيب بتاع السؤال الأول حتي في وجود hcl والترتيب هو
ph3<hcl<nh3<h2oثم hf
في إنتظار الرد

كيف تميز بين
البنتان
ورابع كلوريد الكربون

احد اصدقائى مدرس كيمياء ويطلب منكم اختيار اسم للمذكرة الخاصة به
ارجو منكم اختيار اسم مناسب وجزاكم الله خيرا

أعتقد هنضيف كلور فى ضوء غير مباشر

هيتفاعل مع البتان حيث يحل الكلور محل ذرة هيدروجين ويستمر التفاعل اللى ان تنتهى ذرات الهيدروجين البدول
ولا يتفاعل مع رابع كلوريد الكربون

مذكرة مستر بتاعنا اسمها

شمــس الكيمياء

اعتقد انو اسم كويس اعرضه عليه وقول رايك

ممكن حد يهدينى ويقولى على التسمية دى لان كتاب المتحان عملها غير كتاب الوزارة
انا مش عارف ارسمها
هى حلقة بنزين وفوق كلور وفى الوضع ميتا نيتريت وفى الوضع بارا تحت بروم
مكتوبة فى كتاب المدرسة
1-برومو-4-كلورو-3-نيترو بنزين
وفى كتاب الامتحان
4-برومو-1-كلورو-2-نيترو بنزين

اعتقد انا ان احنا هنضيف ماء البروم علية اذا كان لونة احمر برتقالى بقى رابع كلوريد الكربون ولو معملش الوان يبقى بنتان

بص ياريس هى الحكاية ماشية ان الاصح صاحب اقل ارقام

يعنى لو جمعت 1-برومو -4 كلورو - 3نيترو بنزين

1+4+3 =8

4برومو -1كلورو - 2-نيترو بنزين

4+1+2 =7

بما ان السبعة هى الاقل ف الارقام

يبقى التسمية الاصح 4-برومو -1-كلورو -2-نيترو بنزين

اشتغل بالطريقة دى وهتطلع معاك صح

من فضلك أ\مصطفي نحن طلاب نريد المفيد لان الامتحانات خلاص وصلت نحن نريد المكتوب بكتاب الوزاره ولا نريد اي شئ اخر...........شكراا

مذكرة مستر بتاعنا اسمها

شمــس الكيمياء

اعتقد انو اسم كويس اعرضه عليه وقول رايك

اشكرك على الاسم وسوف اعرضه عليه

طبعا فهمت وشكرا جدا على الاهتمام بس عندى سؤال لسة الاستيك اقةى من الفينول مع ان الفينول اروماتى

درجة انصهار الخبث منخفضة ونستفيد من هذه الخاصية عمليا
في أن الخبث يظل في صورة سائلة فيسهل التخلص منه من فتحة خاصة


وكثافته منخفضة وأيضا نستفيد من ذلك عمليا
في أنه يطفو فوق سطح الحديد فيحميه من الأكسدة بتيار الهواء الساخن



ملحوظة هامة :
درجة انصهار الخبث منخفضة
هذه جملة نسبية بمعنى أنها منخفضة بالنسبة لدرجة حرارة الفرن العالي

الفينول أساسا مش حمض دة بيظهر صفة حمضية ضعيفة لكن مقارنة بحمض الأسيتيك لا أكيد الأسيتيك طبعا أقوى بدليل
عندك تفاعل إسمة كشف الحموضة تمام :
اللى هوة التفاعل مع البيكربونات حمض الأسيتيك هوة اللى بيتفاعل فقط و يعطى ثانى أكسيد الكربون
أتمنى تكون فهمت

ماشى مانا بعمل كدة بس كتاب المدرسة عامل غير كدة
اية بقى العمل
انا عارف ان اللى انت بتقولة صح

شكرا أستاذ عبد الناصر و شكرا مستر محمد
و فعلا درجة إنصهار الخبث زى ما مستر محمد منخفضة مقارنة بالحديد أة بدرجة الفرن العالى
و لكم جميعا جزيل الشكر

ياريت حد من المدرسين الكرام يشرحلى سؤال بتاع ترتيب حسب الحمضية لانى مش عارف افرق بين القوى والضعيف فى الحمضية
الحامضية في منهجنا متنوعة وكثيرة سأختصر لك
أولا : الأحماض الهالوجينية ( الغير أكسجينية )
تزداد الحامضية كلما زاد نمصف قطر العنصر المرتبط بالهيدروجين لسهولة فصل أيون الهيدروجين
HI أقوى من p حمض HBr أقوى من حمض HCl أقوى من حمض HF
ثانيا : الأحماض الأكسجينية
تزداد الحامضية بزيادة عدد ذرات الأكسجين الغير مرتبطة بالهيدروجين
HClO4 أقوى من H2SO4 أقوى من H3PO4 أقوى من حمض H4SiO4
ثالثا : المركبات والأحمض العضوية
فسرها لك الأستاذ مصطفى له الشكر

متشكرة جدا يا مستر

ممكن حد يهدينى ويقولى على التسمية دى لان كتاب المتحان عملها غير كتاب الوزارة
انا مش عارف ارسمها
هى حلقة بنزين وفوق كلور وفى الوضع ميتا نيتريت وفى الوضع بارا تحت بروم
مكتوبة فى كتاب المدرسة
1-برومو-4-كلورو-3-نيترو بنزين
وفى كتاب الامتحان
4-برومو-1-كلورو-2-نيترو بنزين
نحن ملتزمون بكتاب المدرسة
إلى جانب أنه صحيح في هذه النقطة ولقد شرحناها من قبل باستفاضة
أي أن التسمية الأولى صحيحة

كيف تحصل على بنزين اروماتي من حمض البنزويك

محتااجة امتحان 2008
حمض البنزويك ........... تعادل مع هيدروكسيد صوديوم ......... بنزوات صوديوم
بنزوات صوديوم .......... تقطير جاف مع الجير الصودي........... بنزين

ازاى اكون relax ومتعصبش وقت الامتحان ارجو المساعدة:frown:

فى تسمية مشتقات البنزين كتاب المدرسة خطأ لكن لازم نتبعه لذا الأولى هى الحل

أشكرك شكرا جزيلا أستاذ محمد

طيب ممكن تقولى شرحتها باستفاضة فى انهى موضوع عشان اعرف ايه اساس القاعدة فى التسمية دى

العصبية ممكن تيجيلك لو لقيتى سؤال لافف أة أول مرة تشوفية
أنصحك بالحل الكتير جدا حتى لو وقف معاكى حاجة دلوقتى مش مشكلة أحسن ما يوقف معايا فى أخر السنة

إمتحان جيد أ/ محمد و لكن رجاء إمتحانات على المنهج كلة

إجابة غير صحيحة
الحل موجود في الكتاب وسهل جدا وكلنا عارفينه
في إنتظار الردود

وكمان يا مستر لو كتاب المدرسة هو اللى صح
يبقى المفروض
1-برومو-4-كلورو-5-نيترو بنزين
ارجو ان تجاوبنى بسرعو لو سمحت يا مستر عشان الامتحانات على الابواب

على فكرة احنا اتناقشنا فى المشكلة دي من قبل وتوصلنا للأتى :
المركبات الآليفاتية تعتمد على التسمية الأقل فى الأرقام مع ال5 ملاحظات التى تبدأ بهم حلك طبعا

المركبات الآروماتية تسمى حسب الترتيب الأبجدي وكتاب المدرسة هو اللى صح وكتاب الامتحان على فكرة صلحها انا لاحظت ده فى كتاب السنة دي يمكن انت لاحظت العكس

ياريت كل الطلبة و المدرسين يقول إستفادتة من هذا المنتدى

و هبدأ بنفسى :

بصراحة لازم كمدرس أستفيد من خبرات عظيمة مثل مستر : (فكتور - سيد عثمان - محمد عبد السلام - محمد غزال - محمد الطنطاوى - و كثيرون )

أعمالهم مميزة و بنستفيد من بعض

و فى إنتظار ارائكم

بصراحة انا اكتر قسم اعجبت بيه وحبيته كان قسم الكيمياء واستفدت منه كثير جداااااااااااااً بدرجة كبير كأني كنت صفر فى الكيمياء وبقيت عشرة على عشرة

بفضل الأساتذة الأفاضل وخصوصاً اللى شغال معانا علطول مستر محمد عبد السلام
وقسم الرياضيات واللغة العربية اسئلتهم جميلة وبستفيد علطول

على فكرة انا اتفق مع حل ( الشيماء22 )
ولو فى حل تاني كانت أكيد هي هتجيبه لأنها ممتازة حسب علمي ومعتقدش ان الحل ده غلط ومش عشان انت عندك حل فى دماغك يبقى الحلول التانية غلط

رائع يا سمير و ربنا يوفقك و تحقق كل اللى تحلم بية

Take It Easy gay !!!!!
You needn't be worried about our exams .... don't make yourself worry
But remember .... ليس كل ما يلمع ذهباً .....
and remember ..... Don't Burn the candle at both ends

اتمنى اكون افدت

Je souhaite etre un grand chirurgien comme Magdi Yaacoub
I want to be a famous surgeon like Magdi Yaacoub
انا عاوز اطلع جراح مشهور زي د. مجدي يعقوب

طيب ماشى كتاب المدرسة هو اللى صح يبقى المفروض
1-برومو-4-كلورو-5-نيترو بنزين
مش
1-برومو-4-كلورو-3-نيترو بنزين
ولا ايييييييييييييه؟؟؟؟؟؟؟؟؟؟

ممكن اعرف صفحة كام ؟؟!؟؟؟!!!

صفحة 254

شكراااااااااااااااااا

thanks alot

انا عاوزة تحضير الميثان والاستيلين من فحم الكوك
المعادلات
ضروري جداااااااااااااااااااااااااااااااااااااااا
هي سهلة ياريت اللي يشوف الموضوع يهتم ويرد

c + 2 h2 ------------> c h4 ده على ما اظن

بس ديه مش علينا خالص والله أعلم


وبصراحة مااعرفش هل الكربون هيسلك تفاعله مع الهيدروجين طبيعي كدة؟؟


طب لو هو بالسهولة ديه ليه بيتم تحضير الميثان من اسيتات الصوديوم اللامائية؟

انا بجد حبيت هذا الموقع Je suis dur doté de ce site

الله يرحم والدك وموتى المسلمين

طبقا للعالم دافى تستخلص فلزات الاقلاء بالتحليل الكهربى لمصهور هاليداتها لارجاع الالكترون المفقود للايون الموجب عن طريق القطب السالب

..ايهم اطول فى طول الرابطة ؟ ولماذا ؟
( كلوريد حديد 11 \ كلوريد حديد 111؟

كلوريد حديد ثنائي وذلك لزياده نصف قطر ايون الحديد الثنائي عن الثلاثي وذلك لزياده الشحنه الموجبة في الايون الثلاثي وبالتالي زياده جذب الكترونات التكافؤ وبالتالي نقص نق

شكرااااااا

شكرا ليكى وربنا يوفقك

أحسن موقع شوفته على الاطلاق

خاصة قسم الكيمياء
كل مدرسى هذا القسم شغلهم رائع جدااااااااااااا

أقدم خالص شكرى ليهم ربنا يجعل كل حرف بنستفاده فى ميزان حسناتهم باذن الله

ربنا يوفقك يا رب يا سمير

وتكون افضل من د/ مجدى يعقوب وتبقى جراح مصرى مسلم

وترفع راسنا بيك بس متنسناش ولا تنسى المنتدى دا

أولا : ميرسى خالص يا سمير

ثانيا : انا مش متاكدةمن الحل بس أعتقد انو صح ومش عارفة اقول حل تانى ايه غيره

اقولك مثلا ان البروم يذوب فى رابع كلوريد الكربون ولا يذوب فى البنتان وبيكون لونه أحمر .... ؟ مش عارفة بصراحة

أتمنى انى اعرف الحل الصحيح وجزاك الله خيــرا

كنت عاوزه اعرف انت عملت ايه فى الامتحان يا يوسف؟

والاجابات دى طلعت صح ولا لأ ؟؟

مصهور كلوريد الصوديوم

ياجدعان التسمية اتغيرت والله
والاستاذ بتاع الدرس قالهلنا والاستاذ بتاع المدرسة
وكل الاساتذة مش استاذ واحد
وانا قلت قبل كدا مش عاف الناس مش مصدقة ليه
عموما الى عليه انا عملتوا ..

ما شاء اللة ربنا يوفقكم كلكم إن شاء اللة
و فى إنتظار اراء السادة المدرسين

ايوه ياجماعة أنا متفق تماما مع الشيماء ومع سمير لأن رابع كلوريد الكربون لو عملتله هلجنة فى ضوء شمس غير مباشر مش هيحصل حاجة لأن وظيفة ذرة الهالوجين سواء كلور أو خلافه هى ان تحل محل ذرات الهيدروجين فى الالكان وبما انه مفيش ذرات هيدروجين يبقى مش هيحدث تفاعل أما البنتان او البيوتان او اى الكان تانى هيتفاعل مع ذرة الهالوجين الى ان تستنفذ منه ذرات الهيدروجين تماما

ارجو اكون وضحت وجهة نظرى انا وزملائى

أقدم لكم كتاب الأضواء فى الباب الاول

اختر الاجابة
1-اكبر وحدة كتلية للنيتروجين هى كتلة
(مول واحد -جرام واحد-ذرة واحدة - جزئ واحد )
2-عدد المستويات الفرعية فى المستوى الخامس هو
(2-3-4-5)
3- قيمة ph للمحلول الذى يحتوى على اقل تركيز من oh هو
(1-7-10-14)

اختر الاجابة
1-اكبر وحدة كتلية للنيتروجين هى كتلة
(مول واحد -جرام واحد-ذرة واحدة - جزئ واحد )
2-عدد المستويات الفرعية فى المستوى الخامس هو
(2-3-4-5)
3- قيمة ph للمحلول الذى يحتوى على اقل تركيز من oh هو
(1-7-10-14)

بالتوفيق والنجاح

متشكر جدااا يا مستر ...

حد يجاااااااااااااااوبنى؟

اختر الاجابة
1-اكبر وحدة كتلية للنيتروجين هى كتلة
(مول واحد -جرام واحد-ذرة واحدة - جزئ واحد )
لأن المول ده يتكون من 6.02 × 10 اس 23 ذرة او جزئ
انما الجرام دي مستبعدة طبعاً

2-عدد المستويات الفرعية فى المستوى الخامس هو
(2-3-4-5)
احنا عرفنا ان عدد الالكترونات فى اى مستوى لا يزيد عن 32 يعني 4 مستويات بس وانت بتوزع علطول مش محتاج تسأل يعني

3- قيمة ph للمحلول الذى يحتوى على اقل تركيز من oh هو
(1-7-10-14)
صراحة انا مش فاهم السؤال هو اقل تركيز للهيدروكسيل ده عدد معين مثلاً ولا ايه


مستنى مستر سيد يشرحلي الأخير

يجاوبك على ايه هو لسه فى سؤال تاني

شكراً كتير يا مستر مصطفى بس انا شايف ان الكيمياء كتاب المدرسة فيها مش محتاج جنبه مساعد ^_^

ربنا يوفقك يا رب يا سمير

وتكون افضل من د/ مجدى يعقوب وتبقى جراح مصرى مسلم

وترفع راسنا بيك بس متنسناش ولا تنسى المنتدى دا

انا يا شيماء فعلاً نفسي فى كده بس بسمع كتير انك لما بتروح الكلية احلامك بتتحطم هههه بس والدي ووالدتي بيشجعوني
وانا مش ممكن اسيب المنتدى مش فى قسم كليات برضه

:040vk0:مبتدا من كحول اولى كيف تحصل على كحول ثانوى والعكس ؟

:friendsxs3:الرابطة فى ساق من النحاس رابطة 00000000000000

:confused: من سكر السكروز كيف تحصل على الحديد؟

من الكحول الأولي هنجيب الكحول الثانوي ::: عارفين ان الكحولات الثانوية بتدأ من 3 ذرات كربون
يبقى هنبدأ بـ 1-بروبانول

(1) من 1 بروبانول هنجيب : 1 بروبين عن طريق تسخينه عند درجة 180 فى وجود حمض الكبريتيك المركز
CH3-CH2-CH2Oh ---- H2SO4 / 180 -----> CH3-CH=CH2 + H2O

(2) نعمله لـ ( 1 بروبين ) هيدرة حفزية فى وجود حمض الكبريتيك عند درجة 110 يعطينا 2 بربانول ( كحول ثانوي )
CH3-CH2=CH2 + HOH ----- H2SO4 / 110 ------> CH3-CHOH-CH3

وكان ينفع نطول شوية باننا نفاعل ( 1 بروبين ) مع كلوريد الهيدروجين وبعدها من محلول البوتاسا الكاوية والتسخين بس الاختصار دايماً أفضل


..............................

نيجي للعكس

(1) احنا هنبدأ بـ 2 بروبانول نعمله تسخين عند درجة 180 فى وجود حمض الكبريتيك يعطينا 1 بروبين
CH3-CHOH-CH3 ----- H2SO4 / 180 -----> CH3-CH=CH3 + H2O
(2) ندخل على الهدرجة وهنستعمل مول هيدروجين عشان نجيب بروبان
CH3-CH=CH3 + H2 ----- Ni -----> CH3-CH2-CH3
(3) ندخل على الهلجنة فى غياب ضوء الشمس عشان نجيب 1 كلورو بروبان
CH3-CH2-CH3 + Cl2 -----darkness-----> CH3-CH2-CH2CL + HCL
(4) ندخل عالتفاعل مع البوتاسا الكاوية المائية ونسخن شوية
CH3-CH2-CH2CL + KOH(aq) ------heat-----> CH3-CH2-CH2OH + KCl

وكده نبقى جبنا اولي من ثانوي

:039uw8:
اوجد ثلاث متشاكلات C4H9Brاوجد الثلاث متشاكلات؟
وماناتج تفاعل كلا منهما مع بوتاسا كاوية مائية؟
وماناتج اكسدة النواتج بواسطة برمنجنات البوتاسيوم؟

:confused: من سكر السكروز كيف تحصل على الحديد؟

هو انا عارف حل بس طويل شوية هكتبه وأمري لله

(1) طبعاً هنبدأ بسكر السكروز هنحول لجلوكوز وفركتوز بالتحلل المائي
C6H12O6 + C6H12O6 -----تحلل مائي----- C12H2O11 + H2O
(2) هنحوله لكحول ايثيلي
2C2H5OH + 2CO2 -----انزيم الزيميز / فطر الخميرة ----- C6H12O6
(3) هنحوله لايثيلين
C2H5OH ----H2SO4 / 180 ----- C2H4 + H2O
(4) هنحوله لايثيلين جليكول
C2H4 + (O) + H2O ----KMnO4--- CH2OH-CH2OH
(5) هنأكسده اكسدة تامة نجيب منه حمض الاكساليك
CH2OH-CH2OH + (O) -----KMnO4---- HOOC-COOH
(6) هنفاعله مع الحديد نجيب اكسالات الحديد II
HOOC-COOH + Fe ----- (COO)2Fe
(7) نعملها تسخين بمعزل عن الهواء نجيب اكسيد الحديد II
اكسالات الحديد ---- تسخين بمعزل عن الهواء ---- FeO + CO+ CO2
معلش المعادلة تاني عشان مش عارف اكتبها
(8) نأكسده ونجيب اكسيد الحديد الثلاثي
FeO + [O] ----- Fe2O3
(9) نعمل معادلة الفرن العالى او فرن مدركس
4Fe + 3CO2 + 3H2O -----اعلى من 700 ---- 2Fe2O3 + 3 Co + H2

اوف انا طلع روحي والله

الرابطة فى ساق النحاس رابطة فلزية ( وعلى وزنها بقه ساق خارصين وغيرها من الفلزات )

ومعلش يا سامح متعملش كل سؤال فى موضوع جمع اسئلتك واعملها كلها فى موضوع واحد عشان متدوخناش معاك

فين الاسماء

اوجد ثلاث متشاكلات C4H9Brاوجد الثلاث متشاكلات؟
http://www10.0zz0.com/2011/05/31/08/487568284.jpg

وماناتج تفاعل كلا منهما مع بوتاسا كاوية مائية؟
1- تفاعل المركب رقم (1) مع البوتاسا الكاوية المائية يعطي 1- بيوتانول ( كحول أولي ) و بروميد البوتاسيوم
2- تفاعل المركب رقم (2) مع البوتاسا الكاوية المائية يعطي 2- بيوتانول ( كحول ثانوي ) و بروميد البوتاسيوم
3- تفاعل المركب رقم (3) مع البوتاسا الكاوية المائية يعطي 2-ميثيل 2بروبانول (كحول ثالثي ) و بروميد البوتاسيوم

وماناتج اكسدة النواتج بواسطة برمنجنات البوتاسيوم؟
أكسدة الكحول الأولي 1-بيوتانول تعطي حمض البيوتانويك
أكسدة الكحول الثانوي 2-بيوتانول تعطي CH3-CH2-CO-CH3 ده كيتون وانا معرفش اسمه
عند أكسدة الكحول الثالثي 2-ميثيل 2بروبانول ، لا يحدث تفاعل ولا يزول لون البرمنجنات لأن الكحول الثالثي لا تتصل بذرة الكاربينول فيه بذرة هيدروجين لذا لا يحدث أكسدة

انا فى أسماء مذكرات عبرت عليا كتير

كنوز ، النور ، الأوائل ، الأول ، التفوق ، طريق العلم

لو عبر على اسماء تانية هذكرها

يا حازم انت متعصب ليه يمكن الأخ مكنش معانا ساعتها وبعدين يا عم مش مشكلة لما تكرر القول تاني وبعدين انا مش شايف حاجة فى صفحة 254 الا معادلة مركبات عديد كلورو ثنائي الفينيل

فين التسمية الغلط بقه !!!؟؟؟

على فكرة يا رودي السؤال ده واحد سأله قبل كده بس كان على هيئة علل حاولي تتصفحي الموضوعات القديمة متثبتيش عالصفحة الأولى ;)

الحل (تجربة الكشف عن الكربون والهيدروجين في مركب عضوي )
المركب العضوي+اكسيد النحاسيك
تمرر الأ بخرة والغازات الناتجةعلي كبريتات نحاس بيضاء إذا تحولت الي اللون الأزرق دليل علي وجود الهيدروجين
هذا هو البنتان
ولكن إذا لم تتحول هذا هو رابع كلوريد الكربون لأنه لا يحتوي علي هيدروجين

والله انا مشجعش الحل ده لأن رابع كلوريد الكربون ده بيتهيألى انه مركب عضوى

انا عاوز اعرف حاجة انا كمان اكسدة الايثيلن جليكول مش علينا يا جماعة احنا علينا اكسدة الكحولات الأولية فقط

يا ريت تجيبوا حاجات من جوا المنهج وبلاش فلسفة ايام الامتحانات قلنا ؟؟؟؟!!!!
بس الشيماء ممتازة وانا عارف انها هتتغاظ لو مجاوبتش عالسؤال ( رغبة كل الممتازين فعلاً )

١- كيف تحصل علي نترات الأمونيوم من نترات صوديوم
٢-أكتب الصيغة البنائيةل
إيثيل بيوتين
٣-عرف لهب الأكسي أستلين

1/ نفاعل نترات الصوديوم مع هيدروكسيد الكالسيوم ينتج نشادر تفاعل النشادر مع حمض النيتريك ينتج نترات الامونيوم

1- 2NaNO3 + H2SO4------heat-----Na2SO4 + 2HNO3
NH3 + HNO3 -------NH4NO3

2- CH2=C-CH2-CH3 بس نحط علي ( C ) مجموعة ايثيل ( CH3-CH2 )

3- لهب الاكسي استيلين هو اللهب الناتج من احتراق الايثاين ف الهواء الجوي ويستخدم ف لحام وقطع المعادن

أنا عارف انه مركب عضوي يا سمير ولكن لا يحتوي علي هيدروجين
إنت لو كملت بقية التجربة ومررت الناتج من تسخين كلا المركبين علي ماء جير رائق سوف يتعكر في كلتا الحالتين
لكن لو مررت الناتج من تسخين كلا المركبين علي كبريتات نحاس بيضاء
مرة هتتحول الي اللون الأزرق ومرة تبقي كما هي اول مرة هتتحول دليل علي وجود الماء
فاذا كان الأكسجين من أكسيد النحاس فإن الهيدروجين من المركب العضوي
والمركبين البنتان هو الذي يحتوي علي هيدروجين

أرجو ان أكون أوضحت الأجابة يا سمير
في إنتظار ردك

2/ اربع ذرات كربون و رابطة مزدوجة بين الاولى و الثانية و الايثيل على الى واحدة فيهم او رابطة مزدوجة بين الثانية و الثالثة

اجابه زي الفل

أعتقد والله أعلم اجابة مداح أحمد صحيحة

ممكن انت كتابك غير كتابى
بص هات تسمية البنزين ايوباك شوف هى صفحة كام
وبعدين بص على رقم 3
مركبات عديدى الاحلال

ياااه انا كنت حاسة انى ضايعة خالص

وبعدين هو كل شوية حد يخش يقولى احنا اتناقشنا فيها قبل كدة
ماشى انتو اتناقشتوا وانا مكنتش معاكو
اللى مش عايز يرد عليا ميردش هو ايه اللى مزعلوه يعنى
بس يقلى اتناقشوا فيها فى انهى موضوع عشان اروح واشوفها لانى استحالة هلقيها انا لوحدى
وشكرا يا معلم سمير على الاهتمام بتاعك

ايوة ياباشا
مادام اقل تركز من 0h
يبقى اعلى تركز من h
يبقى اكيد المحلول حمضى قوى
وامتى يكون حمضى قوى لما يكون ph =1
اى خدمة يا كبير

شكرا بس طويل شوية

ركز فى الاجابة دى:-
1-نعمل تحلل مائى لسكر السكروز ثم تخمر ونحصل بذلك على كحول ايثيلى.
2- اكسدة الكحول مرتين تعطى حمض الاستيك .,
3- حمض الاستيك يتفاعل مع الصودا الكاوية ويكون اسيتات الصوديوم .
4- تقطير جاف يعطى ميثان.
5- تسخين الميثان مع بخار الماء عند 725 يكون الغاز المائى .
6- الغاز المائى يتفاعل مع الهيماتيت ويكون الحديد.

برافوووووووووووووووووووووووووووو عليك

:040vk0:سؤال
الربطة بين جزيئات الماء 00000000000و000000000000000 من الرابطة فى جزىء الماء

:039uw8:

من كربيد الكالسيوم كيف تحصل على كربون ؟

بين جزيئات الماء هيدروجينية


في جزيء الماء تساهمية قطبية

:av4056bb7jp3:
مبتدا من الكحول الايثيلى كيف تحصل على حمض الفورميك ؟

تنقيط ماء على كربيد الكالسيوم = استيلين + هيدروكسيد كالسيوم

ممكن تحوله لايثان عن طريق هدرجة وبعد كدة تعمله نزع هيدروجين عن طريق تفاعله مع الكلور في وجود ضوء الشمس المباشر

والله أعلم

كحول ايثيلي تعمله أكسدة= حمض الاستيك

تعمل تعادل لحمض الاستيك مع هيدروكسيد صوديوم= اسيتات الصوديوم + ماء

تعمل تقطير جاف لاسيتات الصوديوم في وجود الجير الصودي= ميثان + كربونات صوديوم

تفاعل استبدال للميثان في وجود ضوء شمس غير مباشر طبعا مع الكلور = كلورو ميثان + حمض هيدروكلوريك

كلورو ميثان + بوتاسا كاوية مثلا = كحول ميثيلي وكلوريد بوتاسيوم

كحول ميثيلي تعمله أكسد = حمض فورميك

شوف الاجابة سهلة خالص ولاسف دى اسئلة الامتحاتات :-
كربيد الكالسيوم نفاعلها مع النيتروجين فينتج كربون وسيناميد الكالسيوم

لاسف الاجابة خطا

:av4056bb7jp3::049gc0::040vk0:الاجابة :-
اطول واضعف

هو دة أكمل؟؟


يافندم ماتقول انه اكمل

فكرت حضرتك بتسأل ايه نوع الروابط

فكرة برده


...


بس ده مايمنعش صحة فكرتي


ولا ايه؟؟

انا اتفق الى حد بعيد مع زميلي أحمد


مش لحاجة غير لان سؤال التمييز بيتطلب انك تشوف بعينك حاجة او تشم رائحة مميزة


واجابة الشيماء مش هنقدر نشوف منها حاجة مميزة


وماينفعش نميز بين حاجتين اني اقول دة يتفاعل ودة لايتفاعل


دة رايي والله أعلم


بس شايفاه سؤال بعيد وغريب

على فكــرة ياسميــر :
انت استعملت الحديد في المعادلة السادسة , تذكر أنك تريد الحديد !

انا والله بجد بمعنى الكلمة استفدت جدا من المنتدى دة سواء من المدرسين او الطلبة


روح التنافس بيننا روح جميله اوي وروح مساعدتنا لبعض


المدرسين رائعين بجد وسريعين جدا في الاستجابه

افضل قسم قسم الكيمياء بعد كدة الفيزياء

وبجد كنت اتمنى كل الاقسام تكون زي قسم الكيميا في تعاون الطلبه مع المدرسين

وشكرا خاص لجميع المدرسين بجد

وشكرا لحضرتك يامستر ع الموضوع

ويارب يحقق لينا كلنا كل أحلامنا ....

المنتدى بجد جميل وكلنابنستفيد من بعض والله ياجماعة انا نفسى ابقى دكتور بس اناخاييييييييييييييييييف اوى من الامتحانات وعايز اعرف راى المدرسين فى مستوى الامتحانات

سؤال مهم و مش عارف اجابته

من كحول مناسب كيف تحصل على حمض ثنائى القاعديه

ارجو الرد بسرعه

أدعو للجميع بالتوفيق في تحقيق رغبته
ونجاحكم هو نجاح لنا وللمنتدى

:040vk0:سؤال
الربطة بين جزيئات الماء 00000000000و000000000000000 من الرابطة فى جزىء الماء

أطول و أضعف

برافوووووووووووووووووو

ننتظر أسئلة كتاب المدرسة ودليل التقوم أو أي أسئلة

أدعو الله أن يوفق كل مجتهد

أدعو للجميع بالتوفيق في تحقيق رغبته
ونجاحكم هو نجاح لنا وللمنتدى

مجهودك ملحوظ فى القسم أستاذ محمد فجزاك الله عنا خيراً

لكل مجتهد نصيب

يبقى انت اسمك محمود سمير جمعة ماشي يا محمود

يقول الإمام الشافعي
يغوص البحار من طلب اللألي ومن طلب العلا سهر الليالي

كثرة حل الأسئلة تؤدي إلى الدرجات النهائية

مفيش يا عم معادلة الناتج فيها حمض ثنائى القاعدية
بس هى غالبا هتكون اكسدة الايثيلين جليكول واعتقد كمان انا خطأ لانها من اختراعى

بس لأ هى فعلا اكسدة الايثيلين جليكول
لان اكسدة الكحولات الولية
تتحول ch2oh الى cooh
يعنى اكسدة الايثيلين جليكول ch2oh-ch2oh يعطى cooh-cooh حمض اوكساليك

شكراً كتير يا مستر مصطفى بس انا شايف ان الكيمياء كتاب المدرسة فيها مش محتاج جنبه مساعد ^_^
اهو انا كل ما افتح كتاب المدرسة احس انى ما اخدتش حاجة طول السنة :av4056bb7jp3:

اشكركوووووووووو

يابن اللعيبه

انت متأكد انك طالب ؟؟

شكرا للتفاعل الجميل و جزاكم اللة كل خير

هما كده لغبطوني يا مستر انا حلي صح ولا غلط

ياه السؤال ده حمض على فكرة اهدى علينا شوية يا سامح ومش كل سؤال فى موضوع يا عم ..!!!

merci beaucoup

شكراً يا سامح

انا فاهم قصدك كويس اوي يا احمد
بس انت لما بتعمل التجربة دي بتعملها اصلاً بغرض ايه ... بغرض انك تميز بين عضوى وغير عضوي
معتقدش انك تروح تعملها مع عضوي وعضوي

ركز فى الاجابة دى:-
1-نعمل تحلل مائى لسكر السكروز ثم تخمر ونحصل بذلك على كحول ايثيلى.
2- اكسدة الكحول مرتين تعطى حمض الاستيك .,
3- حمض الاستيك يتفاعل مع الصودا الكاوية ويكون اسيتات الصوديوم .
4- تقطير جاف يعطى ميثان.
5- تسخين الميثان مع بخار الماء عند 725 يكون الغاز المائى .
6- الغاز المائى يتفاعل مع الهيماتيت ويكون الحديد.
يا سامح انت كده جبت المتفاعل الثانوي بالتفاعلات بتاعتك ورحت اشتريت المتفاعل الأساسي معتقدش ان ده ينفع وده بعيد بعض الشئ عن مجال العقل والامتحان

على فكــرة ياسميــر :
انت استعملت الحديد في المعادلة السادسة , تذكر أنك تريد الحديد !
اعتقد اني مكنش أمامي طريق تاني يا (اكون) لأني متعود اجيب المتفاعل الأساسي واروح اجيب الثانوي مش العكس

يا سامح الاجابات كتير يعنى انا ممكن اطول واعرض كتير واوصل للناتج والكيمياء العضوية تقدر تجيب اى مركب من اى مركب تاني والاستاذ قال احنا بناخد قشور كيمياء عضوية بلاش فلسفة وركزوا فى المنهج

وبعدين هو انا مينفعش اقوللك ننقط الماء نجيب ايثاين ونعمله هيدرة نجيب استالدهيد نأكسدة نجيب حمض الايثانويك نعادله مع صودا كاوية نجيب اسيتات صوديوم نعمله تفاعل مع الجير الصودي نجيب ميثان نعمله تسخين عند 1000 نجيب الكربون وهيدروجين

1/ نفاعل نترات الصوديوم مع هيدروكسيد الكالسيوم ينتج نشادر تفاعل النشادر مع حمض النيتريك ينتج نترات الامونيوم
مينفعش المعادلة دي لأنها مش علينا
وتحضير النشادر كان من كلوريد الأمونيوم فانت هتستغل فكرة تجربة تحضير حمض النيتريك وهي الحمض الأثبت يطرد الحمض الأقل ثباتاً من أملاحه يعني هتستخدم حمض الكبريتيك زي ما احمد عمل

1- 2nano3 + h2so4------heat-----na2so4 + 2hno3
nh3 + hno3 -------nh4no3

2- ch2=c-ch2-ch3 بس نحط علي ( c ) مجموعة ايثيل ( ch3-ch2 )

3- لهب الاكسي استيلين هو اللهب الناتج من احتراق الايثاين ف الهواء الجوي ويستخدم ف لحام وقطع المعادن
صراحة يا أحمد اجابات رائعة بس اصلاً السؤال الثاني ده مش عاجبني صيغته بصراحة
إيثيل بيوتين
دي مجموعة ايثيل فين رقمها تبع ال4 ذرات كربون ودي رابطة ثنائية فين رقمها برضه

انا اعتقد ان الاستيلين احنا خدناه كتير بس من امتحان 2008 وهو تفاعله من الكالسيوم ليعطي كربيد الكالسيوم وتنقيط الماء عليه يعطي الاستيلين

بس الميثان دي غربية شوية ممكن يكون بينتج من التقطير الإتلافي للفحم ... انا مش فاكر ايه اللى كان بينتج منه ؟؟

اهو انا كل ما افتح كتاب المدرسة احس انى ما اخدتش حاجة طول السنة :av4056bb7jp3:


ليه بس كده يا رودي انتي كده بتغلطي فى المدرس بتاعك
هو كان بيعملكم قراطيس لب فى الحصص ولا ايه ؟؟؟؟؟ اكيد انتى مكنتيش بتذاكري وراه

اعتقد ان بللورات الزاج الأخضر فى مثال منها محلول فى كتاب الامتحان اللى كان بتاع اول السنة اللى لونه أصفر

ياعم الله يخليك

انا برده أتفق بالشكل الكامل مع زميلي سمير

C+ca cac2
Cac2+2H2o ca(oH)2 + c2H2
C2H2+H2o CH3CHo
CH3CHO CH3COOH
CH4 CH3COONa+NaOH

شكرا مستر محمد


ايوة ياريت فعلا تعمل كل أسئلتك في موضوع واحد


اختصارا للوقت والجهد

علي أنا معاك يا سمير إنها إجابة غريبة شوية لكن علي فكره الأستاذ بتاع الدرس وهو موجه كيمياء
قال هي دي الطريقة الصح
السؤال ده كان جايلي في إمتحان في الدرس

يا سامح الاجابات كتير يعنى انا ممكن اطول واعرض كتير واوصل للناتج والكيمياء العضوية تقدر تجيب اى مركب من اى مركب تاني والاستاذ قال احنا بناخد قشور كيمياء عضوية بلاش فلسفة وركزوا فى المنهج

وبعدين هو انا مينفعش اقوللك ننقط الماء نجيب ايثاين ونعمله هيدرة نجيب استالدهيد نأكسدة نجيب حمض الايثانويك نعادله مع صودا كاوية نجيب اسيتات صوديوم نعمله تفاعل مع الجير الصودي نجيب ميثان نعمله تسخين عند 1000 نجيب الكربون وهيدروجين
:078111rg3: شكرا بس طويلة شوية وكدة هتعقد

ممكن سؤال يامستر معلش


هي درجة النقاوة المقصود بيها درجة نقاوة الخام باحتوائه على فوسفات الكالسيوم


ولا درجة نقاوة فوسفات الكالسيوم باحتوائه ع الفوسفور؟؟


أصل انا بتلخبط في النقطة ديه

وشكرا يامستر


وياريت فعلا في الفترة ديه تنزل لينا أسئله كتيرة تختبرنا بيها

ليه بس كده يا رودي انتي كده بتغلطي فى المدرس بتاعك
هو كان بيعملكم قراطيس لب فى الحصص ولا ايه ؟؟؟؟؟ اكيد انتى مكنتيش بتذاكري وراه
sorry بس انا مش قصدى كدة والله انا قصدى ان المستر بيسهلنا المنهج ويخليه ممتع على عكس كتاب المدرسة ، هو بيشرحلنا من كتاب الامتحان

لابد أن يكون مرجعنا هو كتاب المدرسة

يا سامح انت كده جبت المتفاعل الثانوي بالتفاعلات بتاعتك ورحت اشتريت المتفاعل الأساسي معتقدش ان ده ينفع وده بعيد بعض الشئ عن مجال العقل والامتحان

أتفق معــك ,,

سوال هموت علية بجد

بيقولى

ما عدد مجموعات الهيدروكسيل فى 92 جم من الجليسرول

مستر في سؤال في العضوية في دليل التقويم


لما سأل ايه المجموعة الوظيفيه المسأولة عن كل مما يلي


وكان منها تفاعل الكحولات مع الاحماض لتكوين استرات

مش الهيدروجين اللي في مجموعة الهيدروكسيل هو المسئول عن كدة؟؟

طب هقول ايه هيدروجين مجموعة الهيدروكسيل ولا مجموعة الهيدروكسيل ككل
؟؟؟


وهكذا في مجموعة الكربوكسيل هقول المجموعة ككل ولا الجزء منها المختص بكدة


وشكرا جزيلا مستر محمد

مستر في سؤال في العضوية في دليل التقويم


لما سأل ايه المجموعة الوظيفيه المسأولة عن كل مما يلي


وكان منها تفاعل الكحولات مع الاحماض لتكوين استرات

مش الهيدروجين اللي في مجموعة الهيدروكسيل هو المسئول عن كدة؟؟

طب هقول ايه هيدروجين مجموعة الهيدروكسيل ولا مجموعة الهيدروكسيل ككل
؟؟؟


وهكذا في مجموعة الكربوكسيل هقول المجموعة ككل ولا الجزء منها المختص بكدة


وشكرا جزيلا مستر محمد
السؤال واضح يا روحاء بيقولك ما اسم المجموعة
يني عاوز اسم المجموعة الوظيفية ككل

ممكن سؤال يامستر معلش


هي درجة النقاوة المقصود بيها درجة نقاوة الخام باحتوائه على فوسفات الكالسيوم


ولا درجة نقاوة فوسفات الكالسيوم باحتوائه ع الفوسفور؟؟


أصل انا بتلخبط في النقطة ديه

وشكرا يامستر


وياريت فعلا في الفترة ديه تنزل لينا أسئله كتيرة تختبرنا بيها

المقصود بدرجة النقاوة هو نسبة فوسفات الكالسيوم في الخام
وفي الفترة دي عاوزين أسئلتكم أنتم ليكتمل النقص عن كل واحد منكم

لاشكر على واجب

ربنا يوفق الجميع

الإجابة الصحيحة 16 أوربتال
السؤال الثانى 7 طبعا :
5 مستويات فرعية يعنى :
1s 2s 2p 3s 3p
مشغولى يعنى غير ممتلئة طبعا 100% كلة ممتلئ ماعاد 3p
3p يكون مشغول بـــ من ( 1 الى 5 ) و 3s بة 2 الكترون
إذن إحتمالات عدد ألكترونات التكافؤ =
ممكن 3 أو 4 أة 5 أو 6 أو 7 بس
فى الإختيارات نختار 7

و لكم جميعا جزيل الشكر
أخي أ/مصطفى أعلم كل هذا ولكننا في بوابة الثانوية العامة نعتبر مرجع للطلاب فلا بد أن تكون إجاباتنا قاطعة
السؤال الثاني موجود في دليل التقويم ويوجد\ اختيار 3 و 7 أيهما يختار الطالب ؟
السؤال الأول خاطئ لأن السادس لايتشبع بعدد 32 إلكترون كما في السؤال لا نظريا ولا عمليا
لك مني كل التحية فانا أقدر وأحترم حضرتك جدا لمشاركاتك الفعالة والمثمرة في بوابة الثانوية العامة لك مني كل التحية والتقدير والإحترام

اوجد ثلاث متشاكلات c4h9brاوجد الثلاث متشاكلات؟
http://www10.0zz0.com/2011/05/31/08/487568284.jpg

وماناتج تفاعل كلا منهما مع بوتاسا كاوية مائية؟
1- تفاعل المركب رقم (1) مع البوتاسا الكاوية المائية يعطي 1- بيوتانول ( كحول أولي ) و بروميد البوتاسيوم
2- تفاعل المركب رقم (2) مع البوتاسا الكاوية المائية يعطي 2- بيوتانول ( كحول ثانوي ) و بروميد البوتاسيوم
3- تفاعل المركب رقم (3) مع البوتاسا الكاوية المائية يعطي 2-ميثيل 2بروبانول (كحول ثالثي ) و بروميد البوتاسيوم

وماناتج اكسدة النواتج بواسطة برمنجنات البوتاسيوم؟
أكسدة الكحول الأولي 1-بيوتانول تعطي حمض البيوتانويك
أكسدة الكحول الثانوي 2-بيوتانول تعطي ch3-ch2-co-ch3 ده كيتون وانا معرفش اسمه
عند أكسدة الكحول الثالثي 2-ميثيل 2بروبانول ، لا يحدث تفاعل ولا يزول لون البرمنجنات لأن الكحول الثالثي لا تتصل بذرة الكاربينول فيه بذرة هيدروجين لذا لا يحدث أكسدة

برافو سمير
والكيتون يسمى (ايثيل ميثيل كيتون ) أو ( بيوتانون)

لابد أن يكون مرجعنا هو كتاب المدرسة
شكرا يامستر

اختر الإجابة الصحيحة :
محلول حمض أسيتيك في حالة اتزان مع أيوناته . عند إضافة أسيتات الصوديوم لهذا الإتزان فإن قيمة ph...............
( تزداد - تقل - تظل كماهي)

تقل
لان اسيتات الصوديم تتميؤ الي حمض اسيتك و ايونات صوديم وهيدركسيد
وبالتالي يزداد تركيز حمض الاستك ف المحلول
فتقل قيمة ph

تقل...لان استات الصوديوم عند تأينها في الماء فانها تزيد من تركيز ايونات الاسيتات وبالتالي يزيد تركيز النواتج وطبقا لقاعدة لو شاتيليه فان التفاعل ينشط في الاتجاه الذى يقلل او يلغي هذا التأثير لذا ينشط التفاعل في الاتجاه العكسي فيزيد تركيز حمض الاسيتيك وبالتالي تزداد قيمة تقل (لزيادة الحموضة )

شباااااب ...اختلاف الرأي لايفسد للود قضيه ....انا مع رأي الشيماء طبعا ...واكيييد مع رأي ا/ احمد فعلا الكلام في كلتا الحالتين صحيييييييح ...بس معلش انا عندي اعتراض بسيط ان الكشف او التفريق او التمييز لازم يظهر لون او يختفي لون ...اما الشيماء ففي الحالة دي مش حيظهر لون ومش حنعرف نستدل ع التفاعل بأي طريقة ...دي وجهة نظري ...نرجو الافادة من اي مدرس في قسم الكيمياء

على فكرة انا ارى ان حل( الشيماء 22) هو الأصح لان فى ccl4 استبدلت كل ذرات الهيدروجين بالكلور فلن يحذث تفاعل اما فى حالة البنتان سيحث تفاعل والله الموفق

اختر الإجابة الصحيحة :
محلول حمض أسيتيك في حالة اتزان مع أيوناته . عند إضافة أسيتات الصوديوم لهذا الإتزان فإن قيمة ph...............
( تزداد - تقل - تظل كماهي)

حتى لو سؤال بسيط اظن برضه نشتغل بالأصول
احنا عندنا حمض الاسيتيك بيتأين الى ايه ايون اسيتات موجب وايون هيدروجين سالب
طيب احنا هنضيف اسيتات صوديوم يعني هنزود ايون الاسيتات يبقى كده ايه اللى هيحصل ينشط التفاعل فى الاتجاه اللى يلغى التأثير يبقى يزيد تركيز حمض الاسيتيك

طيب ايه اللى حصل لتركيز ايون الهيدروجين ..... التركيز قل يعني الأس بتاعه زاد يعني درجة الحموضة قلت وكل ما الحموضة تقل بتزيد قيمة ph

يبقى قيمة ph هنا هتزيد مش هتقل مستنى الرد الصح ؟؟؟!!!

شكراااااااااااااااااااااااااااااااا

ojjjjjjjjjjjjjjjjjjjjjjjjjjjjj

السؤال الاول
ما العلاقه بين قانون جاى لوساك وقانون افوجادرو

السؤال الثانى
حمض الهيدروكلوريك تركيزه
1--- 10 اس سالب 8
2---- 10اس سالب 15

ما قيمة ph للمحلول


السؤال الثالث

فى كتاب المدرسةلايكتب تركيز المواد الصلبة والرواسب فى ثابت اتزان
كيف يكون هناك رواسب فى معادلة تفاعل متزن
مع انه م المفروض فى حالة وجود رواسب او تكون مواد صلبة يكون التفاعل تاما

السؤال الرابع


اذا كانت قيم ثابت التزان صغيره جدا فهذا يعنى
1 --- التفاعل عكسى
2--- تركيز النواتج اقل من تركيز المتغاعلات
3----التفاعل تام ولحظى
4--- 1+2 معا

السؤال الرابع
علل يحدث تهجين من النوع sp3 فى جزئ الميثان

السؤال الخامس
هل المركب CH3CHO مشبع ام غير مشبع
او بشكل اخر هل الرابطة الثنائية بي الكربون ومركب ثنائى التكافؤ واحدة سيجما والاخرى باى ام لا

السؤال السادس
ماهو اثر الحرارة على صودا الغسيل


السؤال السابع
سبب تكون رابطة ايوني بين عناصر الممجموعة الاولى واللا فلزات هو
صغر سالبيتها
صغر جهد تأينها
ايهما

السؤال الثامن
سبب زوال لون البرمنجانات فى تفاعل باير
1--استهلاكها فى الاكسدة
2---تكون نواتج عديمة اللون

ايهما

السؤال التاسع
ماهو الترتيب الصحيح لقيم جهد التأين الثانى لعناصر الدورة التانية

السؤال العاشر
ماو تاثير كل مما ياتى على عباد الشمس
اسيتات الكالسيوم
اسيتات الماغنسيم \اسيتات الليثيوم

ما الفارق بين
الطيف الذرى الطيف الخطى طيف الانبعاث للذرات


كيف تميز
هيدروكسيد كالسيوم وهيدروكسيد صوديوم
سبيكة النحاس الاصفر وسبيكة الصلب الذى لا يصدأ

من الاوكتان كيف تحصل على البروبان



خليط النيترة
حمض الكبريتيك والنيتريك الركزين بنسبة
1 الى 1
1 الى 3

ايهما

اختر التسمية الصحيحة مما ياتى لنفس المركب
1برومو-3و4 ثنائى كلورو بنزين
4 برومو 1و2 ثنائى كلورو بنزين

او بشكل اخر هل تسمية مشتقات البنزين تبدا التسمية من الطرف
1-الذى يعطينا مجموع ارقام اقل
2-من ناحية البديل الاسبق فى الترتيب الابجدى

لدينا حلقة بنزين عليها ثلاث مجموعات وظيفية
1--هيدروكسيل
2--كربوكسيل
3-استر

اى من هذه المجموعات التى يمكنها تكوين استر اذا تفاعل المركب مع حمض الايثانويك



اكتب وجه الاعتراض ثم التسمية صحيحة
2_ميثيل 3_بروباين

تقوم صناعة المنظفات الصناعية اساسا على

1---مركبات حمض السلفونيك الاروماتية
2--املاح حمض السلفونيك الاروماتية

hwa ana 2olt sa7 wala ghalt
wala ento msh fahmen kalamy asln

ايه الاسئلة الملخبطة دي يا عبيد انا شايف انها ملهاش لازمة
ماعدا سؤال واحد بحتار فيه اوقات برضه

(فى كتاب المدرسةلايكتب تركيز المواد الصلبة والرواسب فى ثابت اتزان
كيف يكون هناك رواسب فى معادلة تفاعل متزن
مع انه م المفروض فى حالة وجود رواسب او تكون مواد صلبة يكون التفاعل تاما )

على فكرة انا مدرس

طب كويس ان حضرتك مدرس بس المفروض انك تجمع الاسئلة كلها فى موضوع واحد يا مستر عشان الصفحات متتحركش بسرعة !!!

بتنقيط الماء استيلين
احتراق غير تام كربون

هههههههههههههههههه

اظنها هتبقى كما هى هو الحمض عيتفاعل مع ملحه؟؟؟

انــــــا مش متأكد
بس متهيألي انو اسيتات الصوديوم قاعدي التأثير >> ( عشان مشتق من حمض ضعيف وقاعدي قوية )
وعندنا انو هتتراكم ايونات الهيدروكسيل فتقل قيمة الــــ ph
والله اعلمـ
واتمني اشوف الرد من اساتذتنا الكبـــــــــــآر

:av4056bb7jp3:يا اساتذة الحقونى انا هتجنن اهمية الاحماض العضوية فى حياتنا ذاكرتها كتيييييييير وبرضه مش عارفة الحكاية مش انى بحفظ بس انا حاولت افهمها و معرفتش ، يا ترى اعمل اييييييييه؟

١-عدد مولات البروبان في إناء سعته ٥ لتر يساوي
(٢٢. مول/٩.٨ مول /١٢.مول /
٦.٠٢في ١٠أس ٢٣)

٢-علل.أيون النترات لا يزيل لون محلول برمنجنات البوتاسيوم المحمضة

0,22 مول
السوال الثانى غير موجود بالمنهج

الى انا فهمته انه هيتأين الى صوديوم و اسيتات
هيتم سحب ايونا الهيدروجين علشان يتكون حمض االاستيك الضعيف
وبالتالى هيكون المحلول حمضى
يعنى ph يقل
التفاعل هيسير عكسى يعنى

حتى لو سؤال بسيط اظن برضه نشتغل بالأصول
احنا عندنا حمض الاسيتيك بيتأين الى ايه ايون اسيتات موجب وايون هيدروجين سالب
طيب احنا هنضيف اسيتات صوديوم يعني هنزود ايون الاسيتات يبقى كده ايه اللى هيحصل ينشط التفاعل فى الاتجاه اللى يلغى التأثير يبقى يزيد تركيز حمض الاسيتيك

طيب ايه اللى حصل لتركيز ايون الهيدروجين ..... التركيز قل يعني الأس بتاعه زاد يعني درجة الحموضة قلت وكل ما الحموضة تقل بتزيد قيمة ph

يبقى قيمة ph هنا هتزيد مش هتقل مستنى الرد الصح ؟؟؟!!!
كل يوم بيزيد إعجابي بيك
برافوووووو

ph = - لو تركيز أيونات الهيدروجين
بمعنى : تزداد قيمة ph عندما يقل تركيز الهيدروجين والعكس
وكلكم أجمعتم على أن تركيز ايونات الهيدروجين يقل
يبقى ph يزداد
أوعة السؤال يخدعك

١-عدد مولات البروبان في إناء سعته ٥ لتر يساوي
(٢٢. مول/٩.٨ مول /١٢.مول /
٦.٠٢في ١٠أس ٢٣)
عدد مولات الغاز = حجم الغاز باللتر/22.4 = 5 / 22.4 = 0.22 مول

٢-علل.أيون النترات لا يزيل لون محلول برمنجنات البوتاسيوم المحمضة
لأنه لا يتفاعل معها

سؤال قريب من هذا السؤال

قيمة ph لمحلول 0.01 مولاري من حمض الأسيتيك ............. ph لمحلول0.01 مولاري من حمض الهيدروكلوريك
( أكبر من - تساوي - أقل من)

أوعة السؤال يخدعك

هل يسمح بكتابة إجابتين في الإمتحان
يعني مثلا لو مسألة ممكن أكتب حل آخر

لا كدا تمام يا مستر
انا فهمت بس مش من الشرح
انا فهمت من السؤال الاخير
هتبقى الاجابة اكبر من
لان حمض الهيدروكيوريك اكثر حامضية يعنى ال ph بتاعته قليلة جدا 2
اما حمض الاستيك فحمض ضعيف ال ph كبيرة
شكرا جدا ليك يا مستر

هل يسمح بكتابة إجابتين في الإمتحان
يعني مثلا لو مسألة ممكن أكتب حل آخر


عادي جدا ممكن تحل المسألة مرتين وتحسب لك الحل الصحيح

طب لو الورقه جايبه الدرجه النهائيه
مش هيحسبوا الاتنين غلط عشان يصفوا الاوائل ؟؟؟

السؤال الثانى:

عدد تاكسد النيتروجين فى النترات +5 و هى اقصى حالة تاكسد للنيتروجين لذالك لا يتاكسد بفعل البرمنجنات

السلام عليكم ورحمة الله وبركاته

......
بما انا خلاص مفيش وقت ع الامتحانات
وفينا اللى خلص مواد وفينا اللى لسه
وفينا اللى خايف سواء خلص او لا
.....
سيبكم دلوقتى من المذاكره خلاص راح زمنها
الحل دلوقتى انكم تحلوا امتحانات
حتى لو مش مخلصين مناهج
مع تكرار الحل المعلومات هتثبت فى دماغكم
ثانيا انا كان فى حاجات كتير مش فاهماها والحمد لله فهمتها بحل الامتحانات
لان اسلوب شرحها هو اللى غبى لكن لما شوفت السؤال بيجي ازاى اطمنت الحمد لله
ان شاء الله ممكن نضمن 47 من 50 بالطريقه دي
وال3 درجات الباقيه اكيد مش اللى هيحل امتحانات علطول زي اللى بيذاكر طول السنه فدول اللى هيميزوا

......

شكرا ، على فكرة انا فى اولى ثانوى مكنتش باخد دروس و عملت كدة والحمد لله نجحت بفوق ال90%

شكرااااااا

يااااااااه دى تبقى حاجة صعبة اوىىىىىىىىى

:040vk0:

مبتدا باسيتات الصوديوم كيف تحصل على ميثواكسيد الصوديوم ?

معلش يا جماعة خطأ مطبعي ...ph يزيد مش يقل

سؤال تحويلات بسيط وجميل وله اكثر من اجابه ...وقلبي حاسس انه ممكن ييجي ف الامتحان (اصل انا قلبي دليلي:022yb4: )


كيف تحول كحول اولى الى كحول ثانوي والعكس ؟؟؟

هو حلوووو وبسيييييييييط جدا
مجرد انكـ هتنزع جزئ ماء بواسطة حمض الكبريتيك المركز عند درجة حرارة 180 من 1-بربانول (( اول اكتر يعني بيوتانول بنتانول كدهـ ))
وبعدين ترجعـ جزئ الماء دهـ وبردهـ في وجود حمض الكبريتيكـ المركز بس درجة حرارة 110 وبكده هيتكون 2-بروبانول ^^"
وهي دي ابسط طريقة لحل السؤال دهـ
واي سؤال انا في الخدمة

انا حاسة انه صعب اوىىىىىىىىىىىى

فى شوية اسئلة مش فاهمها ومعقدنى خالص ياريت تحلوهالى وربنا يبارك فيكم


اولا
فى مسئلة سالت كزا مدرس وفى بعضهم بيقول ان الاجابة 7.5 والبعض الاخير بيقول 0.795

مش عارف انهى الصح المهم بتقول

محلول كربونات الصوديم تركيزة 2.5% كم عدد الجرامات فى 300 مل من هذا المحلول


ثانيا جايبلى فى كتاب الامتحان بيقولى فى اخرت
اى التفاعلين التى تكون فيهم قيمة kp اقل من kc دا ازاى ولية

H2+BR2=2HBR

PCL5=PCL3+CL2

N2+3H2=2NH3

2SO3=2SO2+O2


مش فاهم السوال يا جماعة ياريت معى الاسبب والنبى



وسال تانى بيقول


عند خاط حجمين متساويان من محلولى BACL2.NAF لا يتكون راسب من BAF2

عندما يكون تركيز BACL2 يساوى
و تركيزNAF يساوى


بعد ازنكم اانا مش عاوز الرد لانو معطلنى جداااا ومش معايا مدرس فى الفترة دى ربنا يخليكووو

ربنا يوفقك بس اقولك على نصيحة بينى و بينك مفيش احلى من المنتدى ده و تقدر تنزل اللى انت عايزه بسهولة و بسرعة

مبتدا باسيتات الصوديوم كيف تحصل على ميثواكسيد الصوديوم ?

اسيتات صوديوم--(تقطير جاف)------ ميثان

ميثان+ كلور ---(ضوء غير مباشر)----- كلورو ميثان

كلورو ميثان + هيدروكسيد بوتاسيوم ------ ميثانول

ميثانول + صوديوم --------- ميثوكسيد صوديوم

ممكن الريادة

فكره جيده بس خلاص مفيش وقت نحل فيه امتحانات اصلا علشان كده انا بنصح الجروب كله انه يذاكر اسسيات في ال5 ايام دول قبل ميدق الوقت بتاعه في العربي